فوتو:gov.kz
قازاقستان ۇلتتىق قۇراماسى دٷنيەجٷزٸلٸك كٶشپەندٸلەر ويىندارىنىڭ ەكٸنشٸ جارىس كٷنٸن 14 التىن, 3 كٷمٸس, 8 قولا مەدالمەن اياقتادى.
قازاق كٷرەسٸنەن قاتىسقان 8 سپورتشىنىڭ بارلىعى التىن مەدال الدى. ال جامبى اتۋدان ٷش ورىندى دا ۇلتتىق قۇراما سپورتشىلارى يەلەندٸ.
«قازانات» يپپودرومى ماڭىنداعى ەتنواۋىلدا ٶتكەن جامبى اتۋ سپورتىنىڭ ازييا ستيلٸنەن جٷلدەلٸ ٷش ورىندى دا قازاقستاندىق سپورتشىلار جەڭٸپ الدى. باتىر بەكساۋىت – التىنعا, ايتبەك سارىباي كٷمٸس جٷلدەگە يە بولسا, قولا مەدالدٸ ەرالحان ايكٶز ەنشٸلەدٸ.
قازاقستاندىق سپورتشىلار اۋدارىسپاقتان ٷش سالماق دەرەجەسٸندە دە التىن مەدال الدى. 60 كەلٸدە ەرمەك قۇرالباي, 70 كەلٸدە المات لەتٸپبەك, 80 كەلٸدە دارىن ٶتكەلباي جەڭٸمپاز اتاندى.
«ارعىماق» ات-سپورت كەشەنٸندە ٶتكەن دەستٷرلٸ ساداق اتۋدان ەيەلدەر اراسىندا ايكٶركەم باتيحان قولا جٷلدەگە يە بولدى. ال ەرلەر اراسىندا قوس بٸردەي قازاقستاندىق فينالعا شىعىپ, قاسىمحان قانات قولا مەدال يەلەنسە, جەنٸبەك قۇلمىرزاەۆ التىن مەدال الدى.
جاقسىلىق ٷشكەمپٸروۆ اتىنداعى جەكپە-جەك سارايىندا قازاق كٷرەسٸنەن ەرلەر مەن ەيەلدەر ەرقايسى تٶرت سالماق دەرەجەسٸندە سىنعا تٷستٸ. ەيەلدەر اراسىندا 48 كەلٸدە ايجان جىلقىباەۆا, 52 كەلٸدە نازەركە ازاماتوۆا, 56 كەلٸدە راۋزا نۇرماحامبەتوۆا, 60 كەلٸدە باقىت قۇساقباەۆا التىن مەدال الدى. ال ەرلەر اراسىندا 55 كەلٸدە بەكجان تٶلەپوۆ, 60 كەلٸدە مەيٸرجان بەرەكەتوۆ, 66 كەلٸدە ديدار تۇقىشەۆ, 74 كەلٸدە جۇماجان قوجامبەكوۆ التىن مەدالعا يە بولدى.
«الاۋ» مۇز ايدىنى سارايىندا كۋراشتان, ماس-رەستلينگتەن جەنە اسىق اتۋدان بەسەكە ٶتتٸ. كۋراشتان قازاقستاندىق 6 سپورتشى جٷلدەگە يە بولدى. 87 كەلٸ سالماقتا البينا باحيەۆا التىن جٷلدە السا, 79 كەلٸ سالماقتا اجار سالىقوۆا مەن +100 كەلٸدە مارات بايكامۋروۆ كٷمٸس جٷلدەنٸ ەنشٸلەدٸ. 81 كەلٸ سالماقتا ەرزات ارعىنوۆ, 81 كەلٸ سالماقتا بەكەدٸل شايمەردەنوۆ پەن 87 كەلٸ سالماقتا ۇلبولسىن اديلوۆا قولا جٷلدە الدى.
ساحا حالقىنىڭ ۇلتتىق سپورتى ماس-رەستلينگتەن ەرلەر اراسىندا 65 كەلٸ سالماقتا بٸرٸمجان اسىلمۇرات پەن ەيەلدەر اراسىندا 55 كەلٸ سالماقتا تاحمينا قوجامبەرديەۆا قولدا جٷلدە يەلەندٸ.
«قازانات» يپپودرومىندا ٶتٸپ جاتقان كٶكپاردان ٸرٸكتەۋ كەزەڭٸندە قازاقستان ٶزبەكستاندى 16-0 ەسەبٸمەن جەڭدٸ. ال كٶكبٶرٸدەن ۇلتتىق قۇراما سپورتشىلارى اقش كومانداسىمەن كەزدەسٸپ, 18-0 ەسەبٸمەن ايقىن باسىم تٷستٸ.
اسىق اتۋ مەن توعىزقۇمالاقتان دا ٸرٸكتەۋ جارىستارى ٶتتٸ.
