فوتو: gov.kz
استانادا «e-Otinish» اقپاراتتىق جٷيەسٸنٸڭ 5 جىلدىعىنا وراي «e-Otinish» – «حالىق ٷنٸنە قۇلاق اساتىن مەملەكەت» تۇجىرىمداماسىن ٸسكە اسىرۋدىڭ نەگٸزگٸ قۇرالى» تاقىرىبىندا كونفەرەنتسييا ٶتتٸ. مەرەيتويلىق ٸس-شاراعا قر پرەزيدەنتٸنٸڭ قۇقىق مەسەلەلەرٸ جٶنٸندەگٸ كٶمەكشٸسٸ ەرجان جيەنباەۆ, پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا, سونداي-اق ورتالىق مەملەكەتتٸك جەنە جەرگٸلٸكتٸ اتقارۋشى ورگانداردىڭ ٶكٸلدەرٸ قاتىستى. بۇل تۋرالى قر مەدەنيەت جەنە اقپارات مينيسترلٸگٸنٸڭ باسپاسٶز قىزمەتٸنە سٸلتەمە جاساپ, Ult.kz حابارلايدى.
جيىندا پرەزيدەنت كٶمەكشٸسٸ ەرجان جيەنباەۆ جٷيەنٸڭ مەملەكەتتٸك باسقارۋ مەدەنيەتٸن جەتٸلدٸرۋدەگٸ ماڭىزىنا توقتالدى.
«بەس جىل ٸشٸندە «e-Otinish» جٷيەسٸ حالىقتىڭ مەملەكەتتٸك ينستيتۋتتارعا دەگەن كٶزقاراسىن ايقىندايتىن وبەكتيۆتٸ ينديكاتورعا اينالىپ, اشىقتىق پەن ەسەپتٸلٸككە نەگٸزدەلگەن مەملەكەتتٸك قىزمەتتٸڭ جاڭا ەدەبٸن قالىپتاستىرۋعا ىقپال ەتتٸ. ازاماتتاردىڭ ٶتٸنٸشتەرٸمەن جۇمىس بٸرىڭعاي ەرٸ تۇتاس تەتٸك رەتٸندە جولعا قويىلدى. بۇل مەحانيزم ٶتٸنٸشتەردٸ جەدەل قاراۋدى عانا ەمەس, مەملەكەتتٸك ورگاندار قىزمەتٸنە وبەكتيۆتٸ باعا بەرۋدٸ دە قامتاماسىز ەتەدٸ», – دەدٸ ەرجان جيەنباەۆ.
قاتىسۋشىلاردى قۇتتىقتاعان پرەمەر-مينيستردٸڭ ورىنباسارى «e-Otinish» مەملەكەت باسشىسىنىڭ «حالىق ٷنٸنە قۇلاق اساتىن مەملەكەت» قۇرۋ جٶنٸندەگٸ ستراتەگييالىق باعىتىنىڭ ٸس جٷزٸندە جٷزەگە اسقان كٶرٸنٸسٸ ەكەنٸن اتاپ ٶتتٸ.
«قاسىم-جومارت كەمەلۇلى توقاەۆتىڭ باستاماسىمەن جٷزەگە اسقان كونستيتۋتسييالىق رەفورمالار ەدٸلەتتٸ قازاقستاندى قالىپتاستىرۋدىڭ جاڭا ستاندارتتارىن بەكٸتتٸ. ونىڭ ٶزەگٸندە ادام قۇقىعى, بيلٸكتٸڭ قوعام الدىنداعى جاۋاپكەرشٸلٸگٸ جەنە ازاماتتارمەن اشىق ديالوگ قاعيداتتارى تۇر. «ە-ٶتٸنٸش» جٷيەسٸنٸڭ قىزمەتٸ دەل وسى قاعيداتتارمەن تولىق ٷندەسەدٸ. وسى ۋاقىت ٸشٸندە جٷيە ازاماتتاردىڭ ٶتٸنٸش بەرۋ جەنە مەملەكەتتٸك مەسەلەلەردٸ شەشۋگە قاتىسۋ جٶنٸندەگٸ كونستيتۋتسييالىق قۇقىعىن ٸسكە اسىراتىن پەرمەندٸ تەتٸككە اينالدى. جىل سايىن وسى جٷيە ارقىلى ازاماتتاردىڭ ميلليونداعان ٶتٸنٸشٸ قارالادى. ەربٸر كٶرسەتكٸشتٸڭ ارتىندا ناقتى ادام, ونىڭ مەسەلەسٸ, ەدٸلدٸككە دەگەن ٷمٸتٸ جەنە مەملەكەتكە ارتقان سەنٸمٸ تۇر. شىن مەنٸندە, «ە-ٶتٸنٸش» قوعام مەن بيلٸك ينستيتۋتتارى اراسىنداعى سەنٸم كٶپٸرٸ بولىپ وتىر», – دەدٸ ايدا بالاەۆا.
