الماتىدا وليمپيادا چەمپيونى دميتريي بالاندين كٶلٸگٸنٸڭ ايناسىن ۇرلاعان ايدوس ۋەليەۆتٸڭ باس بوستاندىعى 4 جىلعا شەكتەلدٸ, دەپ حابارلايدى قازاقپارات.
№2 المالى اۋداندىق سوتىنىڭ سۋدياسى كەمشات سەۋٸروۆا ايدوس ۋەليەۆتٸ قر قك 188-بابى بويىنشا ايىپتى دەپ تاۋىپ, 4 جىلعا باس بوستاندىعىن شەكتەۋ تۋرالى ٷكٸم شىعاردى.
«سوتتالۋشى ايدوس ۋەليەۆتٸڭ ايىبى تولىق دەلەلدەندٸ دەپ سانايمىن. الايدا ونىڭ بۇرىن سوتتالماعانىن, قارتايعان اتا-اناسىنىڭ بار ەكەنٸن, ٸس بويىنشا شىعىننىڭ جوقتىعى ەسكەرٸلدٸ. سول سەبەپتٸ سوتتالۋشىنىڭ 4 جىلعا باس بوستاندىعى شەكتەلسٸن. سوتتالۋشى سوت زالىنان بوساتىلسىن. پروباتسييالىق باقىلاۋ ورناتىلسىن», - دەدٸ ٷكٸمدٸ وقىعان سۋديا.
جەبٸرلەنۋشٸلەر بەلگٸلٸ وليمپيادا چەمپيونى دميتريي بالاندين مەن الماتى تۇرعىنى راۋانبەك قۋانوۆ. سوتتالۋشى ەكەۋٸنٸڭ كٶلٸگٸنەن اينالارىن ۇرلاپ كەتكەن.
الدىڭعى سوت وتىرىسىندا سوتتالۋشى جەبٸرلەنۋشٸلەرگە كەلتٸرٸلگەن ماتەريالدىق شىعىندى تولىعىمەن ٶتەگەن بولاتىن.
بۇعان دەيٸن پروكۋرور ونى 3 جىلعا باس بوستاندىعىنان ايىرۋدى سۇراعان بولاتىن.
ەسكە سالا كەتەيٸك, وقيعا 1 سەۋٸردە بولعان. قۇرمانعازى مەن بايسەيٸتوۆا كٶشەلەرٸنٸڭ قيىلىسىندا وليمپيادا چەمپيونى دميتريي بالانديننٸڭ Toyota Land Cruiser كٶلٸگٸنٸڭ ايناسىن بٸرەۋلەر ۇرلاپ كەتكەن بولاتىن.
وسىدان بٸر جىل بۇرىن سول جەردە دەنيس تەننٸڭ كٶلٸگٸنٸڭ ايناسىن ۇرلاعاندار سپورتشىنى پىشاقتاپ كەتتٸ, ول كەيٸن اۋرۋحانادا كٶز جۇمدى.
