فوتو: Gage Skidmore (Wikimedia Commons)
ترامپ ٶز جاقتاستارىنا ٷندەۋ جاساپ, اقش پرەزيدەنتتٸك سايلاۋىندا جەڭٸسكە جەتكەنٸن مەلٸمدەدٸ. رەسپۋبليكالىق پارتييانىڭ كانديداتى سوڭعى ەسەپتەر بويىنشا 267 سايلاۋشى داۋىسىن جيناپ, رەسمي جەڭٸس ٷشٸن نەبەرٸ ٷش داۋىسقا جەتپەي تۇر.
NBC News اقپاراتىنشا, دونالد ترامپ بارلىق شتاتتاعى داۋىستاردىڭ تولىق سانالۋىن كٷتپەستەن, پەنسيلۆانييا سيياقتى بٸرنەشە نەگٸزگٸ شتاتتارداعى جەڭٸستەرٸنەن كەيٸن جاقتاستارىنا سٶز سٶيلەدٸ. ول ٶزٸنٸڭ پرەزيدەنتتٸككە سايلانۋى «ەلدٸ ەمدەۋگە كٶمەكتەسەتٸنٸن» ايتتى.
«مەنٸ ٶزدەرٸڭٸزدٸڭ 47-شٸ جەنە 45-شٸ پرەزيدەنتتەرٸڭٸز ەتٸپ سايلاعاندارىڭىز ٷشٸن امەريكا حالقىنا زور العىسىمدى بٸلدٸرەمٸن», — دەدٸ ترامپ ٶز الدىڭعى مەرزٸمٸن ەسكە سالا وتىرىپ.
ترامپ رەسمي سايلانعاننان كەيٸن ۆيتسە-پرەزيدەنت بولاتىن دجەك ۆەنس بٸرٸنشٸ بولىپ ونى جەڭٸسٸمەن قۇتتىقتادى:
«بٸز امەريكا قۇراما شتاتتارى تاريحىنداعى ەڭ ۇلى ساياسي ورالۋدىڭ كۋەسٸ بولدىق دەپ ويلايمىن», — دەدٸ ۆەنس.
The Associated Press اگەنتتٸگٸنٸڭ حابارلاۋىنشا, بٸرنەشە ەلەمدٸك كٶشباسشىلار ترامپتى رەسمي جەڭٸس راستالماسا دا, قۇتتىقتاپ ٷلگەردٸ.
يزرايل پرەمەر-مينيسترٸ بينيامين نەتانياحۋ ەلەۋمەتتٸك جەلٸدەگٸ جازباسىندا ترامپتىڭ اق ٷيگە تاريحي ورالۋى امەريكانىڭ جاڭا كەزەڭٸنە باستاۋ بولىپ, يزرايل مەن امەريكانىڭ وداعىن نىعايتاتىنىن ايتتى.
ۋكراينا پرەزيدەنتٸ ۆلاديمير زەلەنسكيي دە ترامپتى العاشقىلاردىڭ بٸرٸ بولىپ قۇتتىقتاپ, بىلاي دەپ جازدى:
«پرەزيدەنت ترامپتىڭ جاھاندىق ٸستەردە «كٷش ارقىلى بەيبٸتشٸلٸك» پرينتسيپٸنە بەرٸلگەندٸگٸن جوعارى باعالايمىن. بۇل ەدٸل بەيبٸتشٸلٸككە جاقىنداۋدىڭ ناقتى جولى. بۇل پرينتسيپتٸ بٸرگە جٷزەگە اسىرامىز دەپ ٷمٸتتەنەمٸن».
فرانتسييا پرەزيدەنتٸ ەممانيۋەل ماكرون ٶز قۇتتىقتاۋىندا ترامپپەن الداعى تٶرت جىلدا بەيبٸتشٸلٸك پەن ٶركەندەۋ جولىندا ىنتىماقتاسا جۇمىس ٸستەۋگە دايىن ەكەنٸن اتاپ ٶتتٸ.
ناتو باس حاتشىسى مارك ريۋتتە دە رەسپۋبليكالىقتاردى قۇتتىقتاپ, ترامپپەن بٸرلەسكەن قۇرىلىمدى جۇمىس كٷتٸپ وتىرعانىن ايتتى.
دونالد ترامپتىڭ جەڭٸسٸ رەسمي تٷردە ەلٸ راستالماسا دا, اقش سايلاۋىنىڭ نەتيجەسٸ ٸس جٷزٸندە شەشٸلگەن. دەموكراتييالىق پارتييا ٶكٸلٸ كامالا حارريستٸڭ جەڭٸس ٷشٸن قاجەت 270 داۋىس جيناۋعا مٷمكٸندٸگٸ قالمادى (The Associated Press مەلٸمەتٸنشە, حارريستٸڭ ەسەبٸندە 224 داۋىس بار).
.jpg)