«بولاشاق» كورپوراتيۆتٸك قورى «ٶزٸڭنەن باستا» جوباسى اياسىندا قازاق تٸلٸنە دۋبلياجدالعان Disney كومپانيياسىنىڭ 5 جاڭا فيلمٸنٸڭ تۇساۋكەسەرٸن ٶتكٸزدٸ, دەپ حابارلايدى قازاقپارات تٸلشٸسٸ.
ايتا كەتەرلٸگٸ, 2011 جىلدان بەرٸ «بولاشاق» كق مەن مەلومان كومپانيياسى 27 گولليۆۋدتىق كينوكارتينانىڭ قازاق تٸلٸندەگٸ دۋبلياجىن جاساپ شىعارعان. قور ديرەكتورى دينارا شايجٷنٸسوۆانىڭ ايتۋىنشا, وسى جىلى كٸشكەنتاي كٶرەرمەندەر نازارىنا قازاق تٸلٸنە اۋدارىلعان 5 فيلمنٸڭ تۇساۋكەسەرٸ دايىندالۋدا. اتاپ ايتقاندا, 28 ناۋرىزدا - «دامبو», 12 مامىردا - «الاددين», 20 ماۋسىمدا - «ويىنشىقتار حيكاياسى 4», 19 شٸلدەدە - «ارىستان پاتشا» جەنە 28 قاراشادا - «مۇزدى ٶلكە 2» تۋىندىلارى كٶرەرمەنگە جول تارتادى.
«بٸز ەلەمدٸك ستۋدييانىڭ وتباسىمەن كٶرۋگە ارنالعان قازاق تٸلٸندەگٸ ساپالى كونتەنتٸن قولجەتٸمدٸ ەتكٸمٸز كەلەدٸ. وسى ماقساتتا وتاندىق ەرتٸستەرمەن بەلسەندٸ قارىم-قاتىناس ورناتىپ, العاشقى كاستينگتەرگە 10-نان استام تانىمال اكتەر سىناقتان ٶتۋگە شاقىرتىلدى. باستى رٶلدەردٸ سومدايتىن اكتەرلەردٸ ديسنەي كومپانيياسى بەكٸتەتٸندٸكتەن, بٸزدٸڭ وتاندىق اكتەرلەر ٷشٸن اتالعان جوباعا قاتىسۋ كەسٸبي ٶسۋدٸڭ نىشانى بولىپ وتىر. وسى ورايدا الداعى كاستينگتەردە دە قازاقستاننىڭ تانىمال تۇلعالارى جوباعا قولداۋ كٶرسەتٸپ, بٸرلەسكەن جۇمىستىڭ ارقاسىندا كينوتەاتر زالدارى قازاقستاندىق وتباسىلارعا تولى بولادى دەپ سەنەمٸز», - دەدٸ «بولاشاق» كق ديرەكتورى دينارا شايجٷنٸسوۆا وكق-دا ٶتكەن باسپاسٶز مەسليحاتىندا.
ال Disney فيلمٸندەگٸ باستى كەيٸپكەردٸ دۋبلياجداۋشى اكتەر دەۋرەن سەرعازيننٸڭ ايتۋىنا قاراعاندا, ەلەمگە تارالعان تۋىندىلاردى قازاق تٸلٸنە اۋدارۋ جۇمىسىنا قازاق تەاترى مەن كينەماتوگرافيياسىنىڭ بارشا اكتەر قاۋىمى قىزىعۋشىلىق تانىتىپ وتىر.
جوبانى ۇيىمداستىرۋشىلار قازاق تٸلٸندە دۋبلياجدالعان تۋىندىلاردى حالىققا كەڭٸنەن تانىتۋ ماقساتىندا ivi.ru ونلاين-كينوتەاترىمەن بٸرلەسٸپ, اۋقىمدى قايىرىمدىلىق كينوفەستيۆالٸن ٶتكٸزۋدٸ جوسپارلاپ وتىر. جاز مەزگٸلٸنٸڭ باسىندا قور دۋبلياجداعان فيلمدەر بٸرنەشە كٷن الماتى تۇرعىندارى ٷشٸن اشىق اسپان استىندا كٶرسەتٸلەتٸن بولادى.
بەلگٸلٸ بولعانداي, 2019 جىلدىڭ كٶكتەمٸ رەجيسسەر تيم بەرتون فانتاستيكا ستيلٸندە تٷسٸرگەن «دامبو» وتباسىلىق كينوفيلمٸنەن باستالادى. 1941 جىلعى تانىمال مۋلتفيلمنٸڭ رەمەيكٸ ٷلكەن قۇلاعى بار كٸشكەنتاي پٸلدٸڭ جانۋارلاردىڭ قورلىعى مەن مازاعىنان شارشاپ, ۇشۋدى ٷيرەنگەن وقيعاسىن باياندايدى. فيلم 2019 جىلدىڭ 28 ناۋرىزىندا دۋبلياج دەمەۋشٸسٸ - BI Group قولداۋىمەن ٶتەدٸ.
