4 قىركٷيەكتە قاراعاندى قالاسىنداعى تەرگەۋ يزولياتورىندا "درەۆنيي ريم" مەيرامحاناسىندا بيىل قاڭتاردىڭ 1-ٸنە قاراعان تٷنٸ بولعان تٶبەلەسكە بايلانىستى الدىن الا سوت تىڭداۋى ٶتتٸ. 23 جاستاعى جەرگٸلٸكتٸ تۇرعىن قازا تاپقان وقيعانىڭ سوڭى قاراعاندىدا ٸرٸ نارازىلىققا ۇلاسقان.
كٶشپەلٸ سوت تىڭداۋى ٶتكەن اك-159/1 مەكەمەسٸ الدىندا تاڭەرتەڭنەن بەرٸ كٶپ پوليتسييا قىزمەتكەرٸ جٷردٸ. 13 ايىپتالۋشىنىڭ بەرٸ "توپ بولىپ, بۇزاقىلىق جاسادى" دەپ ايىپتالىپ وتىر. يۋسيف ن. ەسٸمدٸ ايىپتالۋشىعا "بۇزاقىلىق" بابىمەن قاتار "ادام ٶلتٸرۋ" بابى بويىنشا دا ايىپ تاعىلعان.
12 ايىپتالۋشى قاماۋدا: ارمان جەنە حاچاتۋر و., اعايىندى يۋسيف جەنە ۆاسيف ن., داۆيد گ., ارمەن ح., كاير ن., بولات ج., سوحاك م., تيگران س., تورگوم م., جاسۋر پ. تاعى بٸر سوتتالۋشى يليا شش.-عا باس بوستاندىعىن شەكتەۋمەن بايلانىستى ەمەس بۇلتارتپاۋ شاراسى قولدانىلعان. ايىپتالۋشىلار - 19 بەن 46 جاس ارالىعىندا.
العاشقى سوت تىڭداۋى كەزٸندە ايىپتالۋشىلار مەن ولاردىڭ ادۆوكاتتارى ٸس ماتەريالدارىندا "زاڭبۇزۋشىلىقتار" بولعاندىقتان ٸستٸ پروكۋراتۋراعا قايتارۋ تۋرالى ٶتٸنٸش جاسادى. ولار سونىمەن بٸرگە قاماۋداعى ازاماتتاردى بوساتۋدى سۇرادى. جەبٸرلەنۋشٸلەر بۇل ٶتٸنٸشتٸ قولدامادى.
13 ايىپتالۋشىنىڭ بٸرٸ الدىن الا سوت تىڭداۋى كەزٸندە ٶزٸن ازاپتاعانىن ايتتى.
- مەنٸ ۇستاۋ كەزٸندە ۇرىپ-سوقتى جەنە مويىنداۋعا مەجبٷرلەدٸ. مەن مويىنداعان جوقپىن. بۇعان قوسا, تٸنتۋ كەزٸندە پەتەردەگٸ كٸر جۋعىش مەشٸنەگە پىشاق سالىپ جٸبەردٸ, - دەدٸ ايىپتالۋشى كاير ن.
سۋديا شەرٸپ سيسەمباەۆ ٶتٸنٸشكە بايلانىستى شەشٸم شىعارۋ ٷشٸن 6 قىركٷيەككە دەيٸن ٷزٸلٸس جارييالايتىنىن ايتىپ, شىعىپ كەتتٸ. سۋديا ازاپتاۋ بويىنشا جەكە شەشٸم قابىلداناتىنىن جەتكٸزدٸ.
بيىل 1 قاڭتارعا قاراعان تٷنٸ قاراعاندى قالاسىنداعى "درەۆنيي ريم" مەيرامحاناسى الدىندا ەكٸ توپ اراسىنداعى تٶبەلەس كەزٸندە 23 جاستاعى راقىمجان جانسەيٸت پىشاقتالىپ, مەرت بولعان. ٷش ادام اۋرۋحاناعا تٷسكەن.
پوليتسييا بولجامى بويىنشا, مەيماندارعا مەيرامحانانىڭ جابىلاتىنى تۋرالى ايتىلعان ەسكەرتۋدەن كەيٸن بٸر-بٸرٸمەن سٶزگە كەلٸسٸپ قالعاندار كەيٸن ەسٸك الدىنا شىعىپ تٶبەلەسكەن. قانتٶگٸسپەن اياقتالعان بۇل وقيعا قالادا رەزونانس تۋعىزىپ, قازاقستاننان تىس جەردە دە وعان رەاكتسييا تانىتقان. وعان تٶبەلەسكە ارميان دياسپوراسى ٶكٸلدەرٸنٸڭ قاتىسقانى جايلى مەسسەندجەرلەر مەن ەلەۋمەتتٸك جەلٸلەردە تاراعان اقپارات سەبەپ بولعان. قازاقستان مەن ارمەنييا بيلٸكتەرٸ بۇل وقيعانى تۇرمىستىق جانجال دەپ اتاپ, "وعان ۇلتارالىق سيپات بەرۋگە تىرىسۋدان باس تارتۋعا" شاقىرعان.
راقىمجان جانسەيٸت جەرلەنگەننەن كەيٸن قوعام ٶكٸلدەرٸ ونىڭ قازاسىنا بايلانىستى تەرگەۋ جايلى اقپارات بەرۋدٸ تالاپ ەتتٸ. 6 قاڭتاردا قاراعاندى قالاسىنىڭ ورتالىعىنا جٷزدەگەن ادام جينالىپ, "ٸستٸ ەدٸل تەرگەۋدٸ" تالاپ ەتتٸ. نارازىلارمەن كەزدەسكەن وبلىس ەكٸمٸ ەرلان قوشانوۆ ٸستٸڭ سوڭىنا دەيٸن تەكسەرٸلەتٸنٸن ايتىپ, "ەكٸم رەتٸندە, پرەزيدەنتتٸڭ ٶكٸلٸ رەتٸندە دە" ۋەدە بەردٸ. ەكٸم "كٷدٸكتٸلەردٸڭ بٸرٸ 1 قاڭتار كەشكٸسٸن رەسەيگە كەتٸپ قالعان" دەپ حابارلادى. 7 قاڭتاردا ينتەرنەتتە جارييالانعان ۆيدەوٷندەۋدە قىلمىسقا كٷدٸكتٸ رەتٸندە ٸزدەۋ جارييالانعان ادام مەيرامحانا الدىنداعى تٶبەلەسكە قاتىسقانىن, بٸراق "ەشكٸمدٸ ٶلتٸرمەگەنٸن" مەلٸمدەگەن. ول بيلٸككە بەرٸلۋگە دايىن ەكەنٸن ايتىپ, ەدٸل تەرگەۋ جٷرگٸزۋدٸ سۇرادى. وعان جاۋابىندا قازاقستان ٸشكٸ ٸستەر مينيسترلٸگٸ "وبەكتيۆتٸ تەرگەۋ جٷرگٸزۋگە" ۋەدە بەرٸپ, كٷدٸكتٸگە ٶز ەركٸمەن بەرٸلۋ تۋرالى ۇسىنىس جاسادى. كەيٸن ٸشكٸ ٸستەر مينيسترلٸگٸ ول ادامنىڭ رەسەيدە ۇستالعانىن حابارلاعان ەدٸ. جەبٸرلەنۋشٸ تاراپتىڭ ادۆوكاتى ازاتتىققا "كٷدٸكتٸنٸ ەكستراديتسييالاۋ مەسەلەسٸ قاراستىرىلىپ جاتقانىن" حابارلاعان بولاتىن.
