- بٷگٸن ەكسپو كٶرمەسٸنٸڭ اۋماعىندا تəۋەلسٸزدٸكتٸڭ 25 جىلدىعىنا وراي جاڭا مونۋمەنتتٸڭ اشىلۋ سالتاناتىندا مەملەكەت باسشىسى نۇرسۇلتان نازارباەۆ استانا قالاسىنىڭ əكٸمٸ Əسەت يسەكەشەۆتٸڭ قازاقشا بايانداماسىن تٷسٸنە الماي, əكٸمگە رەسمي تٸلدە قۇتتىقتاۋ ايتۋعا رۇقسات بەردٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
مەملەكەت باسشىسى نۇرسۇلتان نازارباەۆ مونۋمەنتتٸڭ اشىلۋىنا جينالعان حالىقتى تəۋەلسٸزدٸك كٷنٸمەن قۇتتىقتاپ, قازاقستان مەن استاناداعى سəۋلەتتٸ مونۋمەنتتەردٸڭ جىلناماسىنا توقتالىپ ٶتتٸ. ال, تəۋەلسٸزدٸكتٸڭ 25 جىلدىعىن اڭعارتاتىن جəنە 2017 جىلداعى باستى الاڭ - ەكسپو كٶرمەسٸنٸڭ ماڭىندا ورنالاسقان بيٸك مونۋمەنتتٸڭ ماڭىزدىلىعىنا توقتالعان ەلباسى ورتاعا مونۋمەنت اۆتورلارىن شاقىردى.
بٸراق, مونۋمەنت اۆتورلارى ورتادان تابىلماعان سوڭ, مەملەكەت باسشىسى استانا قالاسىنىڭ əكٸمٸ Əسەت يسەكەشەۆتٸ جانىنا شاقىردى.
"نەگٸزٸ, بٷگٸن سەن (Əسەت يسەكەشەۆ) بٷكٸل جايدى بايانداۋ كەرەك ەدٸڭ, بٸراق, ايازدا مەن بايانداما جاسادىم", - دەپ قالجىڭداعان مەملەكەت باسشىسى Əسەت يسەكەشەۆپەن بٸرگە ورتاعا شىققان قۇرىلىس كومپانيياسىنىڭ ٶكٸلٸن تىڭدادى.
مونۋمەنتتٸ سالعان قۇرىلىس كومپانيياسى ەسەپ بەرگەن سوڭ, ەلوردا əكٸمٸ Əسەت يسەكەشەۆ حالىقتى قۇتتىقتاۋ ٷشٸن دايىنداپ كەلگەن بايانداماسىن وقي باستادى.
"اسا مəرتەبەلٸ ەلباسى! قادٸرلٸ سالتاناتقا جينالعان قاۋىم! ەلٸمٸزدٸڭ ەڭ ۇلىق تا قاسيەتتٸ مەرەكەسٸ - تəۋەلسٸزدٸكتٸڭ 25 جىلدىق مەرەيتويى قۇتتى بولسىن. وسى شيرەك عاسىر ٸشٸندە ارمان-مۇراتى ايقىن, جاسامپاز ەلگە اينالدىق", - دەپ بايانداماسىن باستاعان Əسەت يسەكەشەۆتٸ ەلباسى توقتاتىپ, "تٷسٸنٸكسٸز, ورىسشا جالعاستىرا بەر", - دەدٸ. استانا əكٸمٸ قۇتتىقتاۋىن رەسمي تٸلدە جالعاستىردى.
ايتا كەتەيٸك, بٷگٸن مەملەكەت باسشىسى نۇرسۇلتان نازارباەۆ استانادا تəۋەلسٸزدٸكتٸڭ 25 جىلدىعىنا ارنالعان مونۋمەنتتٸڭ اشىلۋىنا قاتىستى.
.jpeg)