قىرعىزستاندا VI دٷنيەجٷزٸلٸك كٶشپەندٸلەر ويىندارى باستالدى. جارىستىڭ العاشقى كٷنٸندە قازاقستان قۇراماسى بٸرنەشە سپورت تٷرٸنەن ٶنەر كٶرسەتتٸ, دەپ حابارلايدى ult.kz.
VI دٷنيەجٷزٸلٸك كٶشپەندٸلەر ويىندارى 31 تامىز بەن 6 قىركٷيەك ارالىعىندا قىرعىزستاندا ٶتۋدە. قازاقستان قۇراماسى جارىستىڭ باعدارلاماسىنا ەنگٸزٸلگەن 42 سپورت تٷرٸنەن 152 سپورتشىمەن قاتىسىپ جاتىر.
ويىنداردىڭ اشىلۋ سالتاناتىندا قازاقستاننىڭ مەملەكەتتٸك تۋىن كٶكپاردان ەلەم چەمپيونى, ۇلتتىق قۇرامانىڭ كاپيتانى تۇرعانبەك قۇرمانبەك الىپ شىقتى.
جارىستىڭ العاشقى كٷنٸندە قازاقستاندىق سپورتشىلار وردو, توعىزقۇمالاق, كۋراش, گورەش جەنە مونگول بوح سپورت تٷرلەرٸنەن سىنعا تٷستٸ.
توعىزقۇمالاق بويىنشا جارىستار 6 قىركٷيەككە دەيٸن جالعاسادى. ال اسىق اتۋدان اقتىق ويىندار 2 قىركٷيەككە جوسپارلانعان.
كۋراشتان بەلدەسكەن نۇردەۋلەت جارىلعاپوۆ يراندىق سپورتشىدان جەڭٸلدٸ. مونگول بوحتا ەراسىل امانگەلدٸ, ال گورەشتە مادييار ابدراحمانوۆ قارسىلاستارىنا ەسە جٸبەردٸ. وسى ٷش كٷرەس تٷرٸنەن قازاقستان قۇراماسى ٷشٸن جارىس اياقتالدى.
2 قىركٷيەكتە قازاقستاندىق سپورتشىلار كٶكپار, كٶكبٶرٸ, ەر ەڭيش (اۋدارىسپاق), الىش, وۆاري, مانگالا, توعىزقۇمالاق, ات مارافونى, وردو, قۇسبەگٸلٸك, جامبى اتۋ, دەستٷرلٸ ساداق اتۋ, تاياق تارتۋ, ارقان تارتۋ, سۋمو, سترونگمەن جەنە ومىرتقا سىندىرۋ سپورت تٷرلەرٸنەن جارىس جولىنا شىعادى.
