«ديپلوممەن اۋىلعا» باعدارلاماسىنا مەملەكەتتٸك قىزمەتشٸلەر قوسىلادى. بۇل جايىندا قر پرەمەر-مينيسترٸ اسقار ماميننٸڭ مەجٸلٸس دەپۋتاتىنىڭ ساۋالىنا بەرگەن جاۋابىندا ايتىلعان, دەپ حابارلايدى "ۇلت اقپارات".
اتاپ ٶتٸلگەندەي, قر تۇڭعىش پرەزيدەنتٸ نۇرسۇلتان نازارباەۆ 2007 جىلدىڭ 5 ناۋرىزىندا ٶتكەن اگروٶنەركەسٸپ كەشەنٸ مەسەلەرٸ جٶنٸندەگٸ رەسپۋبليكالىق كەڭەستە اۋىلعا ورالعان مامانداردى ەلەۋمەتتٸك قولداۋ شارالارىن ۇسىنۋ ارقىلى ىنتالاندىرۋدى تاپسىردى. «ديپلوممەن اۋىلعا» باعدارلاماسى ناقتى اۋىلدىق ەلدٸ مەكەنگە جۇمىس ٸستەۋگە جەنە تۇرۋعا كەلگەن مامانداردى قولداۋعا باعىتتالعان.
«اتالعان تاپسىرماعا اۋىلدىق جەرلەردە ەلەۋمەتتٸك سالالارداعى بٸلٸكتٸ مامانداردىڭ كادر تاپشىلىعى, سوعان وراي بٸلٸم بەرۋ, مەديتسينالىق جەنە باسقا دا ەلەۋمەتتٸك قىزمەتتەردٸڭ ساپاسىنا قاناعاتتانباۋشىلىق, قالا مەن اۋىل اراسىنداعى ورىن الىپ وتىرعان ٷيلەسٸمسٸزدٸك نەگٸز بولدى», - دەدٸ پرەمەر-مينيستر.
اسقار ماميننٸڭ ايتۋىنشا, جوبا اياسىندا ۇسىنىلاتىن ەلەۋمەتتٸك قولداۋ شارالارى «اگروٶنەركەسٸپ كەشەنٸن جەنە اۋىلدىق اۋماقتاردى دامىتۋدى مەملەكەتتٸك رەتتەۋ تۋرالى» قر زاڭىنىڭ 18-بابى 8-تارماعىمەن رەگلامەنتتەلگەن. اتالعان باپ تەك اۋىلدىق اۋماقتاردى دامىتۋعا باعىتتالعان جەنە قالالىق ەلدٸ مەكەندەرگە قولدانىلمايدى.
«بۇعان قوسا, اۋداندىق ماڭىزى بار قالاعا كەلگەن ماماندار ٷشٸن جوبا اياسىندا ەلەۋمەتتٸك قولداۋ شارالارىن ۇسىنۋ اۋىلدىق جەرلەردەن مامانداردىڭ كەتۋٸنە جەنە كادر تاپشىلىعىن ودان ارى ۇلعايۋىنا, سونداي-اق بيۋدجەت شىعىستارىنىڭ ارتۋىنا تٷرتكٸ بولادى. دەگەنمەن, «ديپلوممەن اۋىلعا» جوباسىنا اۋىلدىق وكرۋگ ەكٸمدٸگٸنٸڭ اپپاراتىندا جۇمىس ٸستەيتٸن مەملەكەتتٸك قىزمەتشٸلەردٸ قوسۋ جوسپارلانعان. بۇل دا مەملەكەتتٸك بيۋدجەتتٸڭ شىعىس بٶلٸگٸن ارتتىرادى. بۇل نورما قر ٷكٸمەتٸنٸڭ 2019 جىلعى 30 جەلتوقسانداعى №1012 قاۋلىسىمەن قر پارلامەنتٸ مەجٸلٸسٸنٸڭ قاراۋىنا ەنگٸزٸلگەن «مەملەكەتتٸك قىزمەت مەسەلەلەرٸ بويىنشا قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ٶزگەرتۋلەر مەن تولىقتىرۋلار ەنگٸزۋ تۋرالى» زاڭ جوباسىندا كٶزدەلگەن», - دەدٸ ٷكٸمەت باسشىسى.
