قر تۇڭعىش پرەزيدەنتٸ - ەلباسى نۇرسۇلتان نازارباەۆ «Egemen Qazaqstan» گازەتٸنٸڭ 100 جىلدىق مەرەيتويىنا وراي قۇتتىقتاۋ جولدادى. ەلٸمٸزدٸڭ باس باسىلىمنىڭ مەرەيتويىنا وراي ٶتٸپ جاتقان سالتاناتتى شارادا ەلباسى قۇتتىقتاۋىن قر مەملەكەتتٸك حاتشىسى قىرىمبەك كٶشەرباەۆ وقىپ بەردٸ, دەپ حابارلايدى قازاقپارات.
«ەلٸمٸزدٸڭ جەتەكشٸ باسىلىمى, قازاق باسپاسٶزٸنٸڭ قارا شاڭىراعى - «Egemen Qazaqstan» گازەتٸنٸڭ 100 جىلدىق مەرەيتويى قۇتتى بولسىن! بٸر عاسىر بۇرىن »ۇشقىن« دەگەن اتپەن شىعا باستاپ, ۋاقىت ٶتە ۇلتتىق باسىلىمعا اينالعان تەۋەلسٸز قازاقستاننىڭ اعا گازەتٸ ٶز پاراقتارىندا تاريح تاعىلىمىن دەۋٸر ٷنٸمەن, ۋاقىت سىنىمەن بەينەلەپ, كەشەگٸ مەن بٷگٸننٸڭ اراسىن جالعاپ كەلەدٸ. جاڭالىقتى جۇرتشىلىققا جەدەل ەرٸ شىنايى تٷردە جەتكٸزٸپ, ەگەمەن ەلٸمٸزدٸڭ مەملەكەتتٸك ساياساتىن قالىڭ وقىرمان اراسىندا بايىپتى ناسيحاتتاپ, ەل شەجٸرەسٸن قاعازعا حاتتاعان بايىرعى باسىلىمنىڭ بەدەلٸ ەر دايىم بيٸك», - دەپ اتاپ ٶتەدٸ قر تۇڭعىش پرەزيدەنتٸ.
ەلباسى قۇتتىقتاۋ حاتىندا ۇلت مٷددەسٸ جولىندا ەڭبەك ەتكەن تالاي تۇعىرلى تۇلعالار باسشىلىق جاساپ, الىپتار نەگٸزٸن سالعان دەستٷردٸ ابىرويمەن جالعاستىرعان «Egemen Qazaqstan» قازٸرگٸ زامان تالابىنا ساي جاڭعىرىپ, عاسىرلىق تۋىن جاڭا جەتٸستٸكتەرمەن, تولايىم تابىستارمەن قارسى الىپ وتىرعاندىعىنا باسا نازار اۋدارادى.
«جەتەكشٸ باسپاسٶز قۇرالىندا ەڭبەك ەتٸپ جٷرگەن قالام يەلەرٸ جوعارى كەسٸبي دەڭگەيٸمەن تابىلىپ, باسىلىم الداعى ۋاقىتتا دا حالقىمىزدىڭ مۇرات-ماقساتى مەن قوعام دامۋىنا لايىقتى ٷلەسٸن قوسا بەرەدٸ دەپ سەنەمٸن», - دەگەن نۇرسۇلتان نازارباەۆ باسىلىم ۇجىمىنا زور دەنساۋلىق, شىعارماشىلىق تابىستار تٸلەدٸ.
.jpeg)