فوتو: اشىق دەرەككٶزدەن
كەلەسٸ جىلدىڭ بٸرٸنشٸ توقسانىندا ەكٸباستۇز جىلۋ ەلەكتر ورتالىعىنا اۋديت جٷرگٸزٸلەدٸ. تەك سودان كەيٸن عانا مەملەكەتكە قايتارۋ مەسەلەسٸ تۋرالى شەشٸم قابىلدانادى. بۇل تۋرالى بٸرٸنشٸ ۆيتسە-پرەمەر رومان سكليار مەلٸمدەدٸ, دەپ حابارلايدى Sputnik قازاقستان.
ٷكٸمەت ٷيٸندە ٶتكەن باسپاسٶز مەسليحاتىندا سكليار وليگارح كلەبانوۆتىڭ ەكٸباستۇز جەو-نى مەملەكەتكە 1 تەڭگەگە ساتۋ تۋرالى ۇسىنىسىنا پٸكٸر بٸلدٸردٸ.
"ەكٸباستۇز جەو-نىڭ مەنشٸك يەلەرٸ مەملەكەتكە 1 تەڭگەگە قايتارۋدى ۇسىندى. بٸراق بٸزگە مىنانى تٷسٸنۋ قاجەت: ولار ونى قانداي كٷيدە قايتارادى? قۇجاتتاردا كٶرسەتٸلگەن قاراجاتتىڭ بەرٸ سىرتقا شىعارىلماي, شىنىمەن وسى جىلۋ ەلەكتر ورتالىعىنا جۇمسالدى ما? سوندىقتان بٸزگە مۇقييات اۋديت جٷرگٸزۋ قاجەت. كەلەسٸ جىلدىڭ بٸرٸنشٸ توقسانىندا اۋديت جٷرگٸزەمٸز. وسىدان كەيٸن عانا ونى مەملەكەتكە قايتارۋ بويىنشا شەشٸم قابىلدانادى", - دەپ جاۋاپ بەردٸ سكليار.
ونىڭ ايتۋىنشا, قازٸر جەو-دا رەۆيزييا جٷرگٸزٸلٸپ جاتىر. وسى ورايدا سكليار قالاداعى تٶتەنشە جاعدايدى ەكٸباستۇز تاريحىنداعى ٸرٸ اپات دەپ اتادى.
"كٷردەلٸ جٶندەۋگە قانشا ينۆەستيتسييا باعىتتالعانى تەكسەرٸلٸپ جاتىر. قاعاز جٷزٸندە بارلىق جىلۋ جەلٸسٸنٸڭ بەرٸكتٸگٸ تەكسەرٸلگەن. ونى جٷرگٸزگەن جاۋاپتى لاۋازىمدى تۇلعانىڭ قولى قويىلعان. بٸراق سوعان قاراماستان, جىلۋ جەلٸلەرٸندە ەكٸباستۇز تاريحىنداعى ٸرٸ اپات بولدى", - دەدٸ ۆيتسە-پرەمەر.
اپات سەبەپتەرٸن ەنەرگەتيكالىق قاداعالاۋ كوميتەتٸ مەن قۇقىق قورعاۋ ورگاندارى انىقتاپ جاتىر. ولار كەيٸن تەرگەۋ قورىتىندىسىن جارييالايدى.
