ەلورداسى استانا قالاسىندا ٶتٸپ جاتقان «ەكسپو-2017» حالىقارالىق مامانداندىرىلعان كٶرمەسٸ اياسىندا م.ەۋەزوۆ اتىنداعى قازاق مەملەكەتتٸك اكادەمييالىق دراما تەاترى 18-25 ماۋسىم ارالىعىندا ٶنەر كٶرسەتەدٸ.
تاريحي جاعدايلاردىڭ سالدارىنان قازاقستانعا جەر اۋدارىلعان تٷرلٸ ۇلت ٶكٸلدەرٸنٸڭ تاعدىرى سۋرەتتەلەتٸن دراماتۋرگ مەدينا وماروۆانىڭ «كٶمبە ناننىڭ دەمٸ» دراماسى تەاتردىڭ 91 ماۋسىمىندا الما كەكٸشەۆانىڭ رەجيسسەرلٸك شەشٸمٸمەن قالىڭ قاۋىمعا جول تارتقان. اتالعان قويىلىم بٷگٸنگ «ەكسپو-2017» كٶرمە اياسىندا aستانالىقتار مەن الىس-جاقىن شەتەلدەن كەلگەن قوناقتاردىڭ نازارىنا ۇسىنىلدى.
«كٶمبە ناننىڭ دەمٸندە» سۇراپىل سوعىس جىلدارى قازاقستانعا قونىس اۋدارىلعان ۇلت پەن ۇلىستاردىڭ كٷندەلٸكتٸ ٶمٸرٸ مەن قازاق حالقىنىڭ قوناقجايلىلىعى سۋرەتتەلٸپ, ولار باستان كەشٸرگەن قيىندىقتار ارقىلى وقيعا جالعاسىن تاۋىپ, ارى قاراي ٶربيدٸ. كەڭەس ٶكٸمەتٸنٸڭ سولاقاي ساياساتى تۇسىندا جەر اۋدارىلعان حالىقتى سىرتقا تەپپەي, باۋىرمالدىلىق پەن ادامگەرشٸلٸك, مەيٸرٸمدٸلٸك پەن قامقورلىق تانىتقان قازاق حالقىنىڭ يگٸ ٸستەرٸ ەسپەتتەلەتٸن قويىلىم, كٶركەمدٸك تۇتاستىقتا شەشٸلگەن. پەسادا دا, قويىلىمدا دا باستى قاھارمان – حالىق. بٸر عانا اۋىلدا بولىپ جاتقان جاعداي بٷكٸل رەسپۋبليكانى قامتىپ, ويىن بالالارىنىڭ مٸنەز-قۇلقىنا دا ەسەر ەتكەن.
ستسەنوگرافييالىق شەشٸم مەن اكتەرلار كەسكٸندەگەن شەبەر بەينەلەر, مۋزىكالىق كٶركەمدەۋ مەن كەسٸبي رەجيسسۋرا ٷيلەسٸم تاپقان قويىلىمنىڭ كٶتەرگەن تاقىرىبى قاشان دا ٶزەكتٸ, قاشان دا ٶتكٸر.
