ەلباسىنىڭ تٶراعالىعىمەن «سامۇرىق-قازىنا» ۇلتتىق ەل-اۋقات قورىن باسقارۋ جٶنٸندەگٸ كەڭەستٸڭ وتىرىسى ٶتتٸ, دەپ حابارلايدى "ۇلت اقپارات" ەلباسىنىڭ رەسمي سايتىنا سٸلتەمە جاساپ.
جيىندا پاندەمييا كەزٸندە وتاندىق ٶندٸرۋشٸلەردٸ قولداۋ شارالارى جەنە «سامۇرىق-قازىنا» قورىن ينۆەستيتسييالىق حولدينگكە اينالدىرۋ مەسەلەسٸ قارالدى.
– بٸزدٸڭ بٷگٸنگٸ جيىنىمىز كٷردەلٸ كەزەڭدە ٶتٸپ وتىر. الپاۋىت ەلدەر اراسىنداعى بەسەكەلەستٸك پەن تەكەتٸرەس كٷشەيٸپ بارادى. قازاقستان ەكونوميكاسىنا ٷلكەن كٷش تٷسۋدە. سونىمەن بٸرگە بۇل جاڭا ەكونوميكالىق مودەل قالىپتاستىرۋ ٷشٸن قاجەتتٸ رەفورمالار جٷرگٸزۋ مٷمكٸندٸگٸ, – دەدٸ ەلباسى.
نۇرسۇلتان نازارباەۆ قوردى قايتا قۇرۋ مەسەلەسٸن تالقىلاۋ بارىسىندا تيٸمسٸز ينۆەستيتسييالاردى قىسقارتىپ, تابىسى جوعارى ينۆەستيتسييالارعا اۋىستىرۋدىڭ ماڭىزدىلىعىن اتاپ ٶتتٸ.
– بٸز نەگٸزگٸ ماقساتتاردى قوردىڭ 2028 جىلعا دەيٸنگٸ جاڭارتىلعان دامۋ ستراتەگيياسىندا ايقىندادىق. ەڭ باستىسى – تاياۋ مەرزٸمدە «سامۇرىق-قازىنا» قورىنىڭ جۇمىسىن جاڭا فورماتقا كٶشٸرٸپ, جەتەكشٸ تەۋەلسٸز ەل-اۋقات قورلارى سيياقتى ينۆەستحولدينگە اينالدىرۋ. بٸزگە قوردىڭ پورتفەلٸندەگٸ اكتيۆتەردٸ گەوگرافيياسى مەن سالاسىنا قاراي ەرتاراپتاندىرۋ كەرەك. تيٸمسٸز ينۆەستيتسييالاردان ارىلىپ, ولاردى بارىنشا تابىس ەكەلەتٸن ينۆەستيتسيياعا اۋىستىرۋ قاجەت. بۇل ديۆيدەندتەردٸڭ ٶسۋٸ ەسەبٸنەن بيۋدجەتكە تٷسەتٸن تٷسٸمدەردٸ ۇلعايتۋعا مٷمكٸندٸك بەرەدٸ, – دەدٸ «سامۇرىق-قازىنا» ۇلتتىق ەل-اۋقات قورىن باسقارۋ كەڭەسٸنٸڭ تٶراعاسى.
سونىمەن قاتار قازاقستاننىڭ تۇڭعىش پرەزيدەنتٸ داعدارىس جاعدايىندا ٷكٸمەت وتاندىق بيزنەستٸ قورعاۋ ٷشٸن تەڭدەسسٸز شارالار قابىلداعانىن اتاپ ٶتتٸ.
– تٶتەنشە جاعداي كەزەڭٸندە حالىق پەن بيزنەستٸ قولداۋ, ەكونوميكالىق تۇراقتىلىقتى ساقتاۋ ٷشٸن داعدارىسقا قارسى شارالاردىڭ ٷش بٸردەي توپتاماسى قابىلداندى. بٸراق پاندەمييا بەسەڭدەر ەمەس. ونىڭ ەكٸنشٸ كەزەڭٸ باستالىپ كەلەدٸ. مۇنداي كٷردەلٸ جاعدايدا بۇعان دەيٸن اتاپ ٶتكەندەي, وتاندىق كەسٸپكەرلەرگە قولداۋ كٶرسەتۋ قاجەت, – دەدٸ ەلباسى.
«سامۇرىق-قازىنا» اكتسيونەرلٸك قوعامىنىڭ باسقارما تٶراعاسى ا.ەسٸموۆتٸڭ اقپاراتىن تىڭداي كەلە, نۇرسۇلتان نازارباەۆ بيزنەس بەلسەندٸلٸكتٸڭ كٷرت تٶمەندەۋٸ جاعدايىندا كۆازيمەملەكەتتٸك سەكتوردىڭ مەملەكەتتٸك تاپسىرىستارى مەن ساتىپ الۋلارى ٶندٸرٸستٸك كەسٸپورىندارعا جەنە كەسٸپكەرلەرگە كٶمەك كٶرسەتۋدٸڭ تيٸمدٸ شاراسىنا اينالعانىن اتاپ ٶتتٸ.
