بٷگٸن قر ٷكٸمەتٸنٸڭ باسپاسٶز ورتالىعىندا ٶتكەن بريفينگتە يندۋسترييا جەنە ينفراقۇرىلىمدىق دامۋ مينيسترٸ جەڭٸس قاسىمبەك شيكٸزاتتىق ەمەس ەكسپورتتى ٸلگەرٸلەتۋ بويىنشا قابىلدانىپ جاتقان شارالار مەن ەكونوميكانىڭ ٶنەركەسٸپتٸك سەكتورىن تسيفرلاندىرۋ بارىسى تۋرالى ايتىپ بەردٸ, دەپ حابارلايدى "ۇلت اقپارات".
يندۋسترييا جەنە ينفراقۇرىلىمدىق دامۋ مينيسترلٸگٸ مەملەكەت باسشىسىنىڭ تاپسىرمالارىن ٸسكە اسىرۋ بويىنشا, سونداي-اق يندۋسترييالاندىرۋ مەن «نۇرلى جەر», «نۇرلى جول» باعدارلامالارى اياسىندا جٷيەلٸ جۇمىستار جٷرگٸزٸپ جاتىر.
ج. قاسىمبەك نەگٸزگٸ مەتالدارعا قاتىستى ەلەمدٸك باعانىڭ تٶمەندەۋٸنە, نەگٸزگٸ ساۋدا ەرٸپتەستەرٸنە قاتىستى سانكتسييالارعا جەنە باسقا دا سىرتقى فاكتورلارعا قاراماستان, 2018 جىلدىڭ قورىتىندىسى بويىنشا ٶنەركەسٸپ 4,1%-كە ٶسكەنٸن ايتتى. بۇل تاۋ-كەن سەكتورىنىڭ 4,6%-عا جەنە ٶڭدەۋشٸ ٶنەركەسٸپتٸڭ 4%-عا وزىق قارقىنمەن ٶسۋٸ ەسەبٸنەن ورىندالدى. نەگٸزگٸ درايۆەرلەر — ماشينا جاساۋ, حيمييا ٶنەركەسٸبٸ, مۇناي ٶڭدەۋ, جەڭٸل ٶنەركەسٸپ جەنە مۇناي مەن گاز ٶندٸرۋ سالالارى.
«2018 جىلدىڭ قورىتىندىسى بويىنشا ٶڭدەۋشٸ ٶنەركەسٸپتە جۇمىس ٸستەپ تۇرعان كەسٸپورىنداردىڭ سانى 14,7 مىڭعا جەتتٸ. جالپى العاندا ٶنەركەسٸپ بويىنشا ەڭبەك ٶنٸمدٸلٸگٸ 3,5%-عا, نەگٸزگٸ كاپيتالداعى ينۆەستيتسييالار – 27%-عا ٶستٸ», — دەدٸ مينيستر.
يندۋسترييالاندىرۋ باعدارلاماسىن ٸسكە اسىرۋ كەزەڭٸندە جالپى قۇنى 7,9 ترلن تەڭگە بولاتىن 1250-دەن استام جوبا ٸسكە قوسىلىپ, 120 مىڭ تۇراقتى جۇمىس ورنى قۇرىلدى. ال, 2018 جىلى قۇنى 1,3 ترلن تەڭگە بولاتىن 100 جاڭا جوبا ٸسكە قوسىلىپ, 13 مىڭنان استام تۇراقتى جۇمىس ورنى قۇرىلدى.
2019 جىلى جالپى سوماسى 1,1 ترلن تەڭگە بولاتىن 120-عا جۋىق كەسٸپورىندى ٸسكە قوسۋ جوسپارلانىپ وتىر. بۇل جوبالار بويىنشا 20 مىڭ تۇراقتى جۇمىس ورنى قۇرىلادى.
شيكٸزاتتىق ەمەس ەكسپورتتى ٸلگەرٸلەتۋ بويىنشا قابىلدانعان شارالاردىڭ ارقاسىندا 2018 جىلدىڭ 11 ايىنىڭ قورىتىندىسى بويىنشا ەكسپورت كٶلەمٸ 24%-عا ٶسٸپ, $54,7 ملرد قۇرادى, ونىڭ ٸشٸندە ٶڭدەلگەن ٶنٸمدەر ەكسپورتى $14,3 ملرد جەتتٸ. 2018 جىلى قازاقستاندىق ٶنٸم 119 ەلگە ەكسپورتتالدى.
الداعى ٷش جىلدا (2019–2021 جج.) سالاعا قوسىمشا 500 ملرد تەڭگە بٶلٸنٸپ, بۇل شيكٸزاتتىق ەمەس ەكسپورتتى دامىتۋعا جاڭا سەرپٸن بەرەدٸ. بۇل 2021 جىلعا قاراي ٶڭدەۋشٸ ٶنەركەسٸپ ٶنٸمدەرٸنٸڭ ەكسپورتىن 720 ملرد تەڭگەگە دەيٸن, ەكسپورتتاۋشىلار سانىن 411-دەن 600 سۋبەكتٸگە دەيٸن ارتتىرۋعا مٷمكٸندٸك بەرەدٸ.
«تسيفرلىق قازاقستان» مەملەكەتتٸك باعدارلاماسى اياسىندا 2022 جىلعا قاراي ٶڭدەۋ ٶنەركەسٸبٸ مەن تاۋ-كەن مەتاللۋرگييا كەشەنٸنٸڭ (تكمك) 100-دەن استام كەسٸپورنىندا يننوۆاتسييالىق جەنە تسيفرلىق تەحنولوگييالاردى ەنگٸزۋ كٶزدەلگەن.
«بيىل تكمك, حيمييا, قۇرىلىس جەنە ازىق-تٷلٸك سالاسىنىڭ 32 كەسٸپورنىندا يننوۆاتسييالىق جەنە تسيفرلىق تەحنولوگييالاردى ەنگٸزۋگە قاتىستى 38 جوبا ٸسكە اسىرىلادى», — دەدٸ ج. قاسىمبەك.
ٶتكەن جىلى يندۋسترييالىق دامۋدىڭ ٷشٸنشٸ باعدارلاماسىن ەزٸرلەۋ جۇمىستارى باستالدى. مينيستردٸڭ ايتۋىنشا, جاڭا يندۋسترييالىق ساياسات 2025 جىلعا قاراي ٶڭدەۋ ٶنەركەسٸبٸندە (2016 جىلعى دەڭگەيمەن سالىستىرعاندا): ەڭبەك ٶنٸمدٸلٸگٸنٸڭ ناقتى ٶسٸمٸ — 1,7 ەسە, شيكٸزاتتىق ەمەس ەكسپورتتىڭ قۇندىق كٶلەمٸنٸڭ ٶسٸمٸ — 2,3 ەسە, ٶڭدەۋ ٶنەركەسٸبٸنٸڭ نەگٸزگٸ كاپيتالىنا سالىنعان ينۆەستيتسييالاردىڭ ناقتى ٶسٸمٸ — 2 ەسە.
