كەسٸپكەر ەرجان سقاقوۆ NUR.KZ پورتالىنا بەرگەن ەكسكليۋزيۆتٸ سۇحباتىندا زورلاۋعا قاتىستى وقيعانىڭ قالاي بولعانىن ايتىپ بەردٸ. وسىعان دەيٸن ەكس-دەپۋتات ەرٸ بيزنەسمەن سقاقوۆ سۇحبات بەرۋدەن باس تارتقان ەدٸ.
"وسىعان دەيٸن ٷندەمەي كەلگەنٸم, شىن مەنٸندە, كٸنەمدٸ مويىنداعانىم ەمەس. بٸرٸنشٸدەن قۇپييا تەرگەۋ جٷرگٸزٸلدٸ. ال, ەكٸنشٸدەن, وسى ەڭگٸمەنٸ باستاعانداردىڭ دەرەجەسٸنە تٷسكٸم كەلمەدٸ. قازٸر بارلىق تەرگەۋ جۇمىستارى اياقتالدى. اقشا بوپسالاعان بلوگەردٸڭ سوتى دا بٸتتٸ. بٸراق ەلٸ بٸتپەگەن بٸر ٸس بار. بٷگٸن وسى ٸستٸ ۇيىمداستىرعانداردىڭ بارلىعىنىڭ ٷستٸنەن پروكۋراتۋراعا شاعىم جازدىم. ونىڭ ٸشٸندە قاينىم ورازبەك قاتپانوۆ پەن سىبايلاسى ەلەنا يۆانوۆا دا بار.
ولار مەن جاساماعان قىلمىسقا قاتىستى حالىق الدىندا كٸنە تاققانى ٷشٸن, ٶتٸرٸك كۋەگەرلٸك ەتكەنٸ ٷشٸن جازالانسا دەيمٸن.
مەنٸ دينا تاڭسەرٸنٸڭ جاساپ وتىرعان ەرەكەتٸ ودان سايىن تاڭعالدىردى. بوتا قاتپانوۆتى قازاقتىڭ باتىرى دەپ اتاعان. ول ٶز جاقىندارىن ساتىپ كەتكەن قاينىم عوي مەنٸڭ. ەلەنا 16 جاسىنان باستاپ ونىمەن بٸرگە تۇرىپ كەلەدٸ. سٶيتٸپ جاپ-جاس قىزدى ەيەلٸ تۇرىپ جاتقان ٷيگە الىپ كەلدٸ. شۋدىڭ بارلىعى وسىدان شىققان. مۇنىڭ بەرٸنە دەلەل بار", - دەيدٸ ول.
سقاقوۆتىڭ ايتۋىنشا, ول قاينىسىن جۇمىسىنان شىعىپ جٸبەرگەن سوڭ ەلگٸ ازامات ەكس-دەپۋتاتقا تٸسٸن قايراپ قالىپتى. وسىدان كەيٸن قاتپانوۆ ٶزٸنە قاتىستى لاس ٸستٸ قاساقانا ۇيىمداستىردى دەيدٸ كەسٸپكەر.
ەكس-دەپۋتاتتىڭ سٶزٸنە سٷيەنسەك, ەلەنامەن اراسىندا دەنەلەرٸ جاقىنداسقان قارىم-قاتىناس بولىپتى. بٸراق ول مۇنىڭ بەرٸ بويجەتكەننٸڭ كەلٸسٸمٸمەن جاسالعانىن ايتادى. سەبەبٸ جاقىن قارىم-قاتىناسقا دەيٸن كەسٸپكەر ەلەنامەن ۇزاق ۋاقىت حابارلاما الىسىپ جٷرگەن.
"ول وسىعان دەيٸن مەنٸمەن حات جازىسقاندا ەيەل مەن ەركەك اراسىندا بولاتىنداي قىلىمسىپ جٷرەتٸن. ەكەۋمٸزدٸڭ جازىسقان حاتتارىمىز دا بار. ول ٶز ەركٸمەن مەنٸمەن باردى. ال مەنەن شىققاننان كەيٸن قاپتانوۆقا "مەن ونىمەن جاڭا عانا بولدىم" دەگەن سمس جٸبەرٸپتٸ. زورلانعان ادام وسىلاي جازادى ما?
