فوتو: مەجٸلٸستٸڭ باسپاسٶز قىزمەتٸنەن
بٷگٸن مەجٸلٸس وتىرىسىندا «اۋىل» فراكتسيياسىنىڭ دەپۋتاتى اناس باققوجاەۆ ەلدەگٸ اگرارلىق سالانىڭ بٸرقاتار مەسەلەلەرٸن كٶتەرٸپ, ازىق-تٷلٸك قاۋٸپسٸزدٸگٸ تۋرالى زاڭ جوباسىنىڭ قايتا قارالۋىن تالاپ ەتٸپ, ٷكٸمەت باسشىسى ولجاس بەكتەنوۆكە ساۋال جولدادى دەپ حابارلايدى "ۇلت اقپارات".
"ەكونوميكانىڭ ٶسۋ قارقىنى بويىنشا اگرارلى سالا ەڭ تٶمەنگٸ كٶرسەتكٸشكە يە. 2005-شى جىلدان بەرٸ اۋىل شارۋاشىلىعى بويىنشا قابىلدانعان بٸردە-بٸر مەملەكەتتٸك باعدارلامالا سوڭىنا دەيٸن ٸسكە اسپاعان. اگرارلى ساياسات تۇراقسىز بولعاندىقتان سوڭعى 20 جىلدا سۋبسيدييا بەرۋ ەرەجەلەرٸ 57 رەت ٶزگەرگەن. نەتيجەسٸندە اۋىل شارۋاشىلىعى بيۋدجەتتٸك قاراجاتتىڭ ەڭ كٶپ ۇرلاناتىن سالالاردىڭ تٸزٸمٸندە الدىڭعى ٷشتٸكتەن تٷسپەي جٷر", - دەدٸ دەپۋتات ٶز سٶزٸندە.
دەپۋتات باققوجاەۆتىڭ سٶزٸنشە سوڭعى 10 جىلدا دٷكەن سٶرەلەرٸندەگٸ يمپورتتىق ٶنٸمنٸڭ ٷلەسٸ 3 ەسە ٶسكەن.
"قانشاما باعدارلاما جاسالسا دا ەلٸمٸزدەگٸ قايتا ٶڭدەۋ كەسٸپورىنداردىڭ ناقتى ٶندٸرٸس قۋاتتىلىعى ەش ۋاقىتتا 30 پايىزدان اسقان ەمەس. ونىمەن قوسا بٸرقاتار ەكسپورتتىق باعىتتاردى ۋىسىمىزدان شىعارىپ الدىق", - دەپ قىنجىلدى ول.
سونداي-اق دەپۋتاتتىڭ ايتۋىنشا الىپساتارلار باعانى بٸلگەندەرٸنشە قويىپ, ٷلكەن پايداعا كەنەلٸپ وتىر. ولاردىڭ پايداسى فەرمەرلەردەن 4 ەسە كٶپ كٶرٸنەدٸ.
اناس باققوجاەۆ سوڭعى 5 جىلدا جازداعى قۇرعاقشىلىق پەن قىس مەزگٸلٸندەگٸ مال جۇتى قالىپتى جاعدايعا اينالعانىنا الاڭداۋشىلىق بٸلدٸردٸ.
"بىلتىرعى ساتىلماي قالعان جٷگەرٸ مەن پيياز پروبلەمالارىن قايتپەكپٸز? اۋىل دٷكەندەرٸندە اعزاعا قاجەت بارلىق تاۋارلار بار دەپ ايتۋ قيىن. ەلەكتر ەنەرگيياسى, جىلۋ مەن كوممۋنالدىق تاريفتەردٸڭ ٶسۋٸ جاڭادان قۇرىلعان جوبالاردىڭ دامۋىنا تۇساۋ بولىپ وتىر. سوڭعى جىلدارى اگروسالاعا جەكە ينۆەستيتسييالار ەلسٸن-ەلسٸن كەلە باستاعان ەدٸ, الايدا تەۋەكەلگە تاپ بولعاندا مەملەكەت قول ۇشىن سوزباعان سوڭ ولاردىڭ بارلىعى اۋىل شارۋاشىلىعى بيزنەسٸنەن ات-تونىن الا قاشتى. كٶپتەگەن شارۋاشىلىقتار ساتىلىپ جاتىر", - دەپ, وسىنىڭ بارلىعى ازىق-تٷلٸك قاۋٸپسٸزدٸگٸنە ارنالعان ارنايى زاڭنىڭ جوقتىعىنان ەكەنٸن جەتكٸزدٸ.
وسىلايشا, «اۋىل» پارتيياسى ازىق-تٷلٸك قاۋٸپسٸزدٸگٸ تۋرالى زاڭ جوباسىن ەزٸرلەپ, ٷكٸمەتتٸڭ قاراۋىنا جٸبەرگەن ەكەن, الايدا تيٸستٸ قولداۋ تاپپاپتى.
"بٸز ۇسىنعان زاڭ جوباسىندا ناقتى نەتيجەگە قول جەتكٸزەتٸن, فەرمەرلەردٸڭ باياعىدان كٷتكەن رەفورمارعا جول اشاتىن بٸرنەشە جاڭا نورمالار ۇسىندىق. ولارمەن دۇرىستاپ تانىسساڭىز, كٶپتەگەن مەسەلەگە كٶزٸڭٸز اشىلادى. الايدا بٸزدٸڭ ۇسىنعان نوۆەللالاردى ەشكٸم دۇرىستاپ ساراپتاعان جوق! ەگەر بارلىق زاڭدارىمىز دۇرىس بولسا, وندا نەگە قازاقستاندا «ازىق-تٷلٸك داعدارىسى» دەگەن تٷسٸنٸك بەكٸتٸلمەگەن? ونىڭ نەگٸزگٸ فاكتورلارى قانداي? «اش قالۋىمىز مٷمكٸن» دەگەن دابىلدى قانداي جاعدايدا قاعامىز? جٷيەلٸ تٷردە الدىن-الا بولجام نەگە جاسامايمىز? سۇراق كٶپ, جاۋاپ جوق", - دەدٸ باققوجاەۆ.
وسىعان بايلانىستى «اۋىل» فراكتسيياسىنىڭ دەپۋتاتتارى ازىق-تٷلٸك قاۋٸپسٸزدٸگٸ تۋرالى دايىنداعان زاڭ جوباسىن ۋەكٸلەتتٸ مينيسترلٸكتٸڭ دەڭگەيٸندە ەمەس, ٷكٸمەتتٸڭ دەڭگەيٸندە قايتا قارالىپ, پىسىقتالۋىن تالاپ ەتەدٸ.
