بٷگٸن اقوردادا ٶتكەن ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى نۇرسۇلتان نازارباەۆ جەكە تۇرعىن ٷي قۇرىلىسىنا ارنالعان جاڭا «نۇرلى جەر» باعدارلاماسىن ەزٸرلەۋگە تاپسىرما بەردٸ. سونىڭ اياسىندا پرەزيدەنت قالالاردىڭ ماڭايىنداعى جەرلەردٸ مەملەكەت مەنشٸگٸنە قايتارىپ, xالىققا 10 سوتىق جەر رەتٸندە بەرۋ قاجەتتٸگٸن جەتكٸزدٸ, دەپ xابارلايدى "ۇلت اقپارات" Baq.kz پورتالىنا سٸلتەمە جاساپ.
«ەكٸمدەر اۋىل شارۋاشىلىعى مينيسترلٸگٸمەن بٸرلەسە وتىرىپ, قازٸرگٸ جەر قورىن تولىعىمەن تٷگەندەپ شىعۋى تيٸس. وسىدان كەيٸن قالالاردىڭ باس جوسپارىن ٶزگەرتۋ بويىنشا تيٸستٸ ۇسىنىستارلى ەنگٸزۋ كەرەك. ەكٸمدەرگە جەردٸ مەملەكەت مەنشٸگٸنە, سونىڭ ٸشٸندە, جەكە تۇرعىن ٷيگە قاجەتتٸ جەرلەردٸ ساتىپ الۋ قۇقىعىن بەرگەن دۇرىس. يە, قالانىڭ ٸشٸندە جەر جوق. بار بولسا, بەرٸڭدەر. وعان ينجەنەرلٸك جەلٸلەردٸ دە تارتۋ وڭاي. ال قالانىڭ سىرتىنداعى جەرلەر كٸم كٶرٸنگەننٸڭ قولىندا كەتتٸ. ەندٸ, شالقايىپ جاتىر. ەكٸمدەر ونى الىپ قويا المايدى. ايتپاقشى, قازٸر, كٶبٸنەسە, استانا, الماتى, شىمكەنت سيياقتى قالالاردا 10 جەرگە سۇرانىس جوعارى. سوندىقتان ەكٸمدەر بوس جاتقان جەرلەردٸ زاڭدى تٷردە الۋى قاجەت. ەگەر جەردٸ زاڭعا سەيكەس يگەرمەي جاتسا, پروكۋرورلارمەن بٸرگە بارىپ, الىپ قويۋ قاجەت. بولماسا, ٶزدەرٸ ساتىپ العان كاداسترلىق باعاسىمەن قايتارعان جٶن. وسىنى الدىن الا ەسكەرتٸپ وتىرمىز, جەردٸ الدىندار ما, فەرما سالامىز دەدٸڭدەر مە, ٷي سالامىز دەپ ايتتىڭدار, ەندٸ سوعان جاۋاپ بەرەتٸن كەز كەلدٸ. بۇل مەسەلەنٸ ۇزاققا سوزۋعا بولمايدى. مٸنە, سول كەزدە ادامدار 10 سوتىق جەرلەرٸن الىپ, جەكە ٷيلەرٸن سالا الادى. بۇنى قولعا الساق, قۇرىلىس سالاسى جاندانا تٷسەدٸ. قۇرىلىس ماتەريالدارىنا سۇرانىس كٶتەرٸلەدٸ. ادامنىڭ ٶزٸ ٷيٸ بولعانعا نە جەتسٸن! ەرتەڭ ول ٷي بالاسىنا قالادى, نەمەرەسٸنە قالادى», - دەپ اتاپ كٶرسەتتٸ ن.نازارباەۆ.
ايتا كەتەيٸك, 10 سوتىق جەر بەرۋ مەسەلەسٸ جەر كوميسسيياسىنىڭ وتىرىستارىندا كٶتەرٸلگەن بولاتىن. سول كەزدە كوميسسييا باسشىسى اسقار مىرزاxمەتوۆ: «بٷگٸندە ەكٸمدەر قالانىڭ سىرتىنداعى جەكە مەنشٸك جەرلەردٸ مەملەكەت مەنشٸگٸنە قايتارا المايدى. زاڭ بويىنشا ول جەردە مەكتەپ, اۋرۋxانا, يا بولماسا, بالاباقشا سيياقتى ەلەۋمەتتٸك نىساندار سالىنسا عانا ونى مەملەكەت مەنشٸگٸنە قايتارۋعا رۇقسات بار», - دەپ ايتقان بولاتىن.
دەمەك, پرەزيدەنتتٸڭ بٷگٸنگٸ باستاماسىن ٸسكە اسىرۋ ٷشٸن زاڭناماعا ٶزگەرٸس ەنگٸزٸپ, ەكٸمدەرگە بوس جاتقان جەرلەردٸ 10 سوتىق جەر ٷشٸن مەملەكەت مەنشٸگٸنە قايتارۋ مٷمكٸندٸگٸن بەرۋگە بولادى.
.jpeg)