"دٷنيە جاڭارىپ جاتقاندا دٸنگە دە بٸر سٸلكٸنٸس, سەرپٸلٸس كەرەك"

ەدەتتە جاڭادان سايلانعان پاپالار سەن سالتاناتى كەلٸسكەن, جاعاسى سۋساردىڭ تەرٸسٸنەن تٸگٸلگەن, القىزىل مانتييا كيٸپ شىعادى ەكەن ەلدٸڭ الدىنا.

سول مانتييادان باس تارتادى پاپا فرانتسيسك.

"ٷلدە مەن بٷلدەگە ورانعاننان وپا تابام با وسى? ٶيتكەننەن ەلدٸڭ الدىندا سٷيكٸمٸم ارتا قويماس. كارناۆالعا باراتىنداي كيٸنگەنٸم ۇيات. مۇندايدىڭ زامانى ەلدەقاشان ٶتكەن..." دەيدٸ ول.

دەيدٸ دە اق ماتادان تٸگٸلگەن ەدەپكٸ كيٸممەن شىعادى ەل الدىنا.

كاردينالدارىنا (ٶزٸنەن كەيٸنگٸلەرگە) ٷندەۋ جاساۋ ٷشٸن ەلگٸلەردٸڭ تٶبەسٸنەن تٶنٸپ تۇراتىن تاققا دا وتىرمايدى.

"تٶمەندە تۇرىپ سٶيلەسەم ٶتٸم جارىلىپ كەتپەس..." دەيدٸ پاپا فرانتسيسك.

سٶيتٸپ تاعى بٸر تاپتاۋرىن تٷسٸنٸكتٸ بۇزادى.

كەيٸن ەۋليە پەتر سوبورىنىڭ الدىندا پاپانىڭ تٷر-تۇلعاسىن كٶرۋگە جينالعان توپتى تاڭ-تاماشا قىلادى.

"حالقىم, سەندەرگە باتا بەرمەيمٸن بۇل جولى. ٶزدەرٸڭ دۇعا جاساڭدار. تٸلەگەن تٸلەكتەرٸڭ بولسا جاراتقان يەم الدارىڭدا تۇرعان مەن ارقىلى قابىل قىلسىن..." دەيدٸ ول.

ەل اراسىندا "پاپانىڭ كٶلٸگٸ" اتانىپ كەتكەن ۇزىندىعى ەسٸك پەن تٶردەي ليمۋزيندٸ دە (Merسedes Benz) كەرەك ەتپەيدٸ. ريمنٸڭ ٸشٸندە ەسكٸ فورد فوكۋسپەن جٷرەدٸ ول.

پاپالارعا ارنالعان زەۋلٸم پەنتحاۋسقا قونىستانۋدان باس تارتىپ, ۆاتيكان سارايىنىڭ تٷبٸندەگٸ قوناق كٷتەتٸن ٷيگە ورنالاسادى. پاپا فرانتسيسك ەلٸگە دەيٸن سوندا تۇرادى.

بورسىپ, ٸشتەن شٸرٸپ, كٷنەعا بەلشەدەن باتقان شٸركەۋدٸ دەل وسى فرانتسيسك قۇتقارىپ قالادى.

ۆاتيكان بانكٸندەگٸ كوررۋپتسييامەن كٷرەسەدٸ الدىمەن. بانكتٸڭ باسىنداعى جىلدار بويى تاپجىلماي وتىرعان جەمقورلاردى تاعىنان تايدىرىپ, ورنىنا رەفورماتورلاردى قويادى.

دٸني دوكترينالار مەن دوگمالاردى ٶزگەرتۋگە قاتىستى جابىق ەسٸك جاعدايىندا ٶتەتٸن جىل سايىنعى سينودتىڭ تەرتٸبٸن بۇزادى پاپا فرانتسيسك.

"نەنٸ ٶزگەرتٸپ, نەنٸ ٶزگەرتپەۋ كەرەكتٸگٸن نەگە بٸز شەشۋٸمٸز كەرەك? ەلدٸڭ پٸكٸرٸن دە ەسكەرەيٸك. ەلدٸڭ دە الىپ-قوسارى بار شىعار بۇعان..." دەيدٸ پاپا.

بٸر جولى برازيلييادان ريمگە قايتىپ كەلە جاتقان فرانتسيسكە جۋرناليستەر ساۋال قويادى: "كٶگٸلدٸرلەرگە كٶزقاراسىڭىز قالاي?" دەپ...

"ولاردى ايىپتايتىنداي مەن سونشاما كٸممٸن?.." دەيدٸ ول.

دەيدٸ دە وسى كٷنگە دەيٸن كٶگٸلدٸرلەرگە كٷن كٶرسەتپەي كەلگەن شٸركەۋدٸڭ كانوندارىن كٷيرەتٸپ تىنادى.

كەيٸن بۇل سٶزٸن بىلاي دەپ تٷسٸندٸرەدٸ ول:

"دٷنيە جاڭارىپ جاتقاندا دٸنگە دە بٸر سٸلكٸنٸس, سەرپٸلٸس كەرەك. ادامدى ەۋليەلەر مەن كٷنەھارلارعا بٶلەتٸن دٸننٸڭ دەۋٸرٸ ٶتتٸ. كٸمنٸڭ جۇماققا, كٸمنٸڭ توزاققا اتتانارىن شٸركەۋ شەشپەيدٸ.

قۇدايسىزداردى قارعاپ-سٸلەۋگە دە قاقىمىز جوق. مەن دە, مەنٸڭ سٶزٸم دە دوگما ەمەس بۇدان بىلاي...

شٸركەۋ ەندٸگٸ جەردە مۇنداي داۋدان اۋلاق جٷرۋٸ كەرەك. دٸننٸڭ ماقساتى جاقسىلىق جاساۋ, جارلى-جاقىبايعا كٶمەكتەسۋ. دٸننٸڭ دوكتريناسى - مەيٸرٸم..." دەيدٸ پاپا فرانتسيسك.

دەموكراتييالى باتىستا مٸنسٸز ادام جوق.

پاپانىڭ بويىندا دا مٸن كٶپ. جەر-جەردەگٸ كاتوليكتەردٸڭ بالا زورلاعانى جارييا بولعالى فرانتسيسكتٸڭ تٸرنەكتەپ جيناعان ابىرويى, شەلەكتەپ تٶگٸلۋدە..

دۋمان بىقايدىڭ facebook پاراقشاسىنان