20 قاڭتاردا يناۋگۋراتسيياسى ٶتەتٸن اقش-تىڭ جاڭادان سايلانعان پرەزيدەنتٸ دجو بايدەن سەيسەنبٸ كٷنٸ دەلاۆەر شتاتىندا سٶز سٶيلەپ, تۋعان شتاتىنىڭ تۇرعىندارىمەن قوشتاستى. ول دەلاۆەر شتاتىنداعى ۇلتتىق گۆارديياعا قاراستى ٷشٸنشٸ رەزەرۆيستەر ورتالىعىندا مەلٸمدەمە جاسادى. بۇل ورتالىق دجو بايدەننٸڭ ٷلكەن ۇلى مايور دجوزەف بو بايدەننٸڭ قۇرمەتٸنە اتالعان. ول جازىلمايتىن دەرتكە شالدىعىپ, بٸرنەشە جىل بۇرىن قايتىس بولعان.
"امەريكا داۋىسى" سايتىنىڭ جازۋىنشا, قوشتاسۋ رەسٸمٸنە دەلاۆەر گۋبەرناتورى دجون كەرني دە قاتىسقان.
جاڭا سايلانعان پرەزيدەنت جەنە بولاشاق بٸرٸنشٸ حانىم سەيسەنبٸ كٷنٸ كەشكە دەلاۆەردٸڭ ني-كاستل ەۋەجايىنان مەريلەندتەگٸ "ەندريۋس" ەۋە بازاسىنا, ودان ەرٸ قاراي ۆاشينگتونعا ۇشقان. سەرسەنبٸ كٷنٸ اقش-تىڭ 46-شى پرەزيدەنتٸنٸڭ يناۋگۋراتسيياسى ٶتەدٸ.
Associated Press اگەنتتٸگٸ دونالد ترامپ يناۋگۋراتسييا رەسٸمٸنە قاتىسپايدى دەپ جازادى. بايدەن مٸنگەن ۇشاق "ەندريۋس" ەۋە بازاسىنا قونعان كەزدە اق ٷي ترامپتىڭ قوشتاسۋ ۆيدەوسىن جارييالادى. ترامپ جاڭا ەكٸمشٸلٸككە سەتتٸلٸك تٸلەدٸ. Associated Press اگەنتتٸگٸ 20 مينۋتتىق قوشتاسۋ ۆيدەوسٸندە بٸردە-بٸر رەت بايدەن ەسٸمٸن اتاماعانىن اتاپ ٶتەدٸ.
