ەلدە جٷيكەسٸ جۇقارعان بالا كٶبەيگەن. ماماندار دابىل قاعىپ جاتىر. بالالار مەن جاسٶسپٸرٸمدەر اراسىندا پسيحيكالىق اۋرۋعا شالدىققاندار سانى ٶتكەن جىلمەن سالىستىرعاندا 14 پروتسەنتكە ٶسكەن. ەلوردانىڭ ٶزٸندە 3 مىڭعا جۋىق بالا رەسمي تٸركەۋدە تۇر. ولاردىڭ قاتارى پاندەمييادان كەيٸن ارتا تٷسٸپتٸ, دەپ حابارلايدى "ۇلت اقپارات" "استانا" تەلەارناسىنا سٸلتەمە جاساپ.
استانا قالاسى بويىنشا 19 مىڭ ادام پسيحيكالىق اۋرۋعا شالدىققان. ونىڭ 3 مىڭعا جۋىعى 18 جاسقا تولماعان بالالار. جٷيكەسٸ سىر بەرگەن 440 جاسٶسپٸرٸم قازٸر شاھارداعى پسيحيكالىق ورتالىقتا ەمدەلٸپ جاتىر.
"بٸزدٸ مازالاپ وتىرعان جەيت, بۇل بالالار مەن جاسٶسپٸرٸمدەر اراسىنداعى پسيحيكالىق اۋىتقۋلاردىڭ ٶسۋٸ. 14-15 پايىزعا ٶسٸپ وتىر", - دەيدٸ قالالىق پسيحيكالىق دەنساۋلىق ورتالىعى ديرەكتورىنىڭ مٸندەتٸن اتقارۋشى گاۋھار بەكتاەۆا.
ەلٸمٸزدە پسيحيكالىق دەنساۋلىق "قازانى" جابۋلى كٷيدە تۇر. كەيبٸرٸ, تٸپتٸ, مۇنداي اۋرۋدىڭ بار ەكەنٸن دە بٸلمەيدٸ. ەندٸ بٸرٸ بالانىڭ بويىنداعى ٶزگەرٸستٸ بايقاي تۇرا, پسيحوتەراپەۆت كٶمەگٸنە جٷگٸنۋدٸ ۇيات سانايدى. سالدارىنان بٷكٸل ەلەمدە بۇل دەرتتٸڭ جاستار اراسىندا تارالۋى ٷدەي تٷستٸ, دەيدٸ دەرٸگەرلەر.
"سەبەبٸ كٶبٸ پسيحوتەراپييالىق دەنساۋلىققا نازار اۋدارمايدى. كٶبٸ تەرٸس تەربيە الادى. مىسالى, بٸزدٸڭ حالىقتا "شىدا" دەيدٸ. ەرتٷرلٸ كٷيزەلٸستەر بولسا, ەرتٷرلٸ قيىنشىلىقتار مەن پسيحوتەراپييالىق سوققىلار الىپ وتىرسا دا, ول ادام شىدايدى", - دەيدٸ قالالىق پسيحيكالىق دەنساۋلىق ورتالىعىنىڭ دەرٸگەرٸ توقتار قويشىبەكوۆ.
پسيحولوگ لاۋرا جەكسەمباەۆا كەرٸسٸنشە, قازٸر پسيحولوگتىڭ كٶمەگٸنە جٷگٸنەتٸن اتا-انا قاتارى ارتقانىن ايتتى. بٸراق بارلىق وتباسى ەمەس, جاستار عانا جٷگٸنەتٸنٸن جەتكٸزدٸ.
"25-35 جاس ارالىعىنداعى اتا-انالار قازٸرگٸ بالالاردىڭ پسيحيكالىق جاعدايىنا كٶبٸرەك كٶڭٸل بٶلٸپ جاتىر. پسيحولوگقا جٷگٸنٸپ, الىپ كەلەدٸ. تٸپتٸ, بالانىڭ مٸنەز-قۇلقىندا بٸر وڭاشالانۋ, ارالاسپاي قويۋ, سونداي ٶزگەشەلٸكتەردٸ بايقاسا بٸردەن پسيحولوگقا ەكەلٸپ جاتادى. ال 35 جاستان اسقان اتا-انالار كٸشكەنە قيىنداۋ. ولار ونى قالىپتى جاعداي دەپ ەسەپتەيدٸ كٶبٸنەسە نەمەسە مەنٸڭ بالام دۇرىس ەمەس, ٶزٸ سونداي, ەدەيٸ ٸستەيدٸ دەپ ويلايدى", - دەيدٸ ول.
ماماندار جاعدايعا ناقتى نە سەبەپ بولىپ وتىرعانىن ايتا المادى. دەگەنمەن بالاعا اتا-انا تاراپىنان كٶڭٸل بٶلٸنبەۋدٸڭ دە سالقىنى تيٸپ جاتىر دەپ ەسەپتەيدٸ. مۇنى ەلوردالىق سەرٸك تٶكەەۆ تا قۇپتايدى.
"ٷيگە بارساڭ بالا بٸر تەلەفوندا, ەيەلٸڭ بٸر تەلەفوندا, باسقالار بەرٸ بٸر-بٸر تەلەفوندا وتىرادى. بۇرىنعىداي "وبششەنيە" جوق. بالا تەربيەسٸنە ەسەرٸ وسى دەپ ويلايمىن. مىسالى, بالاعا كٶپ كٶڭٸل بٶلۋ كەرەك قازٸر", - دەيدٸ ول.
جٷيكەسٸ سىر بەرگەن جاسٶسپٸرٸم قىلمىس جاساپ, كەرەك دەسەڭ ٶز-ٶزٸنە قول جۇمساۋدان دا تايىنبايدى. سوندىقتان ماماندار اتا-انالارعا بالاسىنىڭ بويىنان قانداي دا بٸر وعاش قىلىقتى, اۋىتقۋدى بايقاسا, بٸردەن دەرٸگەر كەڭەسٸنە جٷگٸنۋدٸ ۇسىنادى. بۇل وقىس جاعدايدىڭ الدىن الۋدىڭ العىشارتى ەكەنٸن ەسكەرتەدٸ.
