مەسكەۋدٸڭ وستانكينو سوتى بٸرٸنشٸ ارنا رەداكتورى مارينا وۆسياننيكوۆاعا "زاڭسىز نارازىلىق اكتسيياسىنا شاقىرعانى ٷشٸن" 30 مىڭ رۋبل كٶلەمٸندە ايىپپۇل سالدى, دەپ حابارلايدى "ازاتتىق".
وۆسياننيكوۆا 14 ناۋرىزدا كەشكە "ۆرەميا" جاڭالىقتار باعدارلاماسىنىڭ تٸكەلەي ەفيرٸ بولىپ جاتقاندا ستۋدييادا وتىرعان ديكتوردىڭ قاسىنا اتىپ شىعىپ, "سوعىستى توقتاتىڭىزدار. پروپاگانداعا سەنبەڭٸزدەر. بۇل جەردە سٸزدەردٸ الداپ جاتىر" دەگەن جازۋى بار پلاكات ۇستاپ تۇردى. ول ديكتور سٶيلەپ جاتقاندا "سوعىستى توقتاتىڭىزدار! سوعىسقا جول جوق!" دەپ قارسىلىق تا بٸلدٸردٸ. "پەرۆىي كانال" وسى جايتقا بايلانىستى تەكسەرٸس باستاعان, ارتىنشا وۆسياننيكوۆانىڭ ۇستالىپ, ٷستٸنەن ەكٸمشٸلٸك ٸس قوزعالعان دەگەن حابار شىقتى.
سوت وتىرىسىنان "مەديازونا" ترانسلياتسييا جٷرگٸزدٸ. سۋديا اننا بولوتنيكوۆانىڭ ايتۋىنشا, پوليتسييا "ينتەرنەت مونيتورينگ كەزٸندە" جۋرناليستٸڭ جۇرتتى "نارازىلىق اكتسيياسىنا شاقىرعان" ۆيدەوسىن تاپقان. جۋرناليست تاعىلعان ايىپپەن كەلٸسپەدٸ.
اقپاراتقا قاراعاندا, جۋرناليست بٸرٸنشٸ ارنا ەفيرٸنە شىقپاي تۇرىپ ۆيدەومەلٸمدەمە جاساعان. ۆيدەونىڭ سوڭىندا تٸلشٸ "ميتينگٸگە شىعىڭىزدار" دەيدٸ. ۆيدەوروليكتە ول ٷگٸت-ناسيحاتقا ارالاسقانىن العا تارتىپ, سول ٸسٸنە ٶكٸنەتٸنٸن ايتادى.
"2014 جىلى باستالعان كەزدە بەرٸمٸز ٷنسٸز قالدىق. كرەمل ناۆالنىيعا ۋ بەرگەن كەزدە ميتينگٸگە شىققان جوقپىز. بٸز انتيگۋماندى رەجيمدٸ ٷنسٸز باقىلادىق. قازٸر بٸزدەن بٷكٸل ەلەم تەرٸس اينالدى. بٸزدەن كەيٸن ون بۋىن اۋىسسا دا, مىنا ماسقارادان ارىلا المايدى. بٸز, ورىس حالقى, ويلى, اقىلدىمىز. بۇل باسسىزدىقتى توقتاتۋ تەك بٸزدٸڭ قولىمىزدان عانا كەلەدٸ. ميتينگٸگە شىعىڭىزدار, ەشتەڭەدەن قورىقپاڭىزدار, ولار بٸزدٸڭ بەرٸمٸزدٸ وتىرعىزا المايدى" دەدٸ تٸلشٸ.
جۋرناليست 14 ناۋرىزدا اكتسييادان كەيٸن "وستانكينو" تەلەورتالىعىندا ۇستالعان. ونىڭ قايدا ەكەنٸ ۇزاق ۋاقىت بەلگٸسٸز بولدى. مەملەكەتتٸك تاسس اگەنتتٸگٸنٸڭ دەرەككٶزٸ ناۋرىز باسىندا كٷشٸنە ەنگەن ارمييانىڭ بەدەلٸنە نۇقسان كەلتٸرۋ تۋرالى قىلمىستىق باپ بويىنشا تەرگەۋگە دەيٸنگٸ تەكسەرٸس جٷرگٸزٸپ جاتقانىن حابارلاعان. ول بويىنشا جۋرناليسكە 10 جىل تٷرمە جازاسى بەرٸلۋٸ مٷمكٸن.
