سۋرەت اشىق دەرەككٶزدەن الىندى
ٸشكٸ ٸستەر مينيسترٸ مارات احمەتجانوۆ جاپپاي تەرتٸپسٸزدٸكتەرگە شاقىرعانى ٷشٸن قىلمىستىق جازانى كٷشەيتۋ مەسەلەسٸن تٷسٸندٸردٸ, دەپ حابارلايدى Sputnik قازاقستان.
بٷگٸن سەناتتا بٸرقاتار قىلمىستار بويىنشا جازانى كٷشەيتۋگە ارنالعان زاڭ قابىلداندى. سونىڭ ٸشٸندە جاپپاي تەرتٸپسٸزدٸكتەرگە شاقىرعانى ٷشٸن جازانى كٷشەيتۋ مەسەلەسٸ دە بار. اتاپ ايتقاندا, ەندٸ ونداي قىلمىس ٷشٸن 3 جىلدان 5 جىلعا دەيٸنگٸ باس بوستاندىعىنان ايىرۋ جازاسى بولادى.
ال تەلەكوممۋنيكاتسييا جەلٸلەرٸ ارقىلى جاپپاي تەرتٸپسٸزدٸكتەرگە شاقىرعانى ٷشٸن 3-7 جىل تٷرمەگە قامايدى. ٸشكٸ ٸستەر مينيسترٸ مارات احمەتجانوۆتىڭ ايتۋىنشا, زاڭدا ميتينگ تۋرالى ەشتەڭە ايتىلماعان. بەيبٸت ميتينگ پەن جاپپاي تەرتٸپسٸزدٸك ەكٸ بٶلەك نەرسە.
"زاڭدا ميتينگ تۋرالى بٸردە-بٸر سٶز جوق. ەكەۋٸن اجىراتا بٸلۋ كەرەك. ميتينگ پەن جاپپاي تەرتٸپسٸزدٸك – ەكٸ بٶلەك ۇعىم. قازٸرگٸ كەزدە قىلمىستىق كودەكستە جاپپاي تەرتٸپسٸزدٸك ٷشٸن جاۋاپكەرشٸلٸك بار. ەندٸ, جاپپاي تەرتٸپسٸزدٸككە شاقىرعانى ٷشٸن, ياعني, ينتەرنەت جەنە باسقا دا رەسۋرستار ارقىلى "بارايىق! قيراتايىق! بۇزايىق! جاعايىق!" دەپ ٷندەۋ تاستالسا, قىلمىستىق جازا قولدانىلادى", - دەدٸ احمەتجانوۆ سەناتتا ٶتكەن بريفينگتە.
مينيستر بەيبٸت ميتينگكە شىققان ادامداردىڭ جاۋاپقا تارتىلمايتىنىن دا ايتتى. بٸراق ول جەردە بٸرەۋلەر جاپپاي تەرتٸپسٸزدٸكتەرگە شاقىرسا, جازاعا تارتىلادى.