– 2018-2020 جىلدار ارالىعىندا قوردىڭ ساتىپ الۋىنىڭ 93 پايىزى, ياعني جالپى سومماسى بٸر تريلليون تەڭگەدەن اساتىن 4200 پوزيتسييا بەسەكەلەستٸك ورتاعا بەرٸلدٸ. 23 مىڭعا جۋىق كەسٸپكەرلٸك سۋبەكتٸلەر ساتىپ الۋعا تٸكەلەي قول جەتكٸزدٸ. وسى كەزەڭدە بٸر كٶزدەن ساتىپ الۋ 60 پايىزعا ازايعان. نەتيجەسٸندە 400 ميلليارد تەڭگەدەن استام قارجى ٷنەمدەلدٸ. وسى جۇمىستى جالعاستىرۋ كەرەك, – دەدٸ قوردى باسقارۋ جٶنٸندەگٸ كەڭەستٸڭ تٶراعاسى.
كەڭەس بارىسىندا «قازمۇنايگاز» ۇلتتىق كومپانيياسى» اكتسيونەرلٸك قوعامى, «قازاقستان تەمٸر جولى» ۇلتتىق كومپانيياسى» اكتسيونەرلٸك قوعامى, «قازاتومٶنەركەسٸپ» ۇلتتىق اتوم كومپانيياسى» اكتسيونەرلٸك قوعامى, «قازاقتەلەكوم» اكتسيونەرلٸك قوعامى, «سامۇرىق-ەنەرگو» اكتسيونەرلٸك قوعامى جەنە «ەير استانا» اكتسيونەرلٸك قوعامى باسشىلارىنىڭ ەسەپتەرٸ تىڭدالدى.
سونداي-اق, قازاقستاننىڭ تۇڭعىش پرەزيدەنتٸ كەسٸپورىنداردىڭ توقتاپ قالۋىنا جەنە قىسقارتۋلارعا جول بەرمەي, وڭ قارقىن ساقتاپ قالۋعا مٷمكٸندٸك اشقان قوردىڭ جاڭا دامۋ ستراتەگيياسىنىڭ تيٸمدٸلٸگٸن اتاپ ٶتتٸ.
– ستراتەگييالىق ماڭىزدى سالالاردا بارلىق كەسٸپورىننىڭ ەلەۋمەتتٸك تۇراقتىلىعىن ساقتاۋ, جۇمىسشىلارعا قامقورلىق تانىتۋ جەنە تۇراقتى قىزمەتٸن قامتاماسىز ەتۋ قاجەت. ٶندٸرٸستٸك پەرسونالدى بارىنشا قورعاۋىمىز كەرەك. بۇل 300 مىڭ ادام جەنە 340-تان استام كەسٸپورىندى قامتيدى. يمپورتقا تەۋەلدٸلٸكتٸ ازايتۋ ٷشٸن دە بٸراز شارۋا اتقارىلدى. قوردىڭ ٷلگٸسٸندە وتاندىق بيزنەسكە بەلسەندٸ قولداۋ كٶرسەتۋدٸ ٷيرەندٸك, – دەدٸ ەلباسى.
نۇرسۇلتان نازارباەۆ ۇسىنىلعان ٶزگەرٸستەر تەۋەلسٸز قورلاردى دامىتۋدىڭ ەلەمدٸك تەجٸريبەسٸنە سەيكەس كەلەتٸنٸن اتاپ ٶتتٸ.
قازاقستاننىڭ تۇڭعىش پرەزيدەنتٸ قوردىڭ دامۋ ستراتەگيياسىن ٸسكە اسىرۋ بويىنشا «سامۇرىق-قازىنا» باسشىلىعىنىڭ قىزمەتٸنە وڭ باعا بەردٸ.
وتىرىس قورىتىندىسى بويىنشا كەڭەس مٷشەلەرٸ قوردى ينۆەستيتسييالىق حولدينگكە اينالدىرۋدىڭ تۇجىرىمداماسىن ماقۇلدادى. سونداي-اق «سامۇرىق-قازىنا» اكتسيونەرلٸك قوعامى باسقارماسىنا پاندەمييا كەزٸندە وتاندىق تاۋار ٶندٸرۋشٸلەردٸ قولداۋعا باعىتتالعان ٸس-شارالاردى جٷزەگە اسىرۋدى جالعاستىرۋدى تاپسىردى.
