بٷگٸن دۋبايداعى EXPO 2020 Dubai دٷنيەجٷزٸلٸك كٶرمەسٸندەگٸ قازاقستان رەسپۋبليكاسىنىڭ ۇلتتىق پاۆيلونى ميلليونىنشى كەلۋشٸنٸ قارسى الدى. بۇل تۋرالى قازاقپارات «QazExpoCongress» ۇك» اق-نىڭ باسپاسٶز قىزمەتٸنە سٸلتەمە جاساپ حابارلايدى.
قازاقستان پاۆيلونىنان كەلگەن 1 ميلليونىنشى قوناق دۋباي قالاسىنىڭ 38 جاستاعى تۇرعىنى, كەسٸپكەر ماحمۋد ەل بۋراي بولدى. وعان قازاقستانعا تەگٸن ساپارلاۋعا ەكٸ ادامعا ارنالعان سەرتيفيكات بەرٸلدٸ. ەۋە بيلەتتەرٸن Air Astana ۇسىنسا, تۋردى «Kazakh Tourism» ۇلتتىق كومپانيياسى ۇيىمداستىرىپ وتىر.
ماحمۋد ەل بۋرايدىڭ ايتۋىنشا, ول قازاقستاندا بۇرىن-سوڭدى بولماعان. سوندىقتان بٸزدٸڭ ەلگە كەلۋ مٷمكٸندٸگٸن جٸبەرٸپ الماۋعا تىرىساتىنىن جەتكٸزدٸ.
«دوستارىم ماعان قازاقستان پاۆيلونىنا بارۋعا كەڭەس بەردٸ. ولار ونىڭ EXPO-داعى ەڭ ٷزدٸك پاۆيلونداردىڭ بٸرٸ ەكەنٸن ايتتى. مەن قازاقستاندا ەشقاشان بولعان ەمەسپٸن, سودان بولار پاۆيلوننىڭ مازمۇنىنان ٷلكەن ەسەر الدىم. ماعان ەسٸرەسە روبوت قولمەن ۇسىنىلعان قويىلىم ۇنادى, ول ٶتە ەموتسيونالدى جەنە كەرەمەت. ال پاۆيلون الدىندا ٶنەر كٶرسەتكەن ۇلتتىق وركەستر تاماشا تۋىندىلاردى ورىنداۋىمەن تەنتٸ ەتتٸ. مەن ەلدەرٸڭٸزگە بارىپ, ساياحات جاسايتىنىما ٶتە قۋانىشتىمىن», - دەدٸ ەل بۋراي.
ميلليونىنشى قوناقتى قازاقستان رەسپۋبليكاسى پرەمەر-مينيسترٸنٸڭ ورىنباسارى - ساۋدا جەنە ينتەگراتسييا مينيسترٸ باقىت سۇلتانوۆ, قازاقستان رەسپۋبليكاسىنىڭ باە-دەگٸ تٶتەنشە جەنە ٶكٸلەتتٸ ەلشٸسٸ مادييار مەڭٸلبەكوۆ, EXPO 2020 Dubai كٶرمەسٸ تٶراعاسىنىڭ حالىقارالىق قاتىسۋشىلار جٶنٸندەگٸ ورىنباسارى ومار شەحادە, EXPO 2020 Dubai-داعى قازاقستان رەسپۋبليكاسىنىڭ ۇلتتىق سەكتسيياسىنىڭ باس كوميسسارى اللەن شەيجٷنٸسوۆ قۇتتىقتادى.
ەستەرٸڭٸزگە سالا كەتەيٸك, EXPO 2020 دٷنيەجٷزٸلٸك كٶرمەسٸ دۋبايدا 2021 جىلدىڭ 1 قازانى مەن 2022 جىلدىڭ 31 ناۋرىزى ارالىعىندا ٶتەدٸ جەنە ول تاياۋ شىعىستاعى العاشقى EXPO كٶرمەسٸ. كٶرمەنٸڭ تاقىرىبى – «اقىل-ويدى بٸرٸكتٸرٸپ, بولاشاقتى قۇرۋ». EXPO 2020 Dubai ۇيىمداستىرۋ كوميتەتٸنٸڭ مەلٸمەتٸ بويىنشا, 15 اقپانداعى ەسەپ بويىنشا كٶرمەنٸ 13,5 ملن ادام تاماشالاعان. ال ۇلتتىق پاۆيلونعا كٷنٸنە ورتا ەسەپپەن 8 مىڭ ادام كەلەدٸ.
اتالمىش كٶرمەدە قازاقستان پاۆيلونى «ەلەم بەينەسٸ» ارت-جوباسىمەن گيننەستٸڭ رەكوردتار كٸتابىنا ەنگەنٸن جازعان بولاتىنبىز.
«ەلەم بەينەسٸ» كارتيناسىنا پاۆيلونعا ەلەمنٸڭ تٷكپٸر-تٷكپٸرٸنەن كەلگەن ادامدار قىلقالام جەنە بوياۋلاردىڭ كٶمەگٸمەن ٶز قولتاڭباسىن قالدىرعان. كەنەپتٸڭ ٶلشەمٸ پلانەتامىزدىڭ كٸشٸرەيتٸلگەن فيزيكالىق پارامەترلەرٸنٸڭ ۇزىندىعى مەن ەنٸنە سەيكەس كەلەدٸ.
