Astanada qurylys nysandaryndaǵy eńbek qaýipsizdigine baqylaý kúsheitiledi. Buǵan munaraly krandardyń qulaýynan eki adamnyń qaza taýyp, taǵy eki adamnyń aýyr jaraqat alýy sebep boldy, dep habarlaidy ult.kz.
Eńbek jáne halyqty áleýmettik qorǵaý ministrliginiń málimetinshe, memlekettik eńbek inspektsiiasyna qurylys nysandarynda jospardan tys tekserýler júrgizý máselesin qaraý tapsyryldy. Qaýipsizdik talaptaryn júieli túrde buzǵan kompaniialarǵa zań aiasynda qatań shara qoldanylmaq. Onyń ishinde qurylys qyzmetine berilgen litsenziiany ýaqytsha toqtatý nemese qaitaryp alý da qarastyrylýy múmkin.
Birinshi vitse-ministr Erbol Tuiaqbaevtyń aitýynsha, qurylys kompaniialaryna buǵan deiin de qaýipsizdik talaptaryn saqtaý jóninde eskertý jasalyp, kemshilikterdi joiýǵa ýaqyt berilgen.
Onyń sózinshe, óndiristegi oqiǵalardy tek «adami faktorǵa» jabýǵa bolmaidy. Jumysshynyń qatelesýine ne sebep bolǵany, onyń oqytylýy, qural-jabdyqtyń jaramdylyǵy jáne baqylaýdyń uiymdastyrylýy jan-jaqty tekserilýi tiis.
Sondai-aq buryn jazataiym oqiǵa bolǵan uiymdardyń jumysy jeke taldanady. Inspektorlar buryn anyqtalǵan kemshilikterdiń joiylǵan-joiylmaǵanyn teksermek.
Eńbek ministrligi qurylys nysanyndaǵy qaýipsizdikke birinshi kezekte kompaniia basshysy jaýapty ekenin atap ótti.
