2025 جىلعى 4 سەۋٸر كٷنٸ تەمٸربەك جٷرگەنوۆ اتىنداعى قازاق ۇلتتىق ٶنەر اكادەميياسىنىڭ “ٶنەرتانۋ” فاكۋلتەتٸ, “كينو تاريحى مەن تەوريياسى” كافەدراسىنىڭ ۇيىمداستىرۋىمەن قازاق ەدەبيەتٸ مەن دراماتۋرگيياسىنىڭ كلاسسيگٸ, قازاقستاننىڭ ەڭبەك ەرٸ, مەملەكەتتٸك سىيلىقتىڭ يەگەرٸ دۋلات يسابەكوۆتٸڭ ەسٸمٸ بەرٸلگەن شەبەرحانانىڭ سالتاناتتى اشىلۋ رەسٸمٸ ٶتتٸ, دەپ حابارلايدى Ult.kz.
بۇل ايتۋلى شارا – كٶرنەكتٸ قالامگەردٸڭ ۇلت رۋحانيياتىنا قوسقان ٶلشەۋسٸز ٷلەسٸن ۇلىقتاۋ, ونىڭ شىعارماشىلىق مۇراسىن جاس ۇرپاققا ناسيحاتتاۋ ماقساتىندا ۇيىمداستىرىلدى. اتالعان شەبەرحانا بولاشاق كينوتەلەدراماتۋرگتەردٸ دايارلايتىن شىعارماشىلىق الاڭعا اينالماق.
سالتاناتتى رەسٸمگە ەلٸمٸزدٸڭ بەلگٸلٸ مەدەنيەت جەنە ٶنەر قايراتكەرلەرٸ, زييالى قاۋىم ٶكٸلدەرٸ, جازۋشىنىڭ تۋىستارى مەن جاقىندارى, سونداي-اق دۋلات اعانىڭ شەكٸرتتەرٸ, اكادەمييانىڭ وقىتۋشىلارى مەن ستۋدەنتتەرٸ قاتىستى. شارا بارىسىندا اكادەمييا رەكتورى ارمان جۋدەباەۆ, پروفەسسور, ەدەبيەتتانۋشى عالىم قانسەيٸت ەبدەزۇلى, كٶرنەكتٸ جازۋشى سماعۇل ەلۋباي قازاقستاننىڭ حالىق ەرتٸسٸ, تەاتر جەنە كينو اكتەرٸ تۇڭعىشباي جامانقۇلوۆ جەنە جازۋشىنىڭ ۇلى ەستييار دۋلاتۇلى سٶز سٶيلەپ, دۋلات يسابەكوۆتٸڭ قازاق دراماتۋرگيياسىنداعى ورنى مەن شىعارماشىلىق مۇراسى جٶنٸندە جٷرەكجاردى ەستەلٸكتەر ايتتى.
اۋديتورييادا جازۋشىعا ارنالعان ارنايى تاقتا مەن شىعارماشىلىعىنا ارنالعان بۇرىش اشىلىپ, كٶرەرمەنگە ەسەرلٸ رۋحاني اتموسفەرا سىيلادى. شارا سوڭىندا ستۋدەنتتەر جازۋشى شىعارماشىلىعىنان ٷزٸندٸلەر وقىپ, قويىلىمدار كٶرسەتتٸ.
دۋلات يسابەكوۆ اتىنداعى بۇل شەبەرحانا – تەك بٸر اۋديتورييانىڭ اتاۋى ەمەس, ول – تالانتتى دراماتۋرگتٸڭ رۋحىنا تاعزىم, كەلەشەك ٶنەر يەلەرٸن شابىتتاندىراتىن كيەلٸ كەڭٸستٸك بولماق.
