فوتو: pexels.com
ٸٸم كريمينالدىق پوليتسييا قىزمەتكەرلەرٸ اسا ٸرٸ مٶلشەردە الاياقتىق جاساعانى ٷشٸن حالىقارالىق ٸزدەۋدە جٷرگەن قىلمىسكەرلەردٸ ۇستادى, دەپ حابارلايدى Polisia.kz.
جەبٸرلەنۋشٸلەرگە كەلتٸرٸلگەن شىعىن 650 ملن تەڭگەدەن اسادى.
قاراعاندى قالاسىندا 45 جاستاعى ەر ادام قۇرىقتالدى. ول 2018 جىلدىڭ شٸلدەسٸندە ٶزٸ اقتٶبەدە بولا وتىرىپ, ەلوردادا جىلجىمايتىن مٷلٸك ساتىپ الىپ بەرۋ سىلتاۋىمەن 100 ملن تەڭگەنٸ يەمدەنگەن. الماتى قالاسىندا 44 جاستاعى ەيەل ۇستالدى. ول كٶكٶنٸستەر مەن جەمٸستەردٸ جەتكٸزۋ سىلتاۋىمەن ازاماتتاردى الداپ, 516 ملن تەڭگەدەن استام سوماسىن الىپ قويعان.
استانا قالاسىندا 60 جاستاعى جەرگٸلٸكتٸ تۇرعىن ۇستالعان. ول ٶتكەن جىلدىڭ قىركٷيەك ايىندا جەڭٸلدەتٸلگەن نەسيە ارقىلى تۇرعىن ٷي ساتىپ الۋ سىلتاۋىمەن 30 ملن تەڭگە جىمقىرعان.
سونىمەن قاتار رەسەي فەدەراتسيياسىنىڭ مەسكەۋ قالاسىندا 30 جاستاعى قازاقستاندىق ازامات قۇرىقتالعان. ول دا الاياقتىق جولمەن ونداعان ميلليون تەڭگەنٸ قالتاعا باسقان.
دەپارتامەنت باستىعى – ٸٸم رەسمي ٶكٸلٸ شىڭعىس الەكەشەۆتٸڭ ايتۋىنشا, جالپى قابىلدانعان شارالاردىڭ نەتيجەسٸندە جىل باسىنان بەرٸ پوليتسييا 1360 قىلمىسكەردٸ ۇستاپ, 1000-نان استام جوعالعان ادامنىڭ ورنالاسقان جەرٸن انىقتاعان,
