قر تۇڭعىش پرەزيدەنتٸ نۇرسۇلتان نازارباەۆ بەلگٸلٸ اكتەر ەلٸمعازى رايىمبەكوۆتٸڭ ٶمٸردەن ٶتۋٸنە بايلانىستى تۋىستارىنا كٶڭٸل ايتتى, دەپ حابارلايدى قازاقپارات. بۇل تۋرالى ەلباسىنىڭ باسپاسٶز حاتشىسى ايدوس ٷكٸباي Twitter-دەگٸ پاراقشاسىندا جازدى.
«ەلباسى بەلگٸلٸ اكتەر ەلٸمعازى رايىمبەكوۆتٸڭ ٶمٸردەن ٶتۋٸنە بايلانىستى تۋىستارىنا كٶڭٸل ايتۋ جەدەلحاتىن جولدادى. ول ۇلتتىق كينومىزدا ۇمىتىلماس بەينەسٸ مەن ٶزٸندٸك ٸزٸن قالدىرعان تالانت يەسٸ بولاتىن. ەلباسى ونىڭ جارقىن بەينەسٸ جۇرتشىلىق جادىندا ەردايىم ساقتالادى دەپ سەنٸم بٸلدٸردٸ», دەلٸنگەن حابارلامادا.
ەسكە سالا كەتسەك, بٷگٸن «تاقييالى پەرٸشتە» فيلمٸنٸڭ باس كەيٸپكەرٸ, اتى اڭىزعا اينالعان اكتەر, قازاقستان رەسپۋبليكاسىنىڭ مەدەنيەت قايراتكەرٸ, الماتى وبلىسىنىڭ قۇرمەتتٸ ازاماتى ەلٸمعازى رايىمبەكوۆ ٶمٸردەن وزعانى حابارلانعان ەدٸ.
