قاسىم-جومارت توقاەۆ پەن مۋن چجە ين باق ٶكٸلدەرٸ ٷشٸن بريفينگ ٶتكٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
قاسىم-جومارت توقاەۆ كورەيا رەسپۋبليكاسىنا شاقىرىپ, شىنايى ىقىلاسپەن قارسى العانى ٷشٸن پرەزيدەنت مۋن چجە ينگە ريزاشىلىق بٸلدٸرٸپ, بۇل مەملەكەتتٸك ساپارعا ەرەكشە مەن بەرەتٸنٸن اتاپ ٶتتٸ.
– ەكٸ ەلدٸڭ اراسى الشاق بولعانىمەن, حالىقتارىمىز – تاعدىرلاس. كورەيا – قازاقستاننىڭ شىعىس ازيياداعى ستراتەگييالىق سەرٸكتەسٸنٸڭ بٸرٸ. قازٸر سان سالالى بايلانىسىمىز قارقىندى دامىپ كەلە جاتىر. بٸز بٷگٸن وسى قارىم-قاتىناستى جاڭا دەڭگەيگە كٶتەرۋ ٷشٸن ٶزارا سەنٸم مەن قولداۋعا نەگٸزدەلگەن كەلٸسسٶزدەر جٷرگٸزدٸك. ىقپالداستىقتىڭ تىڭ باعىتتارىن ايقىندادىق, – دەدٸ قازاقستان پرەزيدەنتٸ.
مەملەكەت باسشىسى ٶتكەن عاسىرداعى تاريحي وقيعالاردىڭ ەكٸ حالىقتى جاقىنداتا تٷسكەنٸنە توقتالدى.
– ونداعان مىڭ كورەي قازاق جەرٸنەن پانا تاپتى. قازاقستان ولاردىڭ ەكٸنشٸ وتانىنا اينالدى. كورەي جۇرتىنىڭ ۇلتتىق باتىرى, گەنەرال حون بوم دو قىزىلوردا قالاسىندا جەرلەنگەنٸن جاقسى بٸلەسٸزدەر.
پرەزيدەنت مۋن چجە يننٸڭ ٶتٸنٸشٸمەن ونىڭ سٷيەگٸ مەنٸڭ شەشٸمٸممەن تۋعان جەرٸنە جەتكٸزٸلدٸ. بۇل شارا – بٸزدٸڭ ەلدەرٸمٸزدٸڭ اراسىنداعى ٶزارا سەنٸمنٸڭ جارقىن كٶرٸنٸسٸ. كەزٸندە قازاقستانعا جەر اۋدارىلعان كورەيلەردٸڭ ۇرپاعى بٷگٸندە 100 مىڭنان استى. ولار مەملەكەتتەرٸمٸزدٸڭ دوستىق قاتىناسىن نىعايتا تٷسۋگە زور ٷلەس قوسىپ كەلەدٸ, – دەپ اتاپ ٶتتٸ قاسىم-جومارت توقاەۆ.
مەملەكەت باسشىسى بريفينگتە ٶڭٸرلٸك جەنە حالىقارالىق مەسەلەلەر بويىنشا پٸكٸر الماسىپ, نەگٸزگٸ تٷيتكٸلدەردٸ تالقىلانعاندارىن, سونداي-اق, بٸرنەشە ماڭىزدى كەلٸسٸمگە قول قويىلعانىن ايتتى.
– قازاقستان كورەيامەن سەرٸكتەستٸكتٸ جان-جاقتى دامىتۋعا باسا مەن بەرەدٸ. بٸز ٶزارا تيٸمدٸ ەرٸپتەستٸكتٸ جوعارى باعالايمىز.
ىنتىماقتاستىقتى تىڭ قارقىنمەن جالعاستىرۋعا مٷددەلٸمٸز. بٷگٸن قابىلدانعان كەڭەيتٸلگەن ستراتەگييالىق سەرٸكتەستٸك تۋرالى بٸرلەسكەن مەلٸمدەمە – سونىڭ ايقىن دەلەلٸ. بۇل قۇجات قازاق-كورەي ىقپالداستىعىنىڭ اياسىن كەڭەيتٸپ, قارىم-قاتىناسىمىزدى جاڭا بەلەسكە كٶتەرۋگە سەپتٸگٸن تيگٸزەدٸ دەپ سەنەمٸن. ەكٸجاقتى بايلانىستاردىڭ ٶزەگٸ – ساۋدا-ەكونوميكالىق ىنتىماقتاستىق.
