فوتو: primeminister.kz
ۇلتتىق ەكونوميكا مينيسترٸ ەلٸبەك قۋانتىروۆ ٷكٸمەت وتىرىسىنان كەيٸن رەسەيمەن شەكارالاس اۋىلداردىڭ پروبلەماسى تۋرالى پٸكٸر بٸلدٸردٸ, دەپ حابارلايدى قازاقپارات.
«بٸز ول اۋىلداردىڭ بولاشاعى جوق دەپ ەشقاشان ايتقان ەمەسپٸز. تٸرەك اۋىلدار مەن وعان سەرٸك اۋىلدار ٸرٸكتەلگەن بولاتىن. دامۋ ەلەۋەتٸ ەلدەقايدا جوعارى اۋىلدار بار, وندا حالىقتىڭ 90%-دان استامى تۇرادى. حالقىنىڭ سانى از, دامۋ ەلەۋەتٸ تٶمەن اۋىلدارعا دا كٶڭٸل بٶلٸنٸپ وتىر. بٸراق «اۋىل – ەل بەسٸگٸ» باعدارلاماسىنىڭ اياسىندا ەمەس, باسقا باعدارلامالاردىڭ اياسىندا. قاراجات بٸرٸنشٸ كەزەكتە جەرگٸلٸكتٸ بيۋدجەتتەردەن بٶلٸنەدٸ. ٶيتكەنٸ بۇل جەرگٸلٸكتٸ اتقارۋشى ورگانداردىڭ دا جاۋاپكەرشٸلٸگٸ. شەكاراداعى اۋىلدارعا ٷكٸمەت تاراپىنان دا, جەرگٸلٸكتٸ ەكٸمدٸكتەر تاراپىنان ايرىقشا كٶڭٸل بٶلٸنەدٸ», - دەدٸ مينيستر.
مينيستر شەكارا زاستاۆالارىنا جاقىن ورنالاسقان اۋىلدار مەملەكەت قولداۋىنسىز قالمايتىنىن باسا ايتتى.
«رەسەيمەن شەكارادا جاتقان اۋىلدارعا قاتىستى ايتساق, ادام تىم از تۇراتىن اۋىلدار بار. بەلكٸم بۇل تابيعي پروتسەسس شىعار – ادامدار اۋىلدان كٶشٸپ جاتىر. بٸراق ٸرگەسٸندە شەكارا بەكەتتەرٸ تۇرعان اۋىلدار بار. ولار ٷنەمٸ قولداۋ كٶرەتٸن بولادى. ٶيتكەنٸ شەكارا بەكەتتەرٸن قايتكەندە دە قولداۋ قاجەت. بۇرىن دا ايتقانمىن, شەكارا بەكەتتەرٸ تۇرعان جەردٸڭ ماڭايىندا ينفراقۇرىلىم جەتٸلدٸرٸلەدٸ», - دەدٸ ەلٸبەك قۋانتىروۆ.
