قر ەكولوگييا, گەولوگييا جەنە تابيعي رەسرۋستار مينيسترٸ ماعزۇم مىرزاعاليەۆ قاتتى تۇرمىستىق قالدىقتاردى قايتا ٶڭدەۋدٸڭ جوسپارىمەن بٶلٸستٸ, دەپ حابارلايدى قازاقپارات.
«ەلدەگٸ ٸرٸ پروبلەما قاتتى تۇرمىستىق قالدىقتاردى قايتا ٶڭدەۋدٸڭ تٶمەندٸگٸ مەن ولاردى بٶلەك جيناۋ ەرٸ سۇرىپتاۋ بويىنشا تيٸستٸ ينفراقۇرىلىمنىڭ بولماۋىنا بايلانىستى. سوندىقتان جاڭا ەكوكودەكستٸڭ باعىتتارىنىڭ بٸرٸ - ول «ٶندٸرٸس جەنە تۇتىنۋ قالدىقتارىن باسقارۋدى جەتٸلدٸرۋ» بولىپ وتىر. قازٸرگٸ ۋاقىتتا ەلٸمٸزدٸڭ 3,5 مىڭ پوليگونىندا
120 ملن توننادان استام تۇرمىستىق قاتتى قالدىقتار جيناقتالعان جەنە جىل سايىن 5 ملن توننادان استام تۇرمىستىق قالدىقتار قالىپتاسادى. سالىستىراتىن بولساق, كٶلەمٸ بويىنشا 42 فۋتبول الاڭىنا تەڭ», - دەدٸ مينيستر مەجٸلٸستە جاڭا ەكولوگييالىق كودەكس جوباسىن تانىستىرا وتىرىپ.
ونىڭ سٶزٸنە قاراعاندا, 2016 جىلدان باستاپ تۇرمىستىق قالدىقتاردى ٶڭدەۋ
2,6 پايىزدان 14,9 پايىزعا دەيٸن ٶسكەنٸ بايقالادى. الايدا بۇل كٶرسەتكٸش جەتكٸلٸكسٸز.
«تٷزٸلگەن تۇرمىستىق قاتتى قالدىقتاردىڭ كٶلەمٸن قىسقارتۋ ٷشٸن «Waste to Energy» تەتٸگٸن ەنگٸزۋ ۇسىنىلادى. وسى ورايدا قالدىقتاردى جاعۋ ەسكەرٸلگەن, ياعني بۇدان ەلەكتر ەنەرگيياسىن الا وتىرىپ, ونى جەلٸگە تاراتۋ قاراستىرىلىپ وتىر. بۇل تەتٸك ەۋروپادا ٶزٸن جاقسى كٶرسەتتٸ», - دەپ تٷسٸندٸردٸ مىرزاعاليەۆ.
ونىڭ ايتۋىنشا, «Waste to Energy» تەتٸگٸن ەنگٸزۋدٸڭ ارقاسىندا قوقىس ٶڭدەۋ جەنە جەكە ينۆەستورلاردىڭ قاراجاتىن تارتۋ مەسەلەسٸ شەشٸلەتٸن بولادى.
«بۇل 2025 جىلعا دەيٸن قالدىقتار كٶلەمٸن 30 پايىزعا قىسقارتۋعا جەنە 180 ملرد تەڭگەدەن استام ينۆەستيتسييا تارتۋعا مٷمكٸندٸك بەرەدٸ. مىسالى, ەۋروپا ەلدەرٸندەگٸ 150-گە جۋىق زاۋىت وسىنداي مەحانيزم بويىنشا جۇمىس ٸستەيدٸ», - دەدٸ ۆەدومستۆو باسشىسى.
سٶز سوڭىندا ول ەۋروپالىق ديرەكتيۆالارعا ۇقساس, شىعارىندىلارعا قويىلاتىن تالاپتاردى ساقتاۋ بويىنشا قاتاڭ شەكتەۋلەردٸ ەنگٸزۋ جوسپارلانۋدا.