كورەيا – جوعارى تەحنولوگيياسى مەن يننوۆاتسييالىق ٶنەركەسٸبٸ دامىعان قۋاتتى مەملەكەت. قازاقستان – ەكونوميكالىق ٶسٸمٸ تۇراقتى, ەرٸ ينۆەستيتسييالىق احۋالى قولايلى ەل. قازٸردٸڭ ٶزٸندە «تاڭعى شىق ەلٸ» ازيياداعى ساۋدا سەرٸكتەستەرٸمٸزدٸڭ ٸشٸندە ەكٸنشٸ ورىندا تۇر. بۇعان قوسا, كورەيا ەلٸمٸزدەگٸ ەڭ ٸرٸ 10 ينۆەستوردىڭ قاتارىنا كٸرەدٸ, – دەدٸ قازاقستان پرەزيدەنتٸ.
قاسىم-جومارت توقاەۆ سوڭعى 15 جىلدا كورەيا قازاقستان ەكونوميكاسىنا 6 ميلليارد دوللاردان استام ينۆەستيتسييا سالعانىن, «Samsung», «Hyundai» جەنە «Lotte Group» كونتسەرندەرٸ – بٸزدٸڭ ٸرٸ ينۆەستورلارىمىز ەكەنٸن اتاپ ٶتتٸ.
– ٶتكەن جىلدىڭ قورىتىندىسى بويىنشا ەكٸ ەلدٸڭ ساۋدا-ساتتىق كٶلەمٸ 5,9 ميلليارد دوللارعا جەتتٸ. الداعى مەجە – وسى كٶرسەتكٸشتٸ ايتارلىقتاي ارتتىرۋ. بٷگٸن بٸز پاندەمييادان كەيٸنگٸ كەزەڭدە شيكٸزاتتىق ەمەس تاۋار اينالىمىن ۇلعايتىپ, ونى ەرتاراپتاندىرۋعا كەلٸستٸك. سونداي-اق, «سامال جەل» باعدارلاماسىن جانداندىرۋعا ۋاعدالاستىق. وسى ارقىلى جاڭا ينۆەستيتسييا مەن جوعارى تەحنولوگييانىڭ ەلٸمٸزگە كەلۋٸنە قولايلى جاعداي جاسايمىز.
بٸز تٷرلٸ باعىتتاعى اۋقىمدى جوبالاردى بٸرلەسە جٷزەگە اسىرۋدىڭ مٷمكٸندٸكتەرٸن قاراستىرامىز. بۇل رەتتە, اۋىر ٶنەركەسٸپ پەن ماشينا جاساۋ, تاۋ-كەن جەنە بارلاۋ, بالامالى ەنەرگەتيكا سالالارىنىڭ بولاشاعى زور. قازاقستاندا يننوۆاتسييالىق ٶندٸرٸستەرگە دەگەن سۇرانىس جوعارى. ەسٸرەسە, كوممۋنيكاتسييا, اۋىل شارۋاشىلىعى, مەديتسينا جەنە فارماتسەۆتيكا جوبالارىنا باسا مەن بەرەمٸز, – دەدٸ مەملەكەت باسشىسى.
– بۇل – سەرٸكتەستٸگٸمٸزدٸ ستراتەگييالىق رۋحتا دامىتۋدىڭ تاعى بٸر جولى. كەلەسٸ جىلى قازاقستان مەن كورەيانىڭ ديپلوماتييالىق قاتىناس ورناتقانىنا 30 جىل تولادى. وسى ورايدا بٸز مەدەني-گۋمانيتارلىق بايلانىستاردى كٷشەيتٸپ, ناقتى ٸس-شارالار ٶتكٸزۋ ماڭىزدى ەكەنٸن اتاپ ٶتتٸك, – دەدٸ قاسىم-جومارت توقاەۆ.
