دوپتى حوككەيدەن جوعارى ليگا كوماندالارى اراسىندا بٷكٸلرەسەيلٸك جارىستا ورالدىڭ «اقجايىعى» پەرۆوۋرالسكٸدە جەرگٸلٸكتٸ «سكا-سۆەردلوۆسك» كومانداسىمەن ەكٸنشٸ ويىنىن ٶتكٸزدٸ, دەپ حابارلايدى قازاقپارات.
ماتچتى قارقىندى باستاعان ورالدىقتار ساپىنان رەسەيلٸك سۇرمەرگەن ماكسيم پاحوموۆ قاتارىنان ەكٸ مەرتە مەرگەندٸك تانىتتى. سودان كەيٸن كوماندا كاپيتانى ماكسيم ٶتەباليەۆ بيىلعى ماۋسىمداعى العاشقى گولىن سوقتى. سوسىن م.پاحوموۆ تاعى ەكٸ دوپتى ايدىن يەلەرٸنٸڭ قاقپاسىندا تۋلاتىپ, ەسەپتٸ 5:0-گە جەتكٸزدٸ. «سكا-سۆەردلوۆسك» كومانداسىنان الەكسەي بوريسوۆ 12 مەترلٸك ايىپ دوبىن دەل ورىندادى – 1:5.
ەكٸنشٸ تايم باستالعاننان كەيٸن كٶپ ۇزاماي دميتريي چەرنوۆ پەن ا.بوريسوۆ «اقجايىق» قاقپاسىن دەل كٶزدەدٸ – 3:5. دەگەنمەن نۇربول بٶكەشوۆتٸڭ پاسىنان كەيٸن رەسەيلٸك لەگيونەر سەرگەي باشاەۆ ەسەپتٸ ۇلعايتتى – 6:3. ورال دوپتى حوككەيٸنٸڭ تٷلەگٸ پاۆەل چەباكوۆ تا ٶز مٷمكٸندٸگٸن مٷلت جٸبەرگەن جوق – 7:3. م.ٶتەباليەۆتٸڭ پاسىنان كەيٸن م.پاحوموۆ وسى بەسەكەدەگٸ بەسٸنشٸ گولىن سوقتى – 8:3. بۇدان سوڭ ماكسيم ٶتەباليەۆ اتتاسىنىڭ پاسىن سەتتٸ پايدالاندى – 9:3. «سكا-سۆەردلوۆسك» ساپىنان ۆيتاليي برىزگين قاتارىنان ەكٸ گولدىڭ اۆتورى اتاندى – 5:9. م.ٶتەباليەۆ وسى ويىنداعى ٷشٸنشٸ, تٶرتٸنشٸ جەنە بەسٸنشٸ گولىن سوقتى. قورىتىندى ەسەپ – 12:5.
وسىلايشا تٶرت ماتچتان كەيٸن 9 ۇپاي جيناعان «اقجايىق» ٷشٸنشٸ توپتا كٶش باسىنا كٶتەرٸلدٸ. ەر توپتان الدىڭعى ٷش ورىنعا يە بولعان كوماندالار فينالدىق سايىستارعا جولداما الادى.
نيكولاي شاۆالديننٸڭ شەكٸرتتەرٸ كەلەسٸ كەزدەسۋلەرٸن 10-11 جەلتوقساندا ۆەرحنيي ۋفالەيدە جەرگٸلٸكتٸ «نيكەلششيكپەن» ٶتكٸزەدٸ.
