فوتو: ٸٸم
ٸشكٸ ٸستەر مينيسترلٸگٸ جوعالعان ادامداردىڭ ورنالاسقان جەرٸن انىقتاۋ جەنە ٸزدەۋدە جٷرگەن ادامداردى ۇستاۋ بويىنشا جەدەل-پروفيلاكتيكالىق ٸس-شارا ٶتكٸزدٸ, دەپ حابارلايدى Polisia.kz.
ەكٸ كٷن ٸشٸندە پوليتسييا ٸزدەۋدە جٷرگەن 280 قىلمىسكەردٸ ۇستادى, ونىڭ ٸشٸندە: – كٸسٸ ٶلتٸرگەنٸ ٷشٸن – 9; – دەنساۋلىققا اۋىر زييان كەلتٸرگەنٸ ٷشٸن – 4; – قاراقشىلىق شابۋىلدار ٷشٸن – 5; – توناۋ ٷشٸن – 7; – ەسٸرتكٸ قىلمىسى ٷشٸن – 19. رەسپۋبليكادان تىس جەرلەردە 33 قىلمىسكەر قۇرىقتالىپ, ال باسقا مەملەكەتتەردٸڭ سۇراۋىمەن 145 ادام قاماۋعا الىندى.
ارمەنييانىڭ نوەمبەريان اۋدانىنىڭ اۋماعىندا 36 جاستاعى قازاقستان ازاماتى ۇستالدى. ول قىركٷيەك ايىنىڭ سوڭىندا پەتروپاۆلدا قالا تۇرعىنىنا پىشاق جاراقاتىن سالىپ, ٶمٸرٸنە قاستاندىق جاساعان.
پاۆلودار وبلىسى پوليتسيياسىنىڭ جەدەل-ٸزدەستٸرۋ توبى رەسەي فەدەراتسيياسىنىڭ ورەل قالاسىندا 42 جاستاعى قازاقستاندىقتى ۇستادى. قاسكٶي 2017 جىلى ٶڭٸرلٸك جشس-نٸڭ بٸرٸنە ديزەل وتىنىن جەتكٸزۋگە ۋەدە بەرٸپ, 50 ملن تەڭگەنٸ يەمدەنگەن.
الماتى پوليتسيياسى تاشكەنت وبلىسىنىڭ مٸٸب-مەن ٸزدەۋدە جٷرگەن 28 جاستاعى ٶزبەكستان ازاماتىن ۇستادى. ەيەل 2015 جىلدىڭ مامىر ايىندا ٶزٸنٸڭ كەمەلەتكە تولماعان قىزىن ٶلتٸرگەن. قازاقستان ٸٸم ينتەرپولىنىڭ سۇراۋى بويىنشا گەرمانييانىڭ نيۋرنبەرگ قالاسىندا ەلٸمٸزدٸڭ 42 جاستاعى ازاماتى ۇستالدى. ول ناۋرىز ايىنىڭ سوڭىندا استىق جەتكٸزۋگە ۋەدە بەرٸپ, پاۆلوداردا شەتەلدٸكتٸڭ 244 مىڭ اقش دوللارىن جىمقىرعان.
اباي وبلىسىنىڭ پد قىزمەتكەرلەرٸ ٸزدەۋدە جٷرگەن سەمەيلٸك تۇرعىنداردى قالانىڭ ٶزٸندە قۇرىقتادى. ولار 2021 جىلى ۇقت كٶمەگٸمەن مەتالل زاۋىتىنان قۇرامىندا التىنى بار ماتەريالدى ۇرلاپ ەكەتكەن.
سونىمەن قاتار جٷرگٸزٸلگەن جۇمىس بارىسىندا پوليتسييا قىزمەتكەرلەرٸ حابار-وشارسىز كەتكەن 53 ادامنىڭ ورنالاسقان جەرٸن انىقتادى.
