ەلەمنٸڭ باسىنا تٷسكەن سىناق قازاقستاندى دا اينالىپ ٶتپەدٸ. كٷدٸك پەن ٷمٸت تارازىعا تٷسٸپ تۇر. بٸز قازٸر كوروناۆيرۋسقا قارسى كٷرەستٸڭ جالپىۇلتتىق سيپاتقا يە بولعانىنا كۋە بولىپ وتىرمىز. قۋانىپ وتىرمىز دەگەن ارتىق شىعار, بيلٸك پەن بۇقارانىڭ بٸرٸگٸپ, تٶتەننەن تٶنگەن قاۋٸپكە قارسى تۇرعانىنا سٷيٸنبەسكە بولماس.
تٶتەنشە جاعداي جارييالانعالى بەرٸ قىزمەت بارىسىمەن الماتى مەن الماتى وبلىسىنىڭ اۋماعىن ارالاۋمەن جٷرمٸز. باستاپقى دا بايقاعانىمىز: جۇرت كٶڭٸلٸندە الاڭ مەن دٷرلٸگۋ باسىم ەدٸ. قازٸر ەل بٸرتوعا سابىرلى. قالانى كارانتينگە جاپقان العاشقى كٷنٸ ابدىراعان ادامدار الماتى ەكٸمٸ مەن وبلىس ەكٸمٸنٸڭ باقىلاۋ بەكەتتەرٸنە بارعانىن كٶرٸپ, بٸر-بٸرٸن سابىرعا شاقىرىپ جاتتى. دەمەك, تۇرعىندار ەڭ الدىمەن بيلٸككە سەنٸم ارتادى دەگەن سٶز. ەرتەسٸ مەملەكەت باسشىسى قاسىم-جومارت توقاەۆتىڭ نۇر-سۇلتان قالاسىنىڭ شەكارسىنا قويىلعان بلوكپوستقا بارعانى جايلى اقپارات الاڭداۋلى كٶڭٸلدٸ باسىپ, سەنٸمدٸ ۇلعايتتى. ەلباسى نۇرسۇلتان نازارباەۆتىڭ ٷندەۋٸنەن كەيٸن بۇقارا حالىق قانا ەمەس, ساياسي ەليتا, ونىڭ ٸشٸندە قالتالى ازاماتتار ٸندەتپەن كٷرەسۋگە بٸرٸگٸپ, قارجى بٶلٸپ جاتىر. مۇنىڭ بەرٸ ەل باسىنا كٷن تۋعاندا ورتاق ماقساتقا جۇمىلۋدىڭ ٷلگٸسٸ.
ٸندەت ٸرگەدەن الىستار. ۇلى دالا مەن نۇرلى قالادا قالىپتى تٸرشٸلٸك ىرعاققا تٷسەر. سول كٷندەردە قازاقتىڭ, قازاقستاننىڭ بٸرلٸگٸنە بەرٸمٸز سٷيسٸنٸپ, بولاشاققا ايتىپ جەتكٸزەر ٷلكەن ٸس اتقارعانىمىزدى ۇعارمىز. سول مەزەتكە تٶرت كٶزٸمٸز تٷگەل جەتەيٸك!
قالماحانبەت مۇقامەتقالي,
قازاقستان جازۋشىلار وداعىنىڭ مٷشەسٸ
