بٷگٸن - ۇلتتىق دومبىرا كٷنٸ! ەلباسى نۇرسۇلتان نازارباەۆتىڭ جارلىعىمەن شٸلدە ايىنىڭ العاشقى جەكسەنبٸسٸ ۇلتتىق دومبىرا كٷنٸ بولىپ بەكٸتٸلدٸ. 

اتالمىش مەرەكەگە وراي دومبىرا تۋرالى ٶلەڭدەر توپتاماسىن وقىرمان نازارىنا ۇسىنۋدى جٶن كٶردٸك.

دومبىراعا قول سوقپا

دومبىراعا قول سوقپا,
شىمىرلاتىپ بٸر-بٸرلەپ.
جٷرەگٸم, سوقپا, كەل توقتا,
جاس كەلەر كٶزگە جٷر-جٷرلەپ.

قايعىلى كٶڭٸلٸم قايداعى
بۇرىنعىمدى جاڭعىرتار.
قايراتتى الىپ بويداعى,
باسىمدى قايعى قاڭعىرتار.

ونان دا جىلى جٷزٸڭمەن
كەل, جارىم, قارا بەتٸمە.
جىلى, تەتتٸ جاۋاپ ايت
ٸشتەگٸ قايعى دەرتٸمە.

ٸشتەگٸ ەسكٸ جالىندى
سٶندٸر جاڭا قىلىقپەن.
سٶيلەسشٸ جاقسى, جاعىمدى
مەندەي كٶڭٸلٸ سىنىقپەن.

سىنىق كٶڭٸلٸم كٶپ كەشەر,
مايدا قولمەن ۇستاساڭ.
كٶڭٸلگە تٷرلٸ وي تٷسەر,
ەر تەرەڭگە نۇسقاساڭ.

كٷيلٸ, كٷيسٸز بەيگەگە
قاجىدى كٶڭٸلٸم كٶپ شاۋىپ.
كٶپ قيناماي ەرنەگە,
ەندٸ سەمٸرت, جەم تاۋىپ.

اباي

دومبىرا

1 ٶلەڭ 

دومبىرا, مۇنشا شەشەن بولدىڭ نەگە, 
كٷي تولعان كٶكٸرەگٸڭ شەجٸرە مە? 
سىر قوزعاپ عاسىرلاردان جٶنەلەسٸڭ, 
ساۋساعىم تيٸپ كەتسە ٸشەگٸڭە. 

اققۋدىڭ ەۋەنٸندەي ٷنٸڭ بار –اۋ, 
سارارقا سامالىنداي ەسكەن باياۋ. 
بٶبەكتەي بەسٸگٸندە ماۋجىراعان 
تىڭدايمىن مەن وتىرىپ ۇيقىلى –وياۋ. 

2 ٶلەڭ 

سالقىن كەش اشىپ تاستاپ تەرەزەنٸ, 
قولعا الساڭ قوڭىر سازدى دومبىرانى. 
قىرانداي قالىقتاتىپ قييال سەنٸ, 
اسقار وي شىڭىنا بٸر قوندىرادى. 

جارق ەتٸپ اشىلدى جۇمباق جاھان, 
ەلەمٸ اقىندار مەن كٷيشٸلەردٸڭ. 
ٷن- تٸلسٸز وتىراسىڭ بولىپ اڭ-تاڭ, 
قۇپييا سىرىن اڭداپ كٶك پەن جەردٸڭ. 

قوڭىر ساز دومبىرادان ەسكە باياۋ 
تەربەتٸپ, كٶتەرەدٸ سەنٸ اقىرىن. 
ويانىپ, كٶكٸرەگٸڭە كەلەد تاياۋ 
بەلگٸسٸز ەلدە قايدا جاتقان جىرىڭ. 

سول مەزەت جايىپ تاستاپ جانىڭدى العا, 
كەلەر جىر جولىن توسىپ وتىرا قال. 
تٸزٸلٸپ كٶز الدىڭدا جىر تۋعاندا, 
قۇلشىنىپ تاعى قايتا دومبىرانى ال.

قاسىم امانجولوۆ

دومبىرا

تارت كٷيٸڭدٸ, دومبىرا! 
تٶگٸل, تٶگٸل تەتگٸ كٷي,
تاۋ سۋىنداي سىلدىرا,
جەلپٸن, جەلپٸن جەل سوقتىر!
تاۋدا تۇمان تۇرماسىن, 
كٶكتە بۇلت ىدىرا!
تىڭداماعان قويماسىن,
ويدى-قىردى قىدىرا,
قۇلشىنا تارت, دومبىرا! 
ەكٸ جەلٸ, ٷش قازىق,
توعىز نوقتا دومبىرا,
ويناتايىن ون ساۋساق,
قۇلىندايىن قۇلدىرا.
بوزدا-بوزدا بوتا كٷي,
قاشاعاندى قۋدىرا,
قۇلشىنا تارت, دومبىرا! 
ەڭبەك ەلدٸڭ كٷيشٸسٸ-اۋ,
قۇلاعىمدى قيقۋلات,
كٶڭٸلٸمدٸ قاندىرا,
تەتگٸ-تەتتٸ كٷيگە تارت 
كٶرگەنٸڭدٸ كٷي قىلا,
قۇلشىنا تارت, دومبىرا!
ەڭبەك ەلدٸڭ جىرشىسى-اۋ,
جانىمدى بٸر جادىرات,
كٶكەيٸمە قوندىرا,
تەتتٸ-تەتتٸ ەڭگٸمە ايت
جاڭا ٶمٸردٸ جىر قىلا, 
شەجٸرە, شەشەن سۇڭعىلا,-
قۇلشىنا تارت, دومبىرا!

ٸليياس جانسٷگٸروۆ

تاعى دا دومبىرا