بۇل كەزدە مەكتەپتە 100 شاقتى ادام جۇمىس ٸستەپ جاتقان, بٸراق ول ەشكٸمگە ەشنەرسە ايتپاعان. مۇنىڭ بارلىعى 5 تامىزدا بولعان ەدٸ. ودان كەيٸن 11 تامىز كٷنٸ ەلەنا ماعان حابارلاسىپ, بەتپە-بەت كەزدەسەيٸك دەدٸ. مەن دوسىمدى كٶلٸكتٸڭ ارتقى جٷكسالعىشىنا وتىرعىزىپ الىپ, بٸزدٸڭ سٶيلەسٸپ جاتقانىمىزدى جازىپ ال دەپ ٶتٸندٸم. سەبەبٸ ول بٸر بٷلٸك شىعارادى ما دەپ سەزٸكتەندٸم.
ەگەر ول مەنەن قورىقسا, جەكە كەلٸپ كەزدەسەر ما ەدٸ? 15 تامىز كٷنٸ بٸزدٸ بەتتەستٸرگەن ەدٸ. سوندا ول مەنٸڭ سوڭعى رەت 5 تامىزدا كٶرگەنٸن ايتتى. مەن ەكەۋمٸزدٸڭ جولىققانىمىزدى جازىپ العان ديسكتٸ كٶرسەتكەنٸمدە اٸٸب-دە شۋ شىعاردى.
تاعى بٸر ەسكەرە كەتەتٸن جەيت, ول قىز جاسىرىن پەتەردە تۇرىپ جاتقانىن ايتقان. بٸراق ٶزٸن كٷزەتۋ تۋرالى ٶتٸنٸشتٸ حاليكوۆتىڭ اقشا بوپسالاۋ تۋرالى ٸسٸ باستالعاندا جازادى", - دەدٸ كەسٸپكەر.
رينات حاليكوۆ كەسٸپكەردەن اقشا بوپسالاعانى ٷشٸن جەتٸ جىلعا باس بوستاندىعىنان ايىرىلدى. ول سقاقوۆتىڭ تانىستارى ارقىلى بايلانىسقا شىعىپ, ونىمەن كەزدەسۋدٸ ۇيىمداستىرعان. سودان كەيٸن كەسٸپكەرگە ٶزٸنٸڭ ويىنداعى جوسپاردى ايتىپ, ودان قۇتىلۋ ٷشٸن قولما-قول قاراجات سۇراعان. دەرەكتەردٸڭ بارلىعى ەسپكە الىنىپ, قۇجاتتار ارقىلى سوتتا دەلەلدەندٸ.
بلوگەر كەسٸپكەردەن العاشىندا 10 مىڭ دوللار بەرۋٸن تالاپ ەتكەن. ال ودان كەيٸن سۇرانىسى ارتا بەرٸپتٸ.
ەستەرٸڭٸزگە سالا كەتەيٸك, شىعىس قازاقستان وبلىسى وكتيابرسكوە اۋىلىنىڭ 19 جاستاعى تۇرعىنى ەكس-دەپۋتات, ەرٸ ٸرٸ فيرما باسشىسىنان زورلىق كٶرگەنٸن ايتىپ, پوليتسيياعا شاعىم تٷسٸرگەن ەدٸ.
بويجەتكەن يۆانوۆا استانا قالاسىنا بارىپ قوقان-لوققىعا تاپ بولعانىن, ال بيلٸك كٶمەكتەسپەي جاتقانىن ايتىپ شاعىمدانعان بولاتىن.
ال بلوگەر ايىپتالعان ەكس-دەپۋتات سقاقوۆتان 30 000 دوللار بوپسالاعان.
