Sýret ashyq derekkózden alyndy
Ishki ister ministri Marat Ahmetjanov jappai tártipsizdikterge shaqyrǵany úshin qylmystyq jazany kúsheitý máselesin túsindirdi, dep habarlaidy Sputnik Qazaqstan.
Búgin Senatta birqatar qylmystar boiynsha jazany kúsheitýge arnalǵan zań qabyldandy. Sonyń ishinde jappai tártipsizdikterge shaqyrǵany úshin jazany kúsheitý máselesi de bar. Atap aitqanda, endi ondai qylmys úshin 3 jyldan 5 jylǵa deiingi bas bostandyǵynan aiyrý jazasy bolady.
Al telekommýnikatsiia jelileri arqyly jappai tártipsizdikterge shaqyrǵany úshin 3-7 jyl túrmege qamaidy. Ishki ister ministri Marat Ahmetjanovtyń aitýynsha, zańda miting týraly eshteńe aitylmaǵan. Beibit miting pen jappai tártipsizdik eki bólek nárse.
"Zańda miting týraly birde-bir sóz joq. Ekeýin ajyrata bilý kerek. Miting pen jappai tártipsizdik – eki bólek uǵym. Qazirgi kezde Qylmystyq kodekste jappai tártipsizdik úshin jaýapkershilik bar. Endi, jappai tártipsizdikke shaqyrǵany úshin, iaǵni, internet jáne basqa da resýrstar arqyly "Baraiyq! Qirataiyq! Buzaiyq! Jaǵaiyq!" dep úndeý tastalsa, qylmystyq jaza qoldanylady", - dedi Ahmetjanov Senatta ótken brifingte.
Ministr beibit mitingke shyqqan adamdardyń jaýapqa tartylmaitynyn da aitty. Biraq ol jerde bireýler jappai tártipsizdikterge shaqyrsa, jazaǵa tartylady.
