اقش پرەزيدەنتٸ دجو بايدەن ەيەلٸمەن بٸرگە 24 مامىرداعى اتىس كەزٸندە ٶلگەن ەكٸ مۇعالٸم مەن 19 وقۋشىنى ەسكە الۋشىلارعا قولداۋ كٶرسەتۋ ٷشٸن تەحاس شتاتىنىڭ يۋۆالد قالاسىنا باردى.
بايدەننٸڭ جارى بٸر اي ٸشٸندە وسىنداي ەكٸنشٸ ساپارعا شىعىپ تۇر. 17 مامىردا اق ٷي باسشىسى نيۋ-يورك شتاتىنداعى بۋففالو قالاسىنا كەلٸپ, نەسٸلشٸل قىلمىسكەر وعىنان قازا بولعانداردىڭ وتباسىلارىمەن كەزدەسكەن. بۇل وقيعا كەزٸندە افروامەريكالىق 10 ادام ٶلگەن ەدٸ.
يۋۆالد قالاسىندا دجو بايدەن ەيەلٸ ەكەۋٸ قارالى جيىنعا قاتىسىپ, مەموريالعا گٷل قويدى.
ودان بٸر كٷن بۇرىن بايدەن ٶزٸ وقىعان دەلاۆەر شتاتىنىڭ ۋنيۆەرسيتەتٸندە سٶيلەپ, ەكٸ وقيعا كەزٸندە "جازىقسىز ادامدار ٶلگەنٸن" ايتىپ: "نىعايىپ, كٷشەيە تٷسۋٸمٸز كەرەك. بٸز تراگەدييانىڭ قايدان كەلەرٸن بٸلمەيمٸز, بٸراق امەريكانى قاۋٸپسٸز ەتە الامىز", — دەگەن ەدٸ.
"يۋۆالدتەگٸ قاندى وقيعا قارۋعا باقىلاۋ ورناتۋ مەسەلەسٸن تاعى ساياسي كٷن تەرتٸبٸنە شىعاردى. پرەزيدەنت پەن ەيەلٸنٸڭ تەحاسقا ساپارى قۇقىق قورعاۋ ورگاندارىنىڭ جەدەل ەرەكەتٸ جٶنٸندەگٸ پٸكٸرتالاستار كٷشەيگەن كەزگە تۇسپا-تۇس كەلدٸ" دەيدٸ "امەريكا داۋىسى".
يۋۆالد وقيعاسىندا "پوليتسەيلەر ارناۋلى جاساقتى كٷتٸپ بٸر ساعات كٸدٸردٸ, بۇل كەزدە قىلمىسكەر مەكتەپ ٸشٸندە جٷردٸ" دەگەن سىن ايتىلعان.
اقش ەدٸلەت مينيسترلٸگٸ قۇقىق قورعاۋ ورگاندارىنىڭ رەاكتسيياسىن تەكسەرٸپ, قورىتىندىسىن جارييالاۋعا ۋەدە بەردٸ.
يۋۆالد مەكتەبٸندە وق اتقان 18 جاستاعى سالۆادور راموستى سول جەردە قاۋٸپسٸزدٸك قىزمەتكەرلەرٸ اتىپ ٶلتٸرگەن. ونىڭ بۇل ەرەكەتكە نە سەبەپتەن بارعانى بەلگٸسٸز. مەكتەپكە شابۋىل الدىندا ەجەسٸن اتىپ كەتكەن. بۇل شابۋىل — امەريكا مەكتەپتەرٸنە جاسالعان ٸرٸ شابۋىلداردىڭ بٸرٸ.
