2014 جىلى 17 شٸلدەدە دونباسس اسپانىندا جارىلعان مالايزييانىڭ "بوينگ" ۇشاعىنا بايلانىستى سوت پروتسەسٸندە پروكۋرور ايىپتاۋ قورىتىندىسىن جارييالادى. بۇل ٸس بويىنشا سوت 9 ناۋرىزدا نيدەرلاندىدا باستالعان.
ۇشاق اپاتىن زەرتتەگەن حالىقارالىق تەرگەۋ توبى "ۇشاقتى رەسەي ەسكەري بٶلٸمٸنەن ۋكراينانىڭ شىعىسىنا كٸرگەن «بۋك» زىمىرانىمەن اتىپ قۇلاتقان" دەگەن قورىتىندىعا كەلگەن ەدٸ. وسىعان بايلانىستى رەسەيدٸڭ ٷش ازاماتى - يگور گيركين (سترەلكوۆ), سەرگەي دۋبينسكيي, ولەگ پۋلاتوۆقا جەنە ۋكراينانىڭ بٸر ازاماتى - لەونيد حارچەنكوعا ايىپ تاعىلعان. ولاردىڭ بارلىعىنىڭ دا "رەسەيدٸڭ قولداۋىمەن ۋكراينا ارميياسىنا قارسى ۇرىس جٷرگٸزگەن دونباستاعى سەپاراتيستەرمەن بايلانىسى بار" دەگەن قورىتىندى جاسالعان. ۇشاق اپاتقا ۇشىراعان سەتتە سترەلكوۆ سەپاراتيستەر كٷشتەرٸنٸڭ باسشىسى بولعان, وعان باعىنىشتى دۋبينسكيي بارلاۋدى باسقارعان. ال پۋلاتوۆ پەن حارچەنكو "بۋكتى" دونباسقا ەكەلگەندەر قاتارىندا اتالعان.
تاعىلعان ايىپتى مويىنداماعان ايىپتالۋشىلار سوتقا كەلمەدٸ. تەك ولەگ پۋلاتوۆتىڭ ەكٸ ادۆوكاتى ٸسكە قاتىسىپ وتىر.
مالايزييانىڭ اپاتقا ۇشىراعان "بوينگ" ۇشاعىنداعى 298 ادام قازا بولعان. ولاردىڭ دەنٸ نيدەرلاندى ازاماتتارى. نيدەرلاندى مەن اۆسترالييا رەسەيدٸ كٸنەسٸن مويىنداۋدى تالاپ ەتكەن, بٸراق مەسكەۋ ونى تەرٸسكە شىعارعان. سۋديانىڭ سٶزٸنشە, سوت ٸسٸ 2021 جىلعا دەيٸن سوزىلۋى مٷمكٸن.
