استانادا قۇرىلىس نىساندارىنداعى ەڭبەك قاۋٸپسٸزدٸگٸنە باقىلاۋ كٷشەيتٸلەدٸ. بۇعان مۇنارالى كرانداردىڭ قۇلاۋىنان ەكٸ ادامنىڭ قازا تاۋىپ, تاعى ەكٸ ادامنىڭ اۋىر جاراقات الۋى سەبەپ بولدى, دەپ حابارلايدى ult.kz.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەلٸمەتٸنشە, مەملەكەتتٸك ەڭبەك ينسپەكتسيياسىنا قۇرىلىس نىساندارىندا جوسپاردان تىس تەكسەرۋلەر جٷرگٸزۋ مەسەلەسٸن قاراۋ تاپسىرىلدى. قاۋٸپسٸزدٸك تالاپتارىن جٷيەلٸ تٷردە بۇزعان كومپانييالارعا زاڭ اياسىندا قاتاڭ شارا قولدانىلماق. ونىڭ ٸشٸندە قۇرىلىس قىزمەتٸنە بەرٸلگەن ليتسەنزييانى ۋاقىتشا توقتاتۋ نەمەسە قايتارىپ الۋ دا قاراستىرىلۋى مٷمكٸن.
بٸرٸنشٸ ۆيتسە-مينيستر ەربول تۇياقباەۆتىڭ ايتۋىنشا, قۇرىلىس كومپانييالارىنا بۇعان دەيٸن دە قاۋٸپسٸزدٸك تالاپتارىن ساقتاۋ جٶنٸندە ەسكەرتۋ جاسالىپ, كەمشٸلٸكتەردٸ جويۋعا ۋاقىت بەرٸلگەن.
ونىڭ سٶزٸنشە, ٶندٸرٸستەگٸ وقيعالاردى تەك «ادامي فاكتورعا» جابۋعا بولمايدى. جۇمىسشىنىڭ قاتەلەسۋٸنە نە سەبەپ بولعانى, ونىڭ وقىتىلۋى, قۇرال-جابدىقتىڭ جارامدىلىعى جەنە باقىلاۋدىڭ ۇيىمداستىرىلۋى جان-جاقتى تەكسەرٸلۋٸ تيٸس.
سونداي-اق بۇرىن جازاتايىم وقيعا بولعان ۇيىمداردىڭ جۇمىسى جەكە تالدانادى. ينسپەكتورلار بۇرىن انىقتالعان كەمشٸلٸكتەردٸڭ جويىلعان-جويىلماعانىن تەكسەرمەك.
ەڭبەك مينيسترلٸگٸ قۇرىلىس نىسانىنداعى قاۋٸپسٸزدٸككە بٸرٸنشٸ كەزەكتە كومپانييا باسشىسى جاۋاپتى ەكەنٸن اتاپ ٶتتٸ.
