قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ پەن حالىقارالىق قايتا قۇرۋ جەنە دامۋ بانكٸنٸڭ تۇراقتى ٶكٸلٸ جان-فرانسۋا مارتو قازاقستانداعى لاندشافتاردى قالپىنا كەلتٸرۋ جوباسىن قارجىلاندىرۋ تۋرالى كەلٸسٸمگە قول قويدى, دەپ حابارلايدى "ۇلت اقپارات".
بۇل جوبا جاھاندىق ەكولوگييالىق قور باعدارلاماسى اياسىندا دٷنيەجٷزٸلٸك بانك تاراپىنان 4,3 ملن اقش دوللارىنا قارجىلاندىرىلدى. ول 2021-2025 جىلدارى ٸسكە اسىرىلماق.
«جوبا ورمان شارۋاشىلىعىن دامىتۋ مەسەلەلەرٸن قوزعايدى, فەرمەرلەرمەن جەنە جەرگٸلٸكتٸ قوعامداستىقتارمەن توزعان جەرلەردٸ ورمان ٶسٸرۋ ارقىلى قالپىنا كەلتٸرۋ جۇمىستارىن كٶزدەيدٸ. ونىڭ اياسىندا قىزىلوردا وبلىسىنداعى ارال تەڭٸزٸنٸڭ قۇرعاتىلعان تٷبٸندەگٸ 300 مىڭ گا مەملەكەتتٸك ورمان قورى جەرلەرٸ كارتاعا تٷسٸرٸلەدٸ, قوسىمشا 50 مىڭ گا ورمان ٶسٸرۋ ٷشٸن جوبالاۋ-ٸزدەستٸرۋ جۇمىستارى جٷرەدٸ. قىزىلوردا جەنە تٷركٸستان وبلىستارىندا 100 مىڭ گا القاپتا ەسەپكە الىنباعان ورماندار تٷگەندەلەدٸ.
قىزىلوردا وبلىسىنىڭ قازالى ورمان مەكەمەسٸندە جىل سايىنعى ٶنٸمدٸلٸگٸ 4 ملن دانا سەكسەۋٸلگە جەتەتٸن, كٶشەت الاڭى 33 گا بولاتىن ورمان تەلٸمباعى قۇرىلادى. سونداي-اق, قىزىلوردا قالاسى اينالاسىندا 3 مىڭ گا بولاتىن جاسىل ايماق قۇرىلادى», - دەپ تٷسٸندٸردٸ قر ەگترم ورمان شارۋاشىلىعى جەنە جانۋارلار دٷنيەسٸ كوميتەتٸ.
سونىمەن بٸرگە, ششۋچينسك قالاسىنداعى «رەسپۋبليكالىق ورمان سەلەكتسييالىق-تۇقىم ٶسٸرۋ ورتالىعى» رمقك بازاسىندا ورمان تۇقىمدارىنىڭ گەنەتيكالىق بانكٸ قۇرىلادى. جامبىل وبلىسىنىڭ قوسقۇدىق ورمان مەكەمەسٸ جەنە قىزىلوردا وبلىسىنىڭ قازالى ورمان مەكەمەسٸ ٷشٸن ورمان شارۋاشىلىعى تەحنيكاسى مەن جابدىقتارىن ساتىپ الۋ شارالارى قاراستىرىلعان.
«بۇل جوبانى ٸسكە اسىرۋ رەسپۋبليكانىڭ ورمانىن ارتتىرۋعا, قىزىلوردا جەنە جامبىل وبلىستارىنىڭ ورمان مەكەمەلەرٸنٸڭ ماتەريالدىق-تەحنيكالىق بازاسىن نىعايتۋعا ىقپال ەتەدٸ دەپ كٷتٸلۋدە. ٶز كەزەگٸندە قىزىلوردا قالاسىنىڭ اينالاسىندا جاسىل ايماق قۇرۋ جەلدٸڭ تەرٸس ەسەرٸن, جەردٸڭ توزۋىن ازايتادى جەنە ٶڭٸردٸڭ ەكولوگييالىق جاعدايىن جاقسارتادى. جالپى, اتالعان بارلىق شارالار مەملەكەت باسشىسىنىڭ 2 ملرد اعاش وتىرعىزۋ جٶنٸندەگٸ تاپسىرماسىن ورىنداۋ اياسىندا ورمان شارۋاشىلىعى جۇمىستارىن ساپالى جٷرگٸزۋگە مٷمكٸندٸك بەرەدٸ», - دەيدٸ كوميتەت.