كونفەرەنتسييا بارىسىندا ٶتٸنٸشتەردٸ قاراۋدى باقىلاۋ بٶلٸمٸنٸڭ مەڭگەرۋشٸسٸ قاناتبەك جايسانباەۆ, AMANAT پارتيياسى ساياسي مەنەدجمەنت اكادەميياسىنىڭ ديرەكتورى تامارا دٷيسەنوۆا, قر باس پروكۋراتۋراسى قۇقىقتىق ستاتيستيكا جەنە ارنايى ەسەپكە الۋ جٶنٸندەگٸ كوميتەتٸنٸڭ تٶراعاسى سەبيت نۇرلىباي, قر جوعارعى سوتىنىڭ ەكٸمشٸلٸك ٸستەر جٶنٸندەگٸ سوت القاسىنىڭ تٶراعاسى اسلان تٷكيەۆ قۇتتىقتاۋ سٶز سٶيلەدٸ.
ٸس-شارا ازاماتتارمەن تٸكەلەي جۇمىس ٸستەيتٸن فرونت-لينييالار قىزمەتٸ, مەملەكەتتٸك سەكتورداعى جاساندى ينتەللەكتٸنٸڭ رٶلٸ جەنە حالىقپەن ٶزارا ٸس-قيمىل ستاندارتتارى تۋرالى باياندامالارمەن جالعاستى.
بٷگٸندە «e-Otinish» شامامەن 50 مىڭداي مەملەكەتتٸك ورگان مەن ۇيىمدى بٸرٸكتٸرگەن تولىققاندى مەملەكەتتٸك ەكوجٷيەگە اينالدى. پلاتفورمانى 3 ميلليوننان استام ازامات پايدالانادى. جٷيە ارقىلى 5 جىل ٸشٸندە 16 ميلليوننان استام ٶتٸنٸش قارالدى.
كونفەرەنتسييا مەملەكەت پەن قوعام اراسىنداعى ٶزارا ٸس-قيمىل سالاسىن دامىتۋعا ٷلەس قوسقان مەملەكەتتٸك قىزمەتشٸلەردٸ ماراپاتتاۋ رەسٸمٸمەن قورىتىندىلاندى.
قاسىم-جومارت توقاەۆتىڭ جارلىعىمەن بٸرقاتار ازامات مەملەكەتتٸك ناگرادالارمەن – «قۇرمەت» وردەنٸمەن, ٸٸ دەرەجەلٸ باۋىرجان مومىشۇلى اتىنداعى «ايبىن» وردەنٸمەن جەنە «ەرەن ەڭبەگٸ ٷشٸن» مەدالٸمەن, سونداي-اق پرەزيدەنتتٸڭ «قۇرمەت» گراموتاسى جەنە «العىس» حاتىمەن ماراپاتتالدى. سونىمەن قاتار بٸرقاتار مەملەكەتتٸك قىزمەتشٸگە پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸنٸڭ العىس حاتتارى تابىستالدى.
كونفەرەنتسييا اياسىندا ازاماتتاردىڭ ٶتٸنٸشتەرٸمەن جۇمىس ٸستەۋدٸڭ پراكتيكالىق مەسەلەلەرٸنە ارنالعان تاقىرىپتىق سەمينارلار دا ٶتتٸ.
