وسىدان تٶرت كٷن بۇرىن كوروناۆيرۋس جۇقتىرعان اقش پرەزيدەنتٸ دونالد ترامپ اۋرۋحانادان شىعىپ, ەم الۋدى اق ٷيدە جالعاستىرادى, دەپ حابارلايدى ۆۆس اگەنتتٸگٸ.
ترامپتى ەمدەپ جاتقان ونىڭ دەرٸگەرلەرٸ ەل پرەزيدەنتٸنٸڭ جاعدايى جاقسى ەكەنٸن Twitter-دە جازعان بولاتىن. دەرٸگەرلەردٸڭ ايتۋىنشا, 72 ساعات ٸشٸندە ترامپتىڭ دەنە قىزۋى قاتتى كٶتەرٸلمەگەن.
پرەزيدەنتتٸڭ جانىنداعى قانشا ادامنىڭ كوروناۆيرۋس جۇقتىرعانى ەزٸرگە بەلگٸسٸز.
«كوۆيدتەن قورقۋدىڭ قاجەتٸ جوق. كوروناۆيرۋستىڭ ٶمٸرٸڭٸزدە ٷستەمدٸك ەتۋٸنە جول بەرمەڭٸز. بٸز كەرەمەت دەرٸ-دەرمەكتەر ويلاپ تاپتىق. مەنٸڭ جاعدايىم 20 جىل بۇرىنعىدان دا جاقسى!» - دەپ جازدى ترامپ Twitter-دە.
ەسكە سالا كەتەيٸك, ٶتكەن اپتادا اقش پرەزيدەنتٸ دونالد ترامپ پەن ونىڭ زايىبى كوروناۆيرۋس جۇقتىرعان بولاتىن.
كەيٸننەن دونالد ترامپ تٸكۇشاقپەن ەسكەري گوسپيتالعا جەتكٸزٸلگەن ەدٸ.
