بٷگٸن قىرعىزستان استاناسى بٸشكەك قالاسىندا دزيۋدودان ازييا چەمپيوناتى باستالدى, دەپ حابارلايدى "ۇلت اقپارات".
بالۋاندار بەس سالماقتا سىنعا تٷستٸ. ونىڭ 2-ۋٸ ەرلەر اراسىندا بولسا, 3-ۋٸ قىزدار اراسىندا ٶتتٸ.
قازاقستاندىق بالۋاندار اراسىنان 60 كەلٸدە تاتامي تٶرٸنە شىققان ەلدوس سمەتوۆ شيرەك فينالدا قىرعىزستاندىق كۋبانىچبەك ايبەكۇلىنا ەسە جٸبەردٸ. سول سالماقتا قازاقستاندىق عۇسمان قىرعىزباەۆ بٸرٸنشٸ اينالىمدا اۆسترالييالىق دجوشۋا كەتتسكە جول بەردٸ.
ال 66 كەلٸدە تاعى بٸر قازاقستاندىق بالۋان ەلدوس جۇماقانوۆ قورجىنعا قولا جٷلدە سالدى. ول جۇبانىش فينالىندا قىرعىزستاندىق ارتۋر تەنٸ جەڭٸپ كەتتٸ.
قىزدار اراسىندا 52 كەلٸدە بەلدەسكەن نۇرسۇلۋ ەراليەۆا مەن عالييا تىنباەۆا جارىستىڭ العاشقى اينالىمدا قارسىلاستارىنا ەسە جٸبەردٸ.
قازاقستاندىق ابيبا ەبۋجاقىنوۆا 48 كەلٸدە ازييا چەمپيوناتىنىڭ كٷمٸس جٷلدەسٸنە يە بولدى. ول فينالدا قىتايلىق لي يانانعا ەسە جٸبەردٸ.
ال سەۆارا نيشانباەۆا 57 كەلٸدە قولا جٷلدەگە قول سوزدى.
بيىلعى ازييا چەمپيوناتىنا 30 ەلدەن بارلىعى 215 دزيۋدوشى قاتىسادى. قازاقستان قۇراماسىنان 17 تاتامي شەبەرٸ ەل نامىسىن قورعايتىن بولادى.
ەندٸ ازييا چەمپيوناتىندا 73 كەلٸدە جانساي سماعۇلوۆ, 81 كەلٸدە ديدار حامزا مەن رۋسلان مۇساەۆ, 90 كەلٸگە دەيٸنگٸ سالماقتا يسلام بوزباەۆ بەلدەسسە, 100 كەلٸدە ايبەك سەرٸكباەۆ, اسا اۋىر سالماق دەرەجەسٸندە ەراسىل قاجىباەۆ كٷرەسەدٸ. قىزدار اراسىندا 63 كەلٸدە يولانتا بەردٸبەكوۆا, 70 كەلٸدە زەرە بەكتاسقىزى, 78 كەلٸدە كاميلا بەرلٸقاش تاتامي تٶرٸندە تايتالاسقا تٷسەدٸ. ازييا چەمپيوناتى 9 سەۋٸردە مەرەسٸنە جەتەدٸ.
