شىعىس قازاقستان وبلىسى كٶكپەكتٸ اۋدانى شەرٸپتوعاي اۋىلىنداعى «كەنجەتاي» شارۋا قوجالىعىنىڭ ٸرگەسٸ سوناۋ 2001 جىلى قالانعان بولاتىن. سودان بەرٸ كٶكٶنٸس ٶسٸرۋمەن اينالىسىپ كەلگەن شاعىن عانا وتباسىلىق شارۋاشىلىق قاناتىن كەڭگە جايىپ, قازٸر ٶز الدىنا اۋقىمدى جوسپارلار قۇرىپ وتىر. ٸستٸ باستاعان گٷلنەر سارىمساقوۆا بٷگٸندە كەسٸپ تٸزگٸنٸن كەنجە ۇلىنا ۇسىنىپتى. بۇل تۋرالى «ديدار» گازەتٸ جازادى.
ٷش جىل بۇرىن مەملەكەتتٸك «جۇمىسپەن قامتۋدىڭ جول كارتاسى-2020» باعدارلاماسى اياسىندا شارۋاشىلىق ٷش ميلليون تەڭگە نەسيە الىپ, جىلىجاي سالعان. جىلىجايدى رەسەيدٸڭ نوۆوسٸبٸر قالاسىنان الىپ كەلٸپتٸ. جاڭا ٸس بولعان سوڭ, العاشقىدا قيىڭدىقتارى دا كٶپ بولعانىن جاسىرمايدى گٷلنەر اپاي. ٷكٸمەتتەن الىنعان قاراجات سول زاماناۋي جىلىجايدىڭ قاڭقاسىنا عانا كەتكەن ەكەن, ٶزگە قۇرال-جابدىقتاردى الۋ ٷشٸن كەسٸپكەرگە ٶز قارجىسىن قۇيۋعا تۋرا كەلٸپتٸ.
تاعى بٸر ٷكٸمەتتٸك باعدارلاما ارقاسىندا جىلىجاي پەشٸ الىنعان. مەملەكەتتەن كٶمەك رەتٸندە جىلىجايعا ەلەكتر جەلٸسٸ تارتىلعان. تامشىلاتىپ سۋارۋ قۇرال-جابدىعى دا مەملەكەتتٸك باعدارلاما اياسىندا ساتىلىپ الىنىپتى. ەندٸگٸ شارۋا - جىلىجاي ٸشٸنە باتارەيالار ورناتۋ.
- تاپقان تابىستىڭ قوماقتى بٶلٸگٸ نەسيەنٸ جابۋعا كەتەدٸ. دەسەك تە, ٸس العا جىلجىپ كەلەدٸ. الداعى كٷزدە, اللا بۇيىرسا, العاش رەت وسى اۋماعى 300 سوتىق جىلىجايدى ٸسكە قوسىپ, قىس مەزگٸلٸندە قييار مەن قىزاناق ٶسٸرمەكپٸز. اسكٶك, سالات تا سالا باستايمىز. شامامەن جىلىجايدان كٷنٸنە 50 كەلٸ قيىر شىعادى. ولار ٶسە بەرەدٸ. ەگەر وسى ٸس دٶڭگەلەنٸپ كەتسە, جەر جەتكٸلٸكتٸ, تاعى جىلىجاي سالماق ويىمىز بار, - دەيدٸ قوجالىق جەتەكشٸسٸ كەنجەتاي سەرٸكۇلى.
«كەنجەتاي» قوجالىعى بٷگٸندە اۋدان تۇرعىندارىن ارزان باعاداعى ورامجاپىراق, سەبٸز, بۇرىش, قىزاناق, كارتوپ, باكلاجان سىندى كٶكٶنٸسپەن قامتىپ وتىر دەسەك ارتىق ايتقاندىق ەمەس. بيىل القاپتان 200 قاپ كارتوپ شىعادى دەپ كٷتٸلۋدە. كٶكتەمدە, كٷزدە جۇمىستارعا جەرگٸلٸكتٸ تۇرعىندار تارتىلادى. دايىن ٶنٸمدٸ گٷلنەر سارىمساقوۆا ٶزٸ قىسى-جازى كٶكپەكتٸ اۋىلىنداعى بازاردا تۇرىپ ساتادى. قوناق ٷيدٸڭ ٸشٸندە شاعىن دٷكەنٸ بار. تاۋار ارزان باعامەن جاقسى ٶتەدٸ. كٶكٶنٸستٸڭ بەرٸ دە سول اۋدان ورتالىعىنداعى جالدامالى قويمادا ساقتالادى. ٶزدەرٸنە دەربەس جەكە قويما سالۋ دا جوسپاردا بار. تۇقىمداردى الماتىدان ەكەلەدٸ. سۋدى ٶزەننەن ٷش-تٶرت موتور ارقىلى سورىپ سۋارادى.
