دۋشانبەدە ەكونوميكالىق ىنتىماقتاستىق جٶنٸندەگٸ قازاقستان – تەجٸكستان ٷكٸمەتارالىق كوميسسيياسىنىڭ XVI وتىرىسى ٶتتٸ, دەپ حابارلايدى "ۇلت اقپارات".
قازاقستان رەسپۋبليكاسى پرەمەر-مينيسترٸنٸڭ ورىنباسارى رومان سكليار ەكونوميكالىق ىنتىماقتاستىق جٶنٸندەگٸ قازاقستان – تەجٸكستان ٷكٸمەتارالىق كوميسسيياسىنىڭ XVI وتىرىسىنا قاتىسۋ ٷشٸن قازاقستاندىق دەلەگاتسييانى باسقاردى.
وتىرىسقا مينيسترلٸكتەر مەن ۆەدومستۆولاردىڭ, ۇلتتىق كومپانييالاردىڭ ٶكٸلدەرٸ, سونداي-اق ەكٸ تاراپتىڭ تيٸستٸ ۇيىمدارىنىڭ شاقىرىلعان ٶكٸلدەرٸ قاتىستى.
ساپار اياسىندا رومان سكليار تەجٸكستان پرەمەر-مينيسترٸ كوحير راسۋلزودامەن كەزدەستٸ, وندا ساۋدا-ەكونوميكالىق, ٶنەركەسٸپتٸك جەنە قۇرىلىس سالالارىنداعى ىنتىماقتاستىقتىڭ كەڭ اۋقىمدى مەسەلەلەرٸ قارالدى.
رومان سكليار مەن كوميسسييانىڭ تەڭ تٶراعاسى – تەجٸكستان رەسپۋبليكاسى پرەمەر-مينيسترٸنٸڭ بٸرٸنشٸ ورىنباسارى داۆلاتالي سايدتىڭ كەزدەسۋٸندە ەكٸ ەلدٸڭ اۋىل شارۋاشىلىعى, ازىق-تٷلٸك قاۋٸپسٸزدٸگٸ, ەنەرگەتيكا جەنە سۋ رەسۋرستارى, كٶلٸك جەنە ازاماتتىق اۆياتسييا سالاسىنداعى ٶزارا ٸس-قيمىل تاقىرىپتارى كٶرٸنٸس تاپتى.
سونداي-اق 2019 جىلعى سەۋٸردە نۇر-سۇلتاندا ٶتكەن كوميسسييانىڭ XV وتىرىسىنىڭ شەشٸمدەرٸن ٸسكە اسىرۋ بارىسى قارالدى.
كوميسسييا وتىرىسىندا قازاقستان – تەجٸكستان ٶزارا ٸس-قيمىلىنىڭ نەگٸزگٸ باعىتتارى بويىنشا قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ پەن قازاقستان رەسپۋبليكاسىنىڭ ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ سٶز سٶيلەدٸ.
كەزدەسۋگە قاتىسۋشىلار ەكٸجاقتى ىنتىماقتاستىقتى ودان ەرٸ نىعايتۋ جەنە ٶزارا تيٸمدٸ بٸرلەسكەن جوبالاردى ٸسكە اسىرۋ بويىنشا بٸرلەسكەن كٷش-جٸگەردٸڭ نەتيجەلٸلٸگٸن اتاپ ٶتتٸ. وتىرىس قورىتىندىسى بويىنشا قول جەتكٸزٸلگەن كەلٸسٸمدەردٸ ٸسكە اسىرۋ تۋرالى حاتتاماعا قول قويىلدى.
