پاريج قالاسىندا ساتىلىمعا شىعارىلعان اللوزاۆردىڭ قاڭقاسى 3 ميلليون ەۋروعا (شامامەن 1,5 ملرد تەڭگە) ساتىلدى. بۇل درۋو ساۋدا ٷيٸندە قويىلعان لوتتىڭ العاشقى باعاسىنان ەكٸ ەسە كٶپ, دەپ حابارلايدى Euronews.
سٷيەگٸنٸڭ 70 پايىزدايى ساقتالعان قاڭقانىڭ بيٸكتٸگٸ ٷش مەتردەن اسادى, ۇزىندىعى شامامەن 10 مەتر. دينوزاۆر قاڭقاسىنىڭ جاسى 150 ميلليون جىل. ەڭ ٸرٸ جىرتقىشتىڭ بٸرٸنٸڭ قاڭقاسىن ساتىپ العان ادامنىڭ ەسٸمٸ اتالمايدى. انتيكۆاريات ساراپشىلار سوڭعى ۋاقىتتا دينوزاۆر سٷيەكتەرٸنە ەرەكشە قىزىعۋشىلىق تۋىپ وتىرعانىن ايتادى.
«وسىنداي زاتتى ساتىپ الۋعا قىزىعۋشىلىق تانىتقان جەكەمەنشٸك مۇراجايلار از ەمەس, سەبەبٸ بۇل ٶتە قىزىقتى ەرٸ سيرەك ەكسپوناتتار. ول ٷيلەرٸندە وسىنداي قاڭقانى ساقتاپ جٷرۋگە قۇمار جەكەمەنشٸك ساتىپ الۋشىلاردى دا قىزىقتىرىپ وتىر», - دەپ اتاپ ٶتتٸ بەسساۋداشى الەكساندر جيكەللو.
دينوزاۆرعا قىزىعاتىنداردىڭ كٶپ ەكەنٸن ٶتكەن اپتادا نيۋ-يوركتەگٸ Christie's بەسساۋداسىندا ورناتىلعان رەكوردتان دا كٶرۋگە بولادى. تەلەفون ارقىلى ٶتكەن ساۋدا كەزٸندە وڭتٷستٸك داكوتاداعى بلەك حيللس گەولوگييالىق زەرتتەۋ ينستيتۋتىندا ساقتالىپ كەلگەن ستەن ەسٸمدٸ تيراننوزاۆر 32 ميلليون دوللارعا ساتىلىپ كەتتٸ.
