دٷيسەنبٸ, 25 سەۋٸردە اقش پرەزيدەنتٸ دجو بايدەن بريدجەت برينكتٸ امەريكانىڭ ۋكرايناداعى جاڭا ەلشٸسٸ ەتٸپ تاعايىنداعانىن حابارلادى, دەپ جازادى ازاتتىق.
بريدجەت برينك اقش-تىڭ سلوۆاكيياداعى ەلشٸسٸ قىزمەتٸندە بولعان. بۇعان دەيٸن ول اقش-تىڭ ٶزبەكستان مەن گرۋزيياداعى ەلشٸلٸكتەرٸندە, اقش-تىڭ قاۋٸپسٸزدٸك كەڭەسٸ مەن مەملەكەتتٸك دەپارتامەنتٸندە جۇمىس ٸستەگەن.
اقش-تىڭ ۋكرايناداعى ەلشٸسٸ قىزمەتٸ كەيٸنگٸ ٷش جىلعا جۋىق بوس تۇردى. بايدەن ەكٸمشٸلٸگٸ بۇل قىزمەتكە ادام تاعايىنداۋعا اسىقپاعانى ٷشٸن سىنعا قالعان ەدٸ. بريدجەت برينكتٸڭ ەلشٸ بولىپ تاعايىندالعانى جايلى جاڭالىقتى زاڭ شىعارۋشىلار, ساراپشىلار مەن ديپلوماتييالىق كورپۋستاعى ەرٸپتەستەرٸ قۋانا قابىلدادى.
سەناتتاعى دەموكراتتاردىڭ جەتەكشٸسٸ چاك شۋمەر بۇل شەشٸمدٸ «سىن ساعاتىنداعى كەرەمەت جاڭالىق» دەپ باعالاسا, پولشاداعى اقش ەلشٸسٸ دەنيەل فريد برينكتٸ كٶپشٸلٸك «قۇرمەتتەيتٸنٸن, سىيلايتىنىن» ايتقان.
رەسەي ەسكەرٸنٸڭ ۋكرايناعا كٸرگەن العاشقى كٷندەرٸ اقش-تىڭ سلوۆاكيياداعى ەلشٸسٸ بولىپ جٷرگەن بريدجەت برينك ۋكراينا مەن سلوۆاكييا شەكاراسىنداعى بوسقىندارمەن كەزدەسٸپ, سلوۆاكييا بيلٸگٸ مەن حالقىن بوسقىندارعا قولداۋ كٶرسەتكەنٸ ٷشٸن العىس ايتقان.
اقش مەملەكەتتٸك دەپارتامەنتٸنٸڭ حابارلاۋىنشا, رەسەيدٸڭ ۋكرايناعا شابۋىلىنا دەيٸن ەكٸ اپتا بۇرىن كيەۆتەن كەتكەن امەريكاندىق ديپلوماتتار وسى اپتادا جۇمىسىن قايتا باستاماق. قازٸر پولشادان جۇمىس ٸستەپ وتىرعان امەريكالىق ديپلوماتتار ەزٸرگە كٷن سايىن شەكاراعا جاقىن ورنالاسقان لۆوۆ قالاسىنا بارىپ-كەلٸپ جۇمىس ٸستەيتٸن بولادى.
