قورشاعان ورتانى قورعاۋ - بالا كەزدەن ٶمٸردٸڭ سوڭىنا دەيٸن بەلسەندٸ ەرەكەتتٸ تالاپ ەتەدٸ. بۇل تۋرالى ەكولوگييالىق بٸلٸمگە قاتىستى Facebook-تەگٸ KUN.KZ اشىق مەديا پلاتفورماسىندا ٶتكەن ونلاين كونفەرەنتسييادا ايتىلدى, دەپ حابارلايدى قازاقپارات.
«ەكولوگييا - مەكتەپ پەنٸمەن عانا شەكتەلمەيتٸن اۋقىمدى تاقىرىپ. ەكولوگييالىق بٸلٸم بەرۋگە قاتىستى العاشقى مەسەلە 1977 جىلى تبيليسيدە ٶتكەن كونفەرەنتسييادا تالقىلانعان. وسى كونفەرەنتسييادا دا «بۇل بٸلٸم بەرۋ مە, ەلدە ەكولوگيياعا قاتىستى سانا قالىپتاستىرۋ ما?» دەگەن مەسەلە تٶڭٸرەگٸندە ەڭگٸمە قوزعالدى. سودان بەرٸ كەلە جاتقان تەجٸريبە بۇل - بٸلٸم بەرۋ عانا ەمەس, قوعامدا ەكولوگييالىق سانا قالىپتاستىرۋ ماقساتىن ۇستانعان قوزعالىسقا اينالىپ كەلە جاتىر», - دەيدٸ WikiBilim نەگٸزٸن قالاۋشى, ۇلتتىق سەنٸم كەڭەسٸنٸڭ مٷشەسٸ راۋان كەنجەحانۇلى.
ول ەكولوگييالىق سانا نەدەن قالىپتاساتىنى تۋرالى ايتتى.
«بٸرٸنشٸدەن, قورشاعان ورتا تۋرالى بٸلٸم كەرەك. ەكولوگييالىق بٸلٸم بٸر ەمەس, بارلىق پەن اياسىندا بەرٸلۋٸ كەرەك. ەكٸنشٸدەن, العان بٸلٸم نەگٸزٸندە تابيعاتقا, قورشاعان ورتاعا دەگەن كٶزقاراس قالىپتاسادى. وسىنىڭ نەگٸزٸندە قورشاعان ورتامەن قارىم-قاتىناس تٷزۋگە ارنالعان داعدىلار قالىپتاسادى. وسىلاردىڭ نەگٸزٸندە بەلسەندٸ ەرەكەتكە دايىندىق قالىپتاسادى. قورشاعان ورتانى قورعاۋ - بالا كەزدەن ٶمٸردٸڭ سوڭىنا دەيٸن بەلسەندٸ ەرەكەتتەردٸ تالاپ ەتەدٸ», - دەيدٸ ول.
ونىڭ ايتۋىنشا, ەكولوگييالىق سانا ٶمٸر بويى قالىپتاساتىن دٷنيە.
«ٶمٸر بويى وقيتىن بولساق, ول مەكتەپتەگٸ جەكەلەي پەن ەمەس, بٸزدٸ قورشاعان بارلىق اقپارات. ول - بالالار ەدەبيەتٸ, مۋلتفيلم, فيلم, جارناما جەنە مەديا سالاسىنداعى جۇمىستار. بۇل ٷلكەن عالامدىق قوزعالىس بولعاننان كەيٸن بٸز حالىقارالىق ۇيىمداردىڭ وسى سالادا جيناعان تەجٸريبەسٸن زەرتتەپ, قارايمىز. بۇل قوزعالىستىڭ ەلەم بويىنشا قاعيداسى - عالامدىق دەڭگەيدە ويلا, بٸراق ايماقتىق دەڭگەيدە ەرەكەت ەت. ياعني, بالا مۇزدىقتاردىڭ ەرۋٸ مەسەلەسٸ تۋرالى ويلاسا, ول انتراكتيداداعى مۇزدىقتاردى ەمەس, الاتاۋدىڭ مۇزدىعى تۋرالى ويلاۋى كەرەك. ال شٶلەيت جەرلەر تۋرالى ويلاعاندا افريكانىڭ شٶلٸ ەمەس, ماڭعىستاۋدىڭ شٶلٸ مەن ونى شەشۋ مەسەلەلەرٸ تۋرالى ويلاۋى كەرەك. بۇل ٶتە ماڭىزدى», - دەيدٸ راۋان كەنجەحانۇلى.