بٸلٸمٸ ورتاشا دەمەسەڭٸز, گٷلنەر اپايدىڭ بٸلٸكتٸلٸگٸ جوعارى. «بەرٸنە ٶمٸردٸڭ ٶزٸ-اق ٷيرەتەدٸ. ٶزٸم ٶز بەتٸمشە وقىپ-ٷيرەندٸم. بۇرىن كەڭەس ٶكٸمەتٸ تۇسىندا جولداسىم سەرٸك سارىمساقوۆ ەكەۋٸمٸز قوي باقتىق. ول وزات شوپان بولدى. 90-شى جىلدارداعى توقىراۋدا كٷن كٶرۋ, بالالاردى اسىراۋ قامىمەن ٸستەمەگەن جۇمىسىمىز جوق, كوممەرتسييامەن دە اينالىستىق» دەيدٸ ەڭگٸمەسٸندە.
شاعىن قوجالىقتىڭ مەملەكەت تاراپىنان كٶرگەن قامقورلىعى از ەمەس. ەڭ باستى سىيلىعى 2009 جىلى ەلباسىمىز نۇرسۇلتان نازارباەۆتىڭ ٶز قولىنان الىنعان «متز-80» تراكتورى بولدى.
- بٸزگە تراكتور ٶتە قاجەت بولاتىن. وسى تراكتوردىڭ ٶتە كٶپ كٶمەگٸ تيدٸ, مەملەكەت باسشىسىنىڭ قولىنان الىنعاندىقتان با, ٶزٸ بٸر بەرەكەلٸ كٶلٸك بولدى. ەلباسىمىزعا انا رەتٸندە مىڭ دا بٸر راقمەتٸمدٸ ايتقىم كەلەدٸ! سول جىلى پرەزيدەنت ٸسساپارمەن سەمەي قالاسىنا كەلٸپ, وبلىستاعى ەر اۋداننان بٸر-بٸر شارۋاشىلىققا تراكتورلار تابىستاعان. تەحنيكانىڭ كٸلتٸن قولىما بەرٸپ تۇرىپ, ول كٸسٸ «وسى تراكتورمەن دٷكەنگە بارساڭىزدا دا بولادى» دەپ قالجىڭداعانى ەسٸمدە. بٸر قىزىعى, بٸزدٸڭ جەڭٸل كٶلٸك بٸر جولى سىنىپ قالىپ, سول كەزدە اۋدان ورتالىعىنا وسى تراكتورمەن بارعان كەزٸمٸز دە بولدى, - دەپ كٷلەدٸ گٷلنەر اپاي.
گٷلنەر اپايدىڭ ون بالاسى بار, «التىن القا» يەگەرٸ. بارلىق بالاسى وتباسىلى. ەكٸ ۇلى - راحات پەن كەنجەتاي شارۋاشىلىقتى دٶڭگەلەتٸپ وتىر. «ولار قازٸر شارۋانىڭ بەرٸن ٶزدەرٸ ٸستەيدٸ, مەن تەك باعىت-باعدار بەرٸپ وتىرامىن, اقىل-كەڭەسٸمدٸ ايتامىن», - دەيدٸ كەسٸپكەر.
- قۇداي قالاپ, وسى قىستا جىلىجايدىڭ جۇمىسى جٷرٸپ كەتسە, ونى كەڭەيتۋدٸ كٶزدەپ وتىرمىز. جالپى, جىلىجايدىڭ قاڭقاسى مىقتى, شىنىسى پوليكاربوناتتان جاسالعان, قارعا تٶزٸمدٸ. ٶزٸم سەمەيدٸڭ كٶپبەيٸندٸ كوللەدجٸندە وقىپ جاتىرمىن. وسى وتباسىلىق بيزنەستٸ ارى قاراي دامىتۋ - نەگٸزگٸ ماقساتىم, - دەيدٸ قوجالىق جەتەكشٸسٸ.
ەرجان ەبٸش
كٶكپەكتٸ اۋدانى.
