بانك سەكتورىنىڭ جيىنتىق اكتيۆتەرٸ 2021 جىلى 37,6 ترلن تەڭگە بولدى. بۇل تۋرالى قر ۇلتتىق بانك تٶراعاسى ەربولات داساەۆ ايتتى, دەپ حابارلايدى قازاقپارات.
«قارجى جٷيەسٸنٸڭ تۇراقتىلىعى, بٸرٸنشٸ كەزەكتە, بانك سەكتورىنىڭ ورنىقتىلىعىمەن ايقىندالادى. 2020 جىلدان باستاپ قارجى نارىعىن رەتتەۋ جەنە دامىتۋ اگەنتتٸگٸ (قنردا) ۇلتتىق بانكپەن بٸرلەسٸپ قارجى سەكتورىن قالپىنا كەلتٸرۋ, اكتيۆتەر ساپاسىن باعالاۋ (AQR) جەنە بيزنەس-پروتسەستەر مەن تەۋەكەل مەنەدجمەنتٸن جاقسارتۋ جٶنٸندەگٸ تٷزەتۋ ٸس-شارالارى بويىنشا جۇمىس جٷرگٸزدٸ. ۋاقتىلى قابىلدانعان بٸرلەسكەن شارالارعا بايلانىستى قالىپتاسقان ورنىقتىلىق بۋفەرٸ بٷگٸنگٸ كٷنٸ كليەنتتەر قاراجاتىنىڭ ساقتالۋىن قامتاماسىز ەتە وتىرىپ, حالىققا جەنە بيزنەسكە قىزمەت كٶرسەتۋ ٷشٸن ەكٸنشٸ دەڭگەيدەگٸ بانكتەردٸڭ وپەراتسييالىق قىزمەتٸن ٷزدٸكسٸز جٷزەگە اسىرۋعا مٷمكٸندٸك بەرەدٸ», دەدٸ ول مەملەكەت باسشىسىنىڭ بيزنەس ٶكٸلدەرٸمەن كەزدەسۋٸندە.
دوساەۆتىڭ دەرەگٸنشە, بانك سەكتورىنىڭ جيىنتىق اكتيۆتەرٸ 2021 جىلى 6,5 ترلن تەڭگەگە ٶسٸپ, 37,6 ترلن تەڭگە بولدى. بانكتەردٸڭ مەنشٸكتٸ كاپيتالى 2021 جىلدىڭ سوڭىندا 4,5 ترلن تەڭگەگە جەتتٸ. ەكٸنشٸ دەڭگەيدەگٸ بانكتەردە بٸرٸنشٸ دەڭگەيدەگٸ مەنشٸكتٸ كاپيتالدىڭ جەتكٸلٸكتٸلٸك كوەففيتسيەنتٸ 19,3 پايىز بولدى. بۇل ەڭ تٶمەنگٸ رەتتەۋشٸلٸك تالاپتاردان 3 ەسە ارتىق.
«ٶتٸمدٸ اكتيۆتەر 1,5 ترلن تەڭگەگە ٶسٸپ, 16,2 ترلن تەڭگە بولدى, بۇل بانك سەكتورىنىڭ جيىنتىق اكتيۆتەرٸنٸڭ 43 پايىزىن قۇرايدى. ٶتٸمدٸلٸك كٶلەمٸ قاجەتتٸ دەڭگەيدەن 4 ەسە اسادى», دەدٸ ۇلتتىق بانك تٶراعاسى.
