«ەلباسى مەدالٸ», «ەل ماقتانىشى» جەنە «مىڭ بالا» جوباسىنىڭ جەڭٸمپازدارى ماراپاتتالدى

قازاقستاننىڭ بارلىق ٶڭٸرلەرٸندە ەلباسى ن. نازارباەۆتىڭ «ەل ٷمٸتٸ» باستاماسىنا قاتىسقان جاستار ماراپاتتالدى, دەپ حابارلايدى "ۇلت اقپارات".

ماراپاتتاۋ رەسٸمٸ نۇرسۇلتان نازارباەۆ قورى ۇيىمداستىرعان «تەۋەلسٸزدٸك جولىن جالعاستىرار ۇرپاق» اتتى جاستار فورۋمىندا ٶتتٸ. 

ەلباسى نۇرسۇلتان نازارباەۆ فورۋم قاتىسۋشىلارى الدىندا سٶيلەگەن سٶزٸندە تەۋەلسٸزدٸكتٸڭ العاشقى جىلدارىنان باستاپ مەملەكەتتٸڭ بەسەكەگە قابٸلەتتٸ جاستاردى تەربيەلەۋگە باسا نازار اۋدارىپ كەلە جاتقانىن اتاپ ٶتتٸ.

«جاستار جىلى اياسىندا دارىندى بالالاردى قولداۋ ماقساتىندا مەن «ەل ٷمٸتٸ» باستاماسىن ۇسىندىم. سونىمەن قاتار, بٸز «قامقورلىق» اتتى ماڭىزدى جوبانى ٸسكە اسىرا باستادىق», - دەدٸ ەلباسى.

نۇرسۇلتان نازارباەۆ «ەل ٷمٸتٸ» جوباسى ەلدٸڭ بەلسەندٸ جاستارىن زيياتكەرلٸك جەنە شىعارماشىلىق دامۋ, ۇلتتىق مەدەنيەت پەن دەستٷردٸ تٷسٸنۋ, مۇقتاج جاندارعا كٶمەك كٶرسەتۋ جولىندا بٸرٸكتٸرگەنٸن ايتتى.

فورۋم اياسىندا «ەلباسى مەدالٸ» جوباسىنىڭ قاتىسۋشىلارىنا قولا مەدالدار, حالىقارالىق وليمپيادا جٷلدەگەرلەرٸ مەن ولاردىڭ جاتتىقتىرۋشىلارىنا «ەل ماقتانىشى» سىيلىعى جەنە اۋىل وقۋشىلارى اراسىندا ٶتكەن «مىڭ بالا» وليمپياداسىنىڭ جەڭٸمپازدارىنا سىيلىقتار تابىستالدى.

«بٷگٸن «ەل ٷمٸتٸ» جەنە «قامقورلىق» باستامالارىنا ارنالعان «تەۋەلسٸزدٸك جولىن جالعاستىرار ۇرپاق» فورۋمى ٶتتٸ. «ەل ٷمٸتٸ» باستاماسى اياسىندا بٸرقاتار اۋقىمدى جوبالار جٷزەگە اسىرىلۋدا. بٸرٸنشٸ جوبا – اۋىل وقۋشىلارىنا ارنالعان «مىڭ بالا» وليمپياداسى. وسىلايشا قازاقستان تاريحىندا العاش رەت اۋىل وقۋشىلارى ٷشٸن جالپىۇلتتىق وليمپيادا ۇيىمداستىرىلدى. وعان بارلىق اۋىل مەكتەپتەرٸنٸڭ 5-6 سىنىپ وقۋشىلارى قاتىسا الادى. بيىل 300 مىڭعا جۋىق وقۋشى قامتىلىپ, ەكٸنشٸ كەزەڭدەگٸ اقتىق سايىسقا 5 مىڭ ادام جٸبەرٸلدٸ. بٷگٸن بارلىق ٶڭٸرلەردە مىڭ جەڭٸمپاز بالا ماراپاتتالادى. وسى وقۋ جىلىنان باستاپ 300-دەن استام جەڭٸمپاز ٶڭٸرلەردەگٸ دارىن, بٸلٸم يننوۆاتسييا ليتسەيٸ, رەسپۋبليكالىق فيزمات سىندى دارىندى بالالارعا ارنالعان مەكتەپتەردە وقي الادى. قازٸر فيناليستەر مەن جەڭٸمپازدار ەلباسى اكادەميياسى جانىنداعى «Birge Oqý» ونلاين مەكتەبٸندە پەندٸك دايىندىقتان ٶتٸپ جاتىر», - دەدٸ «ەلباسى اكادەميياسى» كق ديرەكتورىنىڭ ورىنباسارى ەنۋار جانعوزين تٸلشٸلەرگە بەرگەن سۇحباتىندا. 

