قر تۇڭعىش پرەزيدەنتٸ – ەلباسى نۇرسۇلتان نازارباەۆ جوعارعى سوت تٶراعاسى جاقىپ اسانوۆپەن كەزدەستٸ. بۇل تۋرالى "ۇلت اقپارات" ەلباسىنىڭ باسپاسٶز قىزمەتٸنە سٸلتەمە جاساپ حابارلايدى.
كەزدەسۋ بارىسىندا سوت جٷيەسٸندە رەفورمالاردى ٸسكە اسىرۋ اياسىندا شارالاردى اتقارۋ بارىسى تالقىلاندى.
قازاقستاننىڭ تۇڭعىش پرەزيدەنتٸ مەملەكەتتٸك باسقارۋ جٷيەسٸندە سوتتار ەرەكشە ورىندا ەكەنٸن ايتا كەلە, حالىقتىڭ سوتتارعا سەنٸمٸن ارى قاراي ارتتىرۋ بويىنشا جۇمىستاردىڭ ماڭىزدىلىعىن اتاپ ٶتتٸ.
«كٷن تەرتٸبٸندە ازاماتتار قۇقىقتارىن قورعاۋ مەن سوت جٷيەسٸنە حالىقتىڭ سەنٸمٸن ارتتىرۋ تاقىرىپتارى ٷنەمٸ ٶزەكتٸ بولىپ قالادى. بۇل باعىتتا ەلەۋلٸ جۇمىستار اتقارىلدى. وسى سالانى دامىتۋ تۇرعىسىندا «100 ناقتى قادام» ۇلت جوسپارىندا ايرىقشا كٶڭٸل بٶلٸنگەن. بەلگٸلەنگەن ماقساتتار ورىندالۋدا, كٶرسەتكٸشتەر جامان ەمەس. سوتتارعا دەگەن سەنٸم ارتىپ كەلەدٸ», - دەدٸ ەلباسى.
ٶز كەزەگٸندە ج. اسانوۆ نۇرسۇلتان نازارباەۆقا سۋديالاردى اتتەستاتسييالاۋدان ٶتكٸزۋ نەتيجەلەرٸ جايىندا, سوت اكتٸلەرٸ ساپاسىن ارتتىرۋ مەن سۋديالار جٷكتەمەسٸن تٶمەندەتۋ بويىنشا قابىلدانعان شارالار تۋرالى ايتىپ بەردٸ.
«جاڭا ەدٸستەمە بويىنشا سۋديالاردى اتتەستاۋدى جٷرگٸزە باستادىق. بيىل اتتەستاتسيياعا قاتىسقان 377 سۋديانىڭ ٸشٸندە 11 پايىزى ودان ٶتە المادى. جىل سوڭىنا دەيٸن تاعى 260 سۋديا اتتەستاتسييادان ٶتەدٸ. وسى ارقىلى, 2021 جىلى سۋديالاردىڭ 84 پايىزى تەكسەرٸسپەن قامتىلادى», - دەدٸ جوعارعى سوت تٶراعاسى.
وسى ورايدا, ەلباسى سوت جٷيەسٸنٸڭ تيٸمدٸلٸگٸن ارتتىرۋ كٶپتەگەن شەتەل مەملەكەتتەرٸ ٷشٸن ٶزەكتٸ مەسەلە ەكەنٸنە نازار اۋداردى.
«سوتتارعا دەگەن قاتىناس ٶزگەرۋدە. الايدا سٸزدەرگە ەلٸ دە اۋقىمدى جۇمىستاردى ٸسكە اسىرۋ كەرەك. بۇل پروبلەمامەن تەك بٸز عانا اينالىسىپ جاتقان جوقپىز, سونىمەن قاتار ٶزگە دە مەملەكەتتەر وسى سالاعا ەرەكشە مەن بەرٸپ وتىر», - دەدٸ تۇڭعىش پرەزيدەنت.
