قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ گەولوگييالىق زەرتتەۋلەر جۇمىسىنىڭ دەڭگەيٸ مەن ٶڭٸردٸڭ رەسۋرستىق بازاسىنىڭ كٶرسەتكٸشتەرٸمەن تانىسۋ ٷشٸن قاراعاندى وبلىسىنا باردى, دەپ حابارلايدى "ۇلت اقپارات".
اتالمىش ۆەدوموستۆونىڭ باسپاسٶز قىزمەتٸنٸڭ حابارلاۋىنشا, ەكولوگييا مينيسترٸ وبلىس ەكٸمٸ جەڭٸس قاسىمبەكپەن بٸرگە مەتاللۋرگييا, تاۋ-كەن, كٶمٸر كەنٸ, مىس ٶندٸرٸسٸ سالالارىنداعى ٶنەركەسٸپ ورىندارى باسشىلارىنىڭ قاتىسۋىمەن جينالىس ٶتكٸزدٸ.
اتاپ ايتقاندا, كەزدەسۋدە «ارسەلورميتتال تەمٸرتاۋ», «قازاقمىس», «شۇباركٶل كٶمٸر», «YDD Corporation» كومپانييالارى ٶكٸلدەرٸ جەنە تاعى باسقالار بولدى.
ماعزۇم مىرزاعاليەۆتٸڭ سٶزٸنشە, قاراعاندى وبلىسى مينەرالدىق-شيكٸزات بازاسىنىڭ ەلەۋەتٸ جوعارى.
«بۇل جەردە ٸرٸ تاۋ-كەن ٶندٸرٸستەرٸ بار. سوڭعى 10 جىلدا ٶڭٸردٸڭ جەر قويناۋىن پايدالانۋعا تارتىلعان ينۆەستيتسييا كٶلەمٸ ٷش ەسەگە ٶسكەن. جەر بەتٸنە جاقىن كەن ورىندارىنىڭ قورى تاۋسىلۋعا جاقىن ەكەندٸگٸن ەسكەرە وتىرىپ, قاراعاندى وبلىسىنداعى گەولوگييالىق بارلاۋ جۇمىستارىن جاڭا تەحنولوگييالاردى قولدانۋ ارقىلى تەرەڭدەتە تٷسۋ كەرەك. جاڭا كەن ورنىن تابۋ مەن ونى قولدانىسقا ەنگٸزۋدٸڭ اراسى 10-15 جىل بولعاندىقتان بۇل جۇمىسقا بٷگٸن كٸرٸسۋ قاجەت», - دەدٸ م. مىرزاعاليەۆ جيىن بارىسىندا.
مينيستر سونىمەن بٸرگە ٶڭٸردٸڭ ەكولوگييالىق احۋالىن جاقسارتۋعا بايلانىستى شارالاردىڭ ماڭىزدىلىعىنا توقتالدى.
«وبلىستاعى اتموسفەرالىق اۋانىڭ لاستانۋ پروبلەماسى ٶتە ٶزەكتٸ. بۇل سٶزسٸز ٸرٸ ٶنەركەسٸپتٸڭ جۇمىسىنا بايلانىستى. سوندىقتان ٶندٸرٸستٸ ارتتىرا وتىرىپ, شىعارىندىلاردىڭ كٶرسەتكٸشٸنە دە نازار اۋدارۋ كەرەك. مىسالى, «YDD Corporation» جشس زاۋىتىندا ٶندٸرٸس تيٸمدٸلٸگٸ كٶرسەتكٸشٸنٸڭ جوعارىلىعى بايقالادى. شىعارىندىلار كٶلەمٸ از», - دەپ اتاپ ٶتتٸ مينيستر.
قازٸر قاراعاندى وبلىسىندا مەملەكەت بالانسىندا 51 مىس, 56 التىن, 32 قورعاسىن, 28 تسينك, 36 مارگانەتس رۋداسى جەنە 28 تەمٸر كەن ورىندارى بار. تاس كٶمٸر جەنە قوڭىر كٶمٸردٸڭ نەگٸزگٸ قورى وسىندا شوعىرلانعان. قاراعاندى كٶمٸر باسسەينٸ رەسپۋبليكاداعى مەتاللۋرگييالىق ٶنەركەسٸپ كەسٸپورىندارىنا كوكس كٶمٸرٸن جەتكٸزەدٸ.
«مەملەكەت باسشىسى گەولوگييالىق بارلاۋدىڭ تۇراقتى دامۋىن قامتاماسىز ەتۋدٸ جەنە مينەرالدىق شيكٸزات بازاسىن تولىقتىرۋدى تاپسىرعان. بۇل ٷشٸن گەولوگييالىق بارلاۋدىڭ 5 جىلدىق مەملەكەتتٸك باعدارلاماسى جاسالادى. اتالعان باعدارلاما ەلٸمٸزدٸڭ تابيعي بايلىقتارىن گەولوگييالىق زەرتتەۋ سالاسىنداعى بارلىق تاپسىرمالاردى ورىنداۋعا باعىتتالعان اسا ماڭىزدى قۇجات بولادى», - دەپ اتاپ ٶتتٸ مينيستر.
تالقىلاۋ بارىسىندا مينەرالدىق شيكٸزات بازاسى مىس, التىن, پوليمەتالل جەنە مارگانەتستٸ گەولوگييالىق بارلاۋ جۇمىستارىمەن تولىعاتىنى ايتىلدى.