كەلەسٸ جوبا – «ەلباسى مەدالٸ» دەپ اتالادى. 14-29 جاس ارالىعىنداعى جاستارعا ارنالعان جوبا جاستاردى 7 نەگٸزگٸ باعىت بويىنشا تەربيەلەۋگە باعىتتالعان. وندا 6 ايدان 1,5 جىلعا دەيٸنگٸ قولا, كٷمٸس, التىن سىندى قاتىسۋ دەڭگەيٸن تاڭداي الاسىز.

«بٷگٸن بٸز العاش رەت جوباعا جارتى جىل قاتىسقاندارعا قولا مەدال تابىستادىق. كەلەسٸ جىلى مەداليستەر سانى كٶبەيەدٸ. بٷگٸنگە دەيٸن 300 مەداليست بولسا, كەلەر جىلى 6 مىڭنان استام قولا, كٷمٸس جەنە التىن مەدال يەگەرلەرٸ بولادى دەپ كٷتٸلۋدە. ال «ەل ماقتانىشى» جوباسى ماتەماتيكا, فيزيكا, حيمييا, بيولوگييا, ينفورماتيكا, گەوگرافييا, لينگۆيستيكا پەندەرٸ بويىنشا جەتٸ نەگٸزگٸ وليمپيادانىڭ جەڭٸمپازدارىنا ارنالعان. ٶتكەن جىلى ەلباسى ماراپاتتى العاش رەت تابىستادى, بيىل دا ونى جالعاستىرامىز. اقشالاي ىنتالاندىرۋ تەك جەڭٸمپازدار ٷشٸن عانا ەمەس, ولاردىڭ جاتتىقتىرۋشىلارى ٷشٸن دە قاراستىرىلعان. سىياقى مٶلشەرٸ 500 مىڭنان 2 ميلليون تەڭگەگە دەيٸن جەتەدٸ. بيىل 11 جەڭٸمپاز بەن 17 جاتتىقتىرۋشى ماراپاتتالدى», - دەپ تٷسٸندٸردٸ ە. جانعوزين. 

«سالالىق مەنەدجەر» جوباسى ٷلكەن بۋىن مەن كەسٸبي ماماندارعا ارنالعان. بۇل جوبادا 3 مىڭ ٷمٸتكەردەن 230 مامان ٸرٸكتەلٸپ الىندى, ولار 11 سالا بويىنشا باعدارلامالاردى جٷزەگە اسىرۋدا. ولارعا 37 تاپسىرما بەرٸلدٸ جەنە ولاردى توپتاسىپ ەزٸرلەدٸ. 

«جوسپارلاردىڭ بارلىعى دەرلٸك ٷكٸمەتكە, پرەمەر-مينيسترگە تانىستىرىلدى. بۇل جوسپارلار تەك باعدارلامالار دەڭگەيٸندە قالىپ قويماي, كەلەسٸ جىلى جٷزەگە اسۋى ٷشٸن سالالىق مينيسترلٸكتەرمەن جۇمىس جٷرٸپ جاتىر», - دەدٸ ە. جانعوزين